ಶ್ರೀ ಅಂಬಾ ಭವಾನಿ ದೇವಸ್ಥಾನ

ಕೆಳಕಬ್ಯಾಡಿ ಶ್ರೀ ಅಂಬಾಭವಾನಿ ದೇವಸ್ಥಾನದ ಶಿಲಾನ್ಯಾಸ ಕಾರ್ಯಕ್ರಮ .
ಉಡುಪಿ: ಕೆಳಕಬ್ಯಾಡಿಯಳದ  ಶ್ರೀ ಅಂಬಾಭವಾನಿ ದೇವಸ್ಥಾನದ ಪೊಸ  ಸುತ್ತುಪೌಳಿ  ನಿರ್ಮಾಣದ ಶಿಲಾನ್ಯಾಸ ಕಾರ್ಯಕ್ರಮ ಉಂದುವೇ ಬರ್ಪಿನ ನವೆಂಬರ್ 22ಗ್ ಐತಾರ ನಡಪರೆಗುಂಡ್..
ಶ್ರೀ ಅಂಬಾಭವಾನಿ ದೇವಸ್ಥಾನದ ಆಡಳಿತ ಮಂಡಳಿ ಬೊಕ್ಕ ಜೀರ್ಣೋದ್ಧಾರ ಸಮಿತಿದ ಆಶ್ರಯಡ್  ನಡಪರೆಗುಪ್ಪುನ ಕಾರ್ಯಕ್ರಮದ ಅಂಗವಾದ್ ಕಾಂಡೆ 9 ಗಂಟೆಡ್ದ್ ಧಾರ್ಮಿಕ ವಿಧಿವಿಧಾನೊಲು ಆರಂಭ ಆದ್. ಕಾಂಡೆ 10 ಗಂಟೆಡ್ದ್ ಸಾನ್ನಿಧ್ಯ ಆಹ್ವಾನ, ಪುಣ್ಯಾಹ, ಸ್ವಸ್ತಿವಾಚನ, ಕಾಂಡೆ 10.30ಡ್ದ್ ಶಿಲಾನ್ಯಾಸ ಕಾರ್ಯಕ್ರಮ ಬೊಕ್ಕ 11 ಗಂಟೆಡ್ದ್ ಧಾರ್ಮಿಕ ಸಭೆ ನಡಪರೆಗುಂಡ್.
ಮಧ್ಯಾಹ್ನ 12.30ಡ್ದ್ ಸಾರ್ವಜನಿಕ ಅನ್ನಸಂತರ್ಪಣೆ ಆಯೋಜನೆ ಮಲ್ದುಂಡ್.
ಈ ಪುಣ್ಯ ಕಾರ್ಯಡ್ ಭಕ್ತಾದಿಲು ಬೊಕ್ಕ ಸಾರ್ವಜನಿಕೆರು ಹೆಚ್ಚಿನ ಸಂಖ್ಯೆಡ್ ಪಾಲ್ ಪಡೆದ್ ಶ್ರೀ ದೇವಿನ ಕೃಪೆಕ್ ಪಾತ್ರರಾವೊಡ್ ಪಂಡುದ್ ದೇವಸ್ಥಾನದ ಆಡಳಿತ ಮಂಡಳಿ ಬೊಕ್ಕ ಜೀರ್ಣೋದ್ಧಾರ ಸಮಿತಿ ಮನವಿ ಮಲ್ದುಂಡ್.
ಈ ಹಿನ್ನೆಲೆಡ್ ಪೂರ್ವ ಭಾವಿ ಸಭೆ ನಡತುಂಡ್.