ವಾಕಿಂಗ್ ಪೋವನಗ ಆಕಸ್ಮಿಕವಾದ್ ತುದೆಕ್ ಬೂರಿನ ಮಗೆ, ರಕ್ಷಣೆಗ್ ಪೋಯಿನ ಅಪ್ಪೆಲಾ ನೀರುಪಾಲು

ವಾಕಿಂಗ್ ಪೋನಗ ಆಕಸ್ಮಿಕವಾದ್ ತುದೆಕ್ ಬೂರಿನ ಮಗನ್ ರಕ್ಷಣೆ ಮಲ್ಪರೆಗ್ ಪೋಯಿನ ಅಪ್ಪೆಲಾ ನೀರುಪಾಲಾತಿನ ಘಟನೆ ಇನಿ ಬೈಂದೂರು ತಾಲೂಕು ನಾವುಂದಡ್ ನಡದುಂಡ್.
ಪತ್ರಕರ್ತೆರಾಯಿನ  ನೋಯೆಲ್ ಚುಂಗಿಗುಡ್ಡೆ ಮೆರೆನ ಬುಡೆದಿ ರೋಝಿರಿಯಾ ಬೊಕ್ಕ 11 ವರ್ಷದ ಮಗೆ ಶಾನ್ ಮೊಕುಲು ಈದುರ್ದೈವಿಲು.  ಕಾಂಡೆ ದಿನೊಲಾ ಇಲ್ಲ ಕೈತಲುದ ತುದೆ ಬರಿಟ್ ವಾಕಿಂಗ್ ಪೋವೊಂದಿತ್ತಿಲೆಕ್ಕನೇ ಇನಿ ಪೋನಗ ಈ ಘಟನೆ ನಡದುಂಡ್.ತುದೆಕ್ ಬೂರಿನ ಮಗನ್ ರಕ್ಷಣೆ ಮಲ್ಪರೆಗ್ ಪೋಯಿನ ಅಪ್ಪೆಲಾ ಮಗನೊಟ್ಟುಗ್ ನೀರು ಪಾಲಾತೊಲು.ಇರುವೆರ್ಲಾ ನೀರುದ ಒಯ್ಲುಗ್ ಅಪ್ಪೆ ಮಗೆ ಇರುವೆರ್ಲಾ ಕೊಚ್ಚೊಂದ್ ಪೋತೆರ್.
ಆ ಜಾಗೆಗ್ ಬತ್ತಿನ ಅಗ್ನಶಾಮಕ ದಳ ಬೊಕ್ಕ ಗಂಗೊಳ್ಳಿ ಪೋಲೀಸ್ ಸಿಬ್ಬಂದಿ ಬೊಕ್ಕ ಊರುದಕುಲು ನಾಡಿನಪಗ ಸುರುಕ್ ಮಗನ ಪುಣ ತಿಕ್ಕುದುಂಡ್ .ಅಪ್ಪೆನ ಪುಣಲಾ ಮರವಂತೆದ ಕೈತಲ್ ಸಿಕ್ಕುದುಂಡ್