ಆಂಬುಲೆನ್ಸ್ ಡ್ ಲೋಕದ ಬೊಲ್ಪು ತೂಯಿನ ಆನ್ ಬಾಲೆ: ನಡು ಸಾದಿಡೇ ಪೆದ್ದಿಯೊಲು ಅಪ್ಪೆ.

ದೇವೆರೆನ ಆಟ ತೆರಿದೆರ್ ಏರ್; ಬದುಕುದ ಪುಟೊನ್ ಬರೆತೆರ್ ಆರ್.

ಕುಂದಾಪುರ ತಾಲೂಕು ಆಲೂರುದ ದೀಪಿಕಾಗ್ ಪೆದ್ದುನ ಬೇನೆ ಬತ್ತಿನಪಗ ಆಂಬುಲೆನ್ಸ್ ಗ್ ಲೆಪ್ಪು ಕೊರಿಯೆರ್.108 ಆಂಬುಲೆನ್ಸ್ ಬತ್ತುದ್ ಆಸ್ಪತ್ರೆಗ್ ಲೆಸೊಂದ್ ಪೋನಗ ಪೋಪಿನ ಸಾದಿಡೇ ದೀಪಿಕಾಗ್ ಜೋರು ಬೇನೆ ಬತ್ತುದ್ ಆಂಬುಲೆನ್ಸ್ ಡೇ ಬಾಲೆನ್ ಪೆದ್ದಿಯೊಲು.

ಆಂಬುಲೆನ್ಸ್ ಡಿತ್ತಿನ  EMT ನರ್ಸ್  ರಾಘವೇಂದ್ರ ಶೆಟ್ಟಿ ಬೊಕ್ಕ ಚಾಲಕೆ ಅಶೋಕ್ ಮೊಗವೀರ ಇತ್ತೆರ್.ಅಪ್ಪೆ ಬಾಲೆನ್ ಅಪಗನೇ ಕೋಟ ಆರೋಗಯ ಕೇಂದ್ರಗ್ ಸೇರ್ಪಾದೆರ್ .ಅಪ್ಪೆಲಾ ಬಾಲೆಲಾ ಆರೋಗ್ಯವಾದುಲ್ಲೆರ್ ಪಂಡುದ್ ಅಲ್ಪದ ವೈದ್ಯಾಧಿಕಾರಿಲು ತೆರಿಪಾದೆರ್.