ಕಸಾಪ ಸ್ವಾಗತ ಸಮಿತಿ ಕಾರ್ಯಾಧ್ಯಕ್ಷ

ಉಡುಪಿ ತಾಲೂಕು ಕನ್ನಡ ಸಾಹಿತ್ಯ ಸಮ್ಮೇಳನದ ಸ್ವಾಗತ ಸಮಿತಿ ಕಾರ್ಯಾಧ್ಯಕ್ಷೆರಾದ್ ಇಂದ್ರಾಳಿ ಜಯಕರ ಶೆಟ್ಟಿ ಆಯ್ಕೆ

ಉಡುಪಿ: ಉಡುಪಿ ತಾಲೂಕು ೧೬ನೇ ಕನ್ನಡ ಸಾಹಿತ್ಯ ಸಮ್ಮೇಳನದ ಸ್ವಾಗತ ಸಮಿತಿ ಕಾರ್ಯಾಧ್ಯಕ್ಷೆರಾದ್  ಜಯಕರ ಶೆಟ್ಟಿ ಇಂದ್ರಾಳಿ,  ಕಾರ್ಯದರ್ಶಿಯಾದ್ ಸತೀಶ್ ಕೊಡವೂರು, ಜೊತೆ ಕಾರ್ಯದರ್ಶಿಯಾದ್ ಪೂರ್ಣಿಮಾ ಜನಾರ್ದನ್ ಮೊಕ್ಲೆನ್ ಸರ್ವಾನುಮತಡ್ ಆಯ್ಕೆ ಮಲ್ದೆರ್.

ಕನ್ನಡ ಸಾಹಿತ್ಯ ಪರಿಷತ್ತು ಉಡುಪಿ ತಾಲೂಕು ಘಟಕದ ಅಧ್ಯಕ್ಷ ರವಿರಾಜ್ ಹೆಚ್. ಪಿ ಅವರ ಅಧ್ಯಕ್ಷತೆಡ್  ನಡತಿನ ಸಭೆಟ್  ಉಡುಪಿ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತು ಉಡುಪಿ ತಾಲೂಕು 16ನೇ ಕನ್ನಡ ಸಾಹಿತ್ಯ ಸಮ್ಮೇಳನದ ಪೂರ್ವಭಾವಿ ಸಭೆ ಉಡುಪಿದ ರಾಜಾಂಗಣದ ಮಥುರಾ ಕಂಫರ್ಟ್ಸ್ ಸಭಾಂಗಣಡ್ ನಡತುಂಡ್..

ಹಿರಿಯೆರು, ಸಾಹಿತ್ಯಾಭಿಮಾನಿಲು,, ಸಾಹಿತಿಲು,, ಕಲಾವಿದೆರು, ಪಾಲ್ ಪಡೆಯಿನ ಈ ಸಭೆಟ್  ಸಮ್ಮೇಳನದ ಸ್ವಾಗತ ಸಮಿತಿ ಬೊಕ್ಕ ಬೇತೆ ಬೇತೆ ಸಮಿತಿಲೆನ್  ರಚನೆ ಮಲ್ತೆರ್..  ಮೇ 3ಗ್ ಕನ್ನಡ ಸಾಹಿತ್ಯ ಸಮ್ಮೇಳನನ್ ಉಡುಪಿದ ಯಕ್ಷಗಾನ ಕಲಾರಂಗದ ಐವೈಸಿ ಹವಾನಿಯಂತ್ರಿತ ಸಭಾಂಗಣಡ್ ಗೌಜಿಡ್   ನಡಪರೆಗುಂಡ್. ಸಮ್ಮೇಳನ ಸರ್ವಾಧ್ಯಕ್ಷೆರಾದ್  ಖ್ಯಾತ ವೈದ್ಯ , ಸಾಹಿತಿ, ಕಲಾವಿದ ಡಾ. ಭಾಸ್ಕರಾನಂದ ಕುಮಾರ್ ಮೆರೆನ್ ಆಯ್ಕೆಮಲ್ದುಂಡ್.. 


ಈ ಸಂದಭ೯ಡ್  ಉಡುಪಿ ವಿಶ್ವನಾಥ್ ಶೆಣೈ, ವಿಶ್ರಾಂತ ಬ್ಯಾಂಕ್ ಅಧಿಕಾರಿ ಸಿ .ಎಸ್ . ರಾವ್ , ತಾಲೂಕು ಗೌರವ ಕಾರ್ಯದರ್ಶಿಲಾಯಿನ ಜನಾರ್ದನ ಕೊಡವೂರು, ರಂಜಿನಿ ವಸಂತ್  ಕೋಶಾಧಿಕಾರಿ ರಾಜೇಶ್ ಭಟ್ ಪಣಿಯಾಡಿ ಉಪಸ್ಥಿತರಿತ್ತೆರು.