ಗೊಂದಲ ಸೃಷ್ಟಿ ಮಲ್ದಿನ ಕಂಬುಲ

80 ಬಡಗಬೆಟ್ಟು ಗ್ರಾಮ ವ್ಯಾಪ್ತಿಡ್ ನಿಷೇಧಾಜ್ಞೆ

ಉಡುಪಿ ಜಿಲ್ಲೆ ಉಡುಪಿ ತಾಲ್ಲೂಕುದ , ಮಣಿಪಾಲ ಪೊಲೀಸ್ ಠಾಣಾ ಸರಹದ್ದು, 80 ಬಡಗಬೆಟ್ಟು ಗ್ರಾಮದ ಸ.ನಂ 11/1 ರಲ್ಲಿ 6.30 ಎಕ್ರೆ ಯುವಜನ ಸಬಲೀಕರಣ ಬೊಕ್ಕ ಕ್ರೀಡಾ ಇಲಾಖೆದ  ಜಮೀನುಡ್  ಫೆಬ್ರವರಿ 28 ಗ್  ಕಾಂಡೆ 10:00 ಗಂಟೆಗ್  ಪೊಸತಾದ್  ಕಂಬುಲದ ಕಲತ್ತ  ಗುದ್ದಲಿ ಪೂಜೆ ನಡಪರೆಗಿತ್ತುದ್ ಜಿಲ್ಲೆದ ಶಾಸಕೆರು ಬೊಕ್ಕ ಸಂಸದೆರ್ ಸಹಿತ ಸುಮಾರು 200 ಜನ ಪಾಲ್ ಪಡೆಯರೆಗಿತ್ತುದ್ , ಸದರಿ ಕಂಬುಲಗ್ ಜಮೀನು ದೀತಿನ  ಬಗ್ಗೆ ಸ್ಥಳೀಯರೆಡ ಅಸಮಾಧಾನ ಉಂಡು. ಅಧಿಕೃತವಾದ್  ಮಾರ್ಚ್ 4 ಗ್ ಕಾರ್ಯಕ್ರಮ ಆಯೋಜನೆ ಮಲ್ಪುನ ಬಗ್ಗೆ  ಜಿಲ್ಲಾಡಳಿತ ವತಿಡ್ದ್  ಪತ್ರಿಕಾ ಪ್ರಕಟಣೆ ಮಲ್ದಿತ್ತುದ್   ಸುಮಾರು 200 ಜನ ಸೇರ್ದ್ ಅನಧಿಕೃತವಾದ್  ಕಾರ್ಯಕ್ರಮ ಆಯೋಜನೆ ಮಲ್ಪುನ ಸಲುವಾದ್ ಗಲಾಟೆ ಆಪಿನ ಸಂಭವ ಇಪ್ಪುನೆಡ್ದಾವರ ಮಣಿಪಾಲ ಪೊಲೀಸ್ ಠಾಣಾ ಸರಹದ್ದು, 80 ಬಡಗಬೆಟ್ಟು ಗ್ರಾಮದ ಸ.ನಂ 11/1 ರಲ್ಲಿ 6.30 ಎಕ್ರೆ ಯುವಜನ ಸಬಲೀಕರಣ ಬೊಕ್ಕ ಕ್ರೀಡಾ ಇಲಾಖೆಗ್ ಉಪ್ಪುನ ಜಮೀನು ವ್ಯಾಪ್ತಿಡ್ ಕಾನೂನು ಸುವ್ಯವಸ್ಥೆ ಕಾಪಾಡುನ ಉದ್ದೇಶಡ್ ಫೆಬ್ರವರಿ 28 ಗ್ ಕಾಂಡೆ 06.00 ಗಂಟೆಡ್ದ್  ರಾತ್ರೆ 10.00 ಗಂಟೆಮುಟ್ಟ  ಬಿ.ಎನ್.ಎಸ್.ಎಸ್ ಕಲಂ.163 ರೀತ್ಯಾ ಜಿಲ್ಲಾದಂಡಾಧಿಕಾರಿ  ಆದುಪ್ಪುನ ಜಿಲ್ಲಾಧಿಕಾರಿ ಟಿ.ಕೆ ಸ್ವರೂಪ ನಿಷೇಧಾಜ್ಞೆ ಮಲ್ದಿತ್ತುದ್ ಒವ್ವೇ ಶಸ್ತ್ರಾಸ್ತ್ರಲು, ಅತ್ತುಂಡ ದೈಹಿಕ ಹಿಂಸೆ ಮಲ್ಪುನ ಬೇತೆ ಒವ್ವೇ ವಸ್ತುಲೆನ್ ಕೊನೊಪಿನ ಪಟಾಕಿಲೆನ್ ಬುಡ್ಪಿನಾವಡ್, ಒವ್ವೇ ಕ್ಷಾರಕ ಪದಾರ್ಥ ಅತ್ತುಂಡ ಸ್ಫೋಟಕೊಲು, ಕಲ್ಲು ದಕ್ಕುನ ನಿಷೇಧ ಮಲ್ದುಂಡ್.

ಪ್ರಚೋದನಾ ಬಹಿರಂಗ ಘೋಷಣೆ ಮಲ್ಪುನ  ಪದ ಪನ್ಪಿನ, , ಆವೇಶಭರಿತ ಭಾಷಣ , ನಿರೂಪಣೆ ನ್ ಸಂಪೂರ್ಣವಾದ್ ನಿಷೇಧ ಮಲ್ದುಂಡ್.

ಈ   ಆದೇಶನ್  ಉಲ್ಲಂಘಿಸಾಂಡ ಅಕ್ಲೆನ ವಿರುದ್ಧ ನಿಯಮಾನುಸಾರ ಕ್ರಿಮಿನಲ್ ಮೊಕದ್ದಮೆ ದಾಖಲೆ ಮಲ್ಪುಂಡ್ ಪಂಡುದು ಜಿಲ್ಲಾಧಿಕಾರಿ ಕಚೇರಿ ಪ್ರಕಟಣೆ ತೆರಿಪಾದುಂಡ್.