ಅಗ್ನಿ ಅವಘಡ

ಉಡುಪಿದ  ಸಿಟಿ ಬಸ್ ನಿಲ್ದಾಣದಲ್ಪ ಭಾರಿ ಮಲ್ಲ ಅವಘಡ ಆತುಂಡ್. ಅಂಗಡಿಗ್  ತೂ ಪೊತ್ತುದ್ ಭಸ್ಮ ಆತುಂಡ್.

ಇನಿ ಬಯ್ಯಗ್ 5.30 ಗಂಟೆಗ್ ಶಾರ್ಟ್ ಸರ್ಕ್ಯೂಟ್ ಡಾದ್ ತೂ  ಪಸುದುಂಡ್. ತೂವೊಂದಿತ್ತಿಲೆಕ್ಕನೇ ತೂ ವ್ಯಾಪಕವಾದ್ ಪರಡುದ್ ಕೆಲವು ಅಂಗಡಿಲು ಭಸ್ಮ ಆತುಂಡ್..

ಕಟ್ಟಡಡಿತ್ತಿನ ಮೊಬೈಲ್ ಅಂಗಡಿ ಬೊಕ್ಕ ಹಾರ್ಡ್‌ವೇ‌ರ್ ಅಂಗಡಿಗ್ ಆಕಸ್ಮಿಕವಾದ್ ತೂ ಬೂರ್ದ್ , ಕ್ಷಣಾರ್ಧಡ್ ಜ್ವಾಲೆ ವ್ಯಾಪಿಸಾದ್ ಅಂಗಡಿಡ್ ಇತ್ತಿನ  ವಸ್ತುಲು ಸಂಪೂರ್ಣವಾದ್ ಪೊಸುದ್  ಕರಕಲಾತುಂಡ್. ಘಟನೆಡ್ ವ್ಯಾಪಾರಿಲೆಗ್  ಭಾರೀ ಆರ್ಥಿಕ ನಷ್ಟ ಆತುಂಡ್  ಪಂಡುದು ಅಂದಾಜ್ ಮಲ್ದೆರ್.. ಸುದ್ದಿ ತೆರಿಲೆಕ್ಕನೇ  ಅಗ್ನಿಶಾಮಕ ದಳ ಬೊಕ್ಕ ಪೊಲೀಸೆರೆಗ್  ಸ್ಥಳೀಯೆರು ಮಾಹಿತಿ ಕೊರ್ತೆರ್.

ಜಾಗೆಗ್  ಬತ್ತಿನ ಅಗ್ನಿಶಾಮಕ ದಳದಕುಲು ತೂ ತೆಕ್ಕಾವರೆಗ್ ಹರಸಾಹಸ ಮಲ್ತೊಂದುಲ್ಲೆರ್.. ನನಲಾ ತೂ ಹತೋಟಿಗ್ ಬೈದುಜಿ. ಅಗ್ನಿಶಾಮಕ ದಳದಕ್ಲೆನ  ಕಾರ್ಯಾಚರಣೆ ದುಂಬರಿಯೊಂದುಂಡ್.