ದಾವಣಗೆರೆ ಉಪ ಚುನಾವಣೆ

*ದಾವಣಗೆರೆ ಬಾಗಲಕೋಟೆ ಉಪ ಚುನಾವಣೆ  ಗೆಲುವು, ಉಂದು ಕಾಂಗ್ರೆಸ್ ಸರ್ಕಾರದ ಅಭಿವೃದ್ಧಿಗ್ ಸಿಕ್ಕಿನ ಜಯ: ಉದಯ ಶೆಟ್ಟಿ ಮುನಿಯಾಲು ಹರ್ಷ*

ದಾವಣಗೆರೆ ಬೊಕ್ಕ ಬಾಗಲಕೋಟೆ ಉಪಚುನಾವಣೆಡ್ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ಪಕ್ಷದ ಅಭ್ಯರ್ಥಿಲು ಭರ್ಜರಿಯಾದ್  ಗೆಲುವು ಸಾಧನೆ ಮಲ್ತುದ್ ಅತ್ಯಂತ ಸಂತಸ ಕನದುಂಡ್. ಉಂದು ರಾಜ್ಯ ಕಾಂಗ್ರೆಸ್ ಸರ್ಕಾರದ ಅಭಿವೃದ್ಧಿ ಕಾರ್ಯಲೆಗ್ ಜನಕುಲ್ ಕೊರಿನ ಬೆರಿಬಲದ ಸ್ಪಷ್ಟ ಸಂಕೇತವಾದುಂಡ್. ಸರ್ಕಾರ ಜಾರಿಗೆ ಕನದಿನ ಜನಪರ ಯೋಜನೆಲು, ಅಭಿವೃದ್ಧಿ ಕಾರ್ಯೊಲು ಬೊಕ್ಕ ಸಮಗ್ರ ಆಡಳಿತಗ್  ಮತದಾರೆರು ಮೆಚ್ಚುಗೆ ವ್ಯಕ್ತಪಡಿಸಾದಿನವ್ ಈ ಫಲಿತಾಂಶಡ್ ಸ್ಪಷ್ಟವಾದುಂಡ್ ಪಂಡುದು ಕಾರ್ಕಳ ಕಾಂಗ್ರೆಸ್ ನಾಯಕೆರಾಯಿನ ಉದಯ ಶೆಟ್ಟಿ ಮುನಿಯಾಲು ಹರ್ಷ ವ್ಯಕ್ತಪಡಿಸಾದೆರ್.

ಈ ಸಂದರ್ಭಡ್  ಗೆಲುವು ಸಾಧಿಸಾಯಿನ ಅಭ್ಯರ್ಥಿಲಾಯಿನ ಉಮೇಶ್ ಮೇಟಿ ಬೊಕ್ಕ ಸಮರ್ಥ್ ಶ್ಯಾಮನೂರ್ ಗ್ ಹಾರ್ದಿಕ ಅಭಿನಂದನೆಲೆನ್ ಸಲ್ಲಿಸಾವ. ದುಂಬುದ ದಿನೊಟ್ ಆರು ಜನಕ್ಲೆನ ನಿರೀಕ್ಷೆಗ್ ತಕ್ಕ ಸೇವೆ ಸಲ್ಲಿಸಾದ್  ಕ್ಷೇತ್ರದ ಅಭಿವೃದ್ಧಿಗ್ ಕುಡಲಾತ್  ಶ್ರಮಿಸಾವೆರ್  ಪನ್ಪಿನ ವಿಶ್ವಾಸ ನಮ್ಮವ್..
ಈ ಐತಿಹಾಸಿಕ ಗೆಲುವು ರಾಜ್ಯ ಕಾಂಗ್ರೆಸ್ ಸರ್ಕಾರಗ್ ಕನತಿನ ಜಯವಾದಿತ್ತುದ್, ಜನಸೇವೆದ ದಿಕ್ಕುಡ್ ನನಲಾತ್  ಉತ್ಸಾಹಡ್  ದುಂಬರಿಯರೆಗ್ ಪ್ರೇರಣೆ ಕೊರ್ಪುಂಡ್ ಪಂಡೆರು .

ಮುಖ್ಯಮಂತ್ರಿ ಸಿದ್ದರಾಮಯ್ಯ ಬೊಕ್ಕ ಉಪ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ನೇತೃತ್ವದ ಕಾಂಗ್ರೆಸ್ ಸರ್ಕಾರ ಜನತೆಗ್ ಕೊರಿನ ಪಂಚ ಗ್ಯಾರಂಟಿ ಯೋಜನೆಲು  ಜನಮನನ್ ಗೆಂದುದ್ ಗ್ಯಾರಂಟಿ ಯೋಜನೆಲು ದಿನೊಡ್ದ್ ದಿನ ಜನಪ್ರೀಯ ಆವೊಂದುಂಡ್, ಬಿಜೆಪಿ  ಅಪಪ್ರಚಾರಲೆಗ್ ಕೆಬಿ ಕೊರಂದೆ ಕಾಂಗ್ರೆಸ್ ಪಕ್ಷನ್  ಗೆಂದಾಯಿನ ಜನತೆಗ್ ಈ ಸಂದರ್ಭಡ್  ಅಭಿನಂದೆನೆಲು ಪಂಡುದು ಕಾರ್ಕಳ ಕಾಂಗ್ರೆಸ್ ನಾಯಕೆರಾಯಿನ ಉದಯ ಶೆಟ್ಟಿ ಮುನಿಯಾಲು ಪತ್ರಿಕಾ ಹೇಳಿಕೆಡ್  ತೆರಿಪಾದೆರ್.