ಯಶೋ ಮಾಧ್ಯಮ ಪ್ರಶಸ್ತಿ

“ಯಶೋ ಮಾಧ್ಯಮ-2026” ಪ್ರಶಸ್ತಿಗ್ ಸುಬ್ರಮಣ್ಯ.ಜಿ ಕುರ್ಯ ಆಯ್ಕೆ

ರಾಜಾಜಿನಗರದ ಸ್ಪಂದನ ಸೇವಾ ಸಂಸ್ಥೆ ವತಿಡ್ದ್ ಪ್ರತಿ ವರ್ಷದಂಚ ಉಡುಪಿ ಜಿಲ್ಲೆದ  ಒರಿ ಪತ್ರಕರ್ತರೆಗ್ ಕೊರ್ಪಿನ “ಯಶೋ ಮಾಧ್ಯಮ” ಪ್ರಶಸ್ತಿನ್  ಈ ಬಾರಿ ಉಡುಪಿ ಜಿಲ್ಲಾ ಪತ್ರಕರ್ತರ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷೆರು ಬೊಕ್ಕ ವಿಜಯ ಕರ್ನಾಟಕ ಉಡುಪಿ ಜಿಲ್ಲಾ ವರದಿಗಾರೆರಾಯಿನ ಸುಬ್ರಮಣ್ಯ.ಜಿ ಕುರ್ಯ ಮೆರೆನ್ ಆಯ್ಕೆ ಮಲ್ದುಂಡ್ ಪಂಡುದು  ಸ್ಪಂದನಾ ಸೇವಾ ಸಂಸ್ಥೆದ ಖಜಾಂಚಿ ರಜನಿ.ವಿ. ಪೈ ಪಂಡೆರು.
ಮಾಧ್ಯಮದೊಟ್ಟುಗ್  ಪಾತೆರಿನ  ಆರು,
15-06-2026 ರ ಸೋಮವಾರ ಕಾಂಡೆ 10 ಗಂಟೆಗ್ ಉಡುಪಿ ಜಿಲ್ಲೆದ  ಕಲ್ಯಾಣಪುರದ ಹಿಂದೂ ಹಿರಿಯ ಪ್ರಾಥಮಿಕ ಶಾಲೆದ ಜೋಕ್ ಲೆಗ್  ಉಚಿತ ಪುಸ್ತಕ ವಿತರಣಾ ಸಮಾರಂಭಡ್  “ಯಶೋ ಮಾಧ್ಯಮ-2026” ಪ್ರಶಸ್ತಿನ್ ವಿತರಣೆ ಮಲ್ಪುಂಡ್ ಪಂಡುದು ಪಂಡೆರು.
ಕರ್ನಾಟಕ ರಾಜ್ಯ ಸರ್ಕಾರದ ಮಾಜಿ ಸಚಿವೆರಾಯಿನ  ಪ್ರಮೋದ್ ಮಧ್ವರಾಜ್  ಕಾರ್ಯಕ್ರಮನ್  ಉದಿಪನ ಮಲ್ಪುವೆರ್.ಉಡುಪಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಲಾಯಿಞ ಹರಿರಾಮ್ ಶಂಕರ್ ಕಾರ್ಯಕ್ರಮದ ಅಧ್ಯಕ್ಷತೆಡಿಪ್ಪುವೆರ್. ಮುಖ್ಯ ಅತಿಥಿಲಾದ್ ಪತ್ರಕರ್ತರಾಯಿನ  ಜನಾರ್ದನ್ ಕೊಡವೂರು,
ಕಲ್ಯಾಣಪುರದ ಶ್ರೀವೆಂಕಟರಮಣ ದೇವಸ್ಥಾನದ ಆಡಳಿತ ಮೊಕ್ತೇಸರರಾಯಿನ ರಾಮರಾಯ್ ಕಿಣಿ, ಹಿಂದೂ ಹಿರಿಯ ಪ್ರಾಥಮಿಕ ಶಾಲೆದ  ಆಡಳಿತಾಧಿಕಾರಿ
ಸುಬ್ರಮಣ್ಯ ಕಾರಂತ್,  ಉದ್ಯಾನವನ ವಿನ್ಯಾಸಗಾರೆರಾಯಿನ
ಲೋಕೇಶ್ ಪೂಜಾರಿ, ಮಣಿಪಾಲ ಕಾಲೇಜ್ ಆಫ್ ನರ್ಸಿಂಗ್ ದ
ಸಹಾಯಕ ಪ್ರಾಧ್ಯಾಪಕೆರಾಯಿನ
ಡಾ.ಮರಿಯಾ ಪಾಯಸ್, ಸ್ಪಂದನಾ ಸೇವಾ ಸಂಸ್ಥೆದ ಖಜಾಂಚಿ ಶ್ರೀಮತಿ ರಜನಿ ವಿ.ಪೈ,
ಕಾರ್ಯದರ್ಶಿ ಸಂತೋಷ್ ಕಾಮತ್ ಉಪಸ್ಥಿತರಿಪ್ಪುವೆರು.
ಅಂಚೆನೇ ಕಲ್ಯಾಣಪುರ ಶ್ರೀವೆಂಕಟರಮಣ ದೇವಸ್ಥಾನಗ್ ನೂತನವಾದ್  ಆಯ್ಕೆಯಾಯಿನ ಆಡಳಿತ ಮಂಡಳಿದಕ್ಲೆಗ್  ಸ್ಪಂದನಾ ಸೇವಾ ಸಂಸ್ಥೆದ ವತಿಡ್ದ್   ಮಾನಾದಿಗೆ ಮಲ್ಪುವೆರ್ ಪಂಡುದು ರಜನಿ.ವಿ.ಪೈ ಪಂಡೆರು.