ಮಲಬಾರ್ ವಿಶ್ವ ರಂಗ ಪುರಸ್ಕಾರ

ಮಲಬಾರ್ ವಿಶ್ವ ರಂಗ ಪುರಸ್ಕಾರ 2026 ಕಾರ್ಯಕ್ರಮ

ಉಡುಪಿ :- ಸಂಸ್ಕೃತಿ ವಿಶ್ವ ಪ್ರತಿಷ್ಠಾನ (ರಿ) ಬೊಕ್ಕ ಮಲಬಾರ್ ಗೋಲ್ಡ್ ಅಂಡ್ ಡೈಮಂಡ್ಸ್ ಉಡುಪಿದ ಆಶ್ರಯಡ್ ಮಲಬಾರ್ ವಿಶ್ವ ರಂಗ ಪುರಸ್ಕಾರ 2026 ಕಾರ್ಯಕ್ರಮ ಮಾ.26 ಗ್  ನಡತುಂಡ್..
ಹಿರಿಯ ರಂಗ ಕಲಾವಿದೆರಾಯಿನ
ಶ್ರೀಪತಿ ಮಂಜನಬೈಲು ಬೆಂಗಳೂರು, ಗೀತಾ ಸುರತ್ಕಲ್, ಎಸ್ ನಿತ್ಯಾನಂದ ಪೈ ಕಾರ್ಕಳ, ಅವಿನಾಶ್ ಕಾಮತ್ ಮುಂಬೈ, ರಾಮ್ ಶೆಟ್ಟಿ ಹಾರಾಡಿ ಮೊಕ್ಲೆಗ್  ಈ ಸರ್ತಿದ ಮಲಬಾರ್ ವಿಶ್ವ ರಂಗ ಪುರಸ್ಕಾರ ಕೊರ್ದು ಮಾನಾದಿಗೆ ಮಲ್ತೆರ್..
ಕಾರ್ಯಕ್ರಮದ ಸಭಾಧ್ಯಕ್ಷತೆಡೀತ್ತಿನ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಹಾಯಕ ನಿರ್ದೇಶಕಿ ಪೂರ್ಣಿಮಾ ಪಾತೆರ್ದ್ ಪ್ರತಿಯೊಂಜಿ  ನಾಟಕಲಾ  ಸಮಾಜಗ್  ಪೊಸ ಆಲೋಚನೆ ಕೊರ್ಪಿನ  ಬೊಲ್ಪುದ  ಕಿರಣವಾದುಂಡ್. ಕಲಾವಿದೆರು ಆ ಪಾತ್ರಗ್  ಶಕ್ತಿ ದಿಂಜಾವುನ  ಮೂಲಕ ಪ್ರೇಕ್ಷಕೆರೆಗ್  ಪೊಸ ಭರವಸೆ ಬೊಕ್ಕ ಸಂದೇಶ ಕೊರ್ಪಿನ  ಕಾರ್ಯ ಮಲ್ತೊಂದುಲ್ಲೆರ್. ಉಡುಪಿ ಜಿಲ್ಲೆ ಸಾಂಸ್ಕೃತಿಕ ಬೊಕ್ಕ ಸಾಹಿತ್ಯದ ಚಿಂತನೆ ಬೆಸೆಯುನ ಜಿಲ್ಲೆಯಾದುಂಡ್. ಸಂಸ್ಕೃತಿ ವಿಶ್ವ ಪ್ರತಿಷ್ಠಾನ ಕರಿನ  ಏಳು ವರ್ಷಡಿಂಚಿ  ಮಲ್ತೊಂದುಪ್ಪುನ ಕಾರ್ಯಕ್ರಮೊಲು ಮಾತೆರೆಗುಲಾ  ಮಾದರಿ ಪಂಡೆರು.
ಶಂಕರ್ ಸಮೂಹ ಸಂಸ್ಥೆದ ಆಡಳಿತ ನಿದೇ೯ಶಕಿ ಸುಗುಣ ಸುವಣ೯, ರಂಗಭೂಮಿ ಸಮಾಜನ್  ಸರಿಸಾದಿಗ್ ತಲುಪರೆಗ್ ನೆರವು ಕೊರ್ಪುಂಡ್.. ಕಲಾವಿದೆರೆಗ್ ಗೌರವ ಕೊರಿನಪಗ ಅಕ್ಲೆಗ್  ಕುಡಲಾತ್  ಸೇವೆ ಮಲ್ಪರೆಗ್ ಉತ್ಸಾಹ ಸಿಕ್ಕುಂಡ್  ಪಂಡೆರು.
ಸರಬರಾಜು ನಿರ್ವಹಣೆ ಪಾವತಿ ಬೊಕ್ಕ ಗುರುತುದ ಪರಿಹಾರೊಲು ನೆತ್ತ ಮಣಿಪಾಲ ಉಪಾಧ್ಯಕ್ಷ ನವೀನ್ ಕುಮಾರ್ ಶುಭ ಹಾರೈಸಿಯೆರು.
ವೇದಿಕೆಡ್  ಸಂಸ್ಕೃತಿ ವಿಶ್ವ ಪ್ರತಿಷ್ಠಾನದ ಗೌರವಾಧ್ಯಕ್ಷ ಉಡುಪಿ ವಿಶ್ವನಾಥ್ ಶೆಣೈ, ಅಧ್ಯಕ್ಷ ಪ್ರೊ. ಶಂಕರ್, ಮಲಬಾರ್ ಗೋಲ್ಡ್ ನ ಶಾಖ ವ್ಯವಸ್ಥಾಪಕ ಹಫೀಸ್ ರೆಹಮಾನ್, ಮಲಬಾರ್ ವಿಶ್ವ ರಂಗ ಪುರಸ್ಕಾರ ಸಮಿತಿದ ಸಂಚಾಲಕ ರಾಜೇಶ್ ಭಟ್ ಪಣಿಯಾಡಿ ಮೊಕುಲು  ವೇದಿಕೆಡ್ ಉಪಸ್ಥಿತರಿತ್ತೆರು. ಈ ಸಂದರ್ಭಡ್ ಮಲಬಾರ್ ಗೋಲ್ಡ್ ಸಿಬ್ಬಂದಿ ,ರಂಗ ನಟ ವಿಘ್ನೇಶ್ ಹಿರಿಯಡಕ ಮೊಕ್ಲೆನ್ ಮಾನಾದಿಗೆ ಮಲ್ತೆರ್..