ಕರ್ನಾಟಕ ಛಾಯಾರತ್ನ ಪ್ರಶಸ್ತಿ

ಸುರೇಶ್ ಜಿ. ಕಲ್ಮಾಡಿಗ್ ಕರ್ನಾಟಕ ಛಾಯಾರತ್ನ” ಪ್ರಶಸ್ತಿ

ಉಡುಪಿ: ಛಾಯಾಗ್ರಹಣ ಬೊಕ್ಕ ವಿಡಿಯೋಗ್ರಫಿ ಕ್ಷೇತ್ರಡ್  ಸಲ್ಲಿಸಾಯಿನ  ವಿಶಿಷ್ಟ ಸೇವೆನ್  ಪರಿಗಣಿಸಾದ್ ಉಡುಪಿದ ಖ್ಯಾತ ಛಾಯಾಗ್ರಾಹಕ ಸುರೇಶ್ ಜಿ. ಕಲ್ಮಾಡಿಗ್   ಪ್ರತಿಷ್ಠಿತ “ಕರ್ನಾಟಕ ಛಾಯಾರತ್ನ” ಪ್ರಶಸ್ತಿ ಪ್ರದಾನ ಮಲ್ದೆರ್.
ಬೆಂಗಳೂರುಡ್  ಜೂನ್ 12ಗ್  ನಡತಿನ  “ಫೋಟೋ ಟುಡೇ 2026” ಛಾಯಾಗ್ರಹಣ, ವಿಡಿಯೋಗ್ರಫಿ ಬೊಕ್ಕ ಡಿಜಿಟಲ್ ಇಮೇಜಿಂಗ್ ಪ್ರದರ್ಶನದ ಸಂದರ್ಭಡ್  ಈ ಗೌರವನ್  ಕೊರ್ದು ಸನ್ಮಾನ ಮಲ್ತೆರ್.. ಕರ್ನಾಟಕ ವೀಡಿಯೋ ಬೊಕ್ಕ ಫೋಟೋ ಅಸೋಸಿಯೇಷನ್ (KVPA) ಬೊಕ್ಕ ಬಾಯ್ ಸೆಲ್ ಇಂಟರಾಕ್ಷನ್ಸ್ ಸಂಸ್ಥೆದ ಸಹಯೋಗಡ್ ಕಾರ್ಯಕ್ರಮ ಆಯೋಜನೆ ಮಲ್ದಿತ್ತೆರ್..
ಸುರೇಶ್ ಜಿ. ಕಲಾಡಿ ಮೇರು ಕೆಲವು ವರ್ಷಡಿಂಚಿ  ಛಾಯಾಗ್ರಹಣ ಕ್ಷೇತ್ರಡ್ ಸಕ್ರಿಯರಾದಿತ್ತುದ್ , ತನ್ನ ಸೃಜನಾತ್ಮಕ ಛಾಯಾಚಿತ್ರದ ಮೂಲಕ ರಾಜ್ಯಮಟ್ಟಡ್  ಗುರುತಿಸಾವೊಂದೆರ್.. ಅರೆನ  ಸಾಧನೆಗ್ ಈ ಪ್ರಶಸ್ತಿ ಕುಡೊಂಜಿ  ಗರಿಮೆನ್  ಕನದುಂಡ್.
ಪ್ರಶಸ್ತಿ ಪ್ರದಾನದ  ಸಂದರ್ಭಡ್  ಛಾಯಾಗ್ರಹಣ ಕ್ಷೇತ್ರದ ಗಣ್ಯೆರು, ಸಂಘಟನೆದ  ಪದಾಧಿಕಾರಿಲು  ಬೊಕ್ಕ ಅಭಿಮಾನಿಲು ಸುರೇಶ್ ಜಿ. ಕಲ್ಮಾಡಿಗ್  ಅಭಿನಂದನೆ ಸಲ್ಲಿಸಾದೆರು.