ಗಾಂಧಿ ಆಸ್ಪತ್ರೆಗ್ 30ದ ಗೌಜಿ

ಗಾಂಧಿ ಆಸ್ಪತ್ರೆಗ್ 30ದ ಸಡಗರ : ಸ್ವಯಂಪ್ರೇರಿತ ನೆತ್ತೆರ್ ದಾನ ಶಿಬಿರ

ಉಡುಪಿ ಸಿಟಿ ಬಸ್ ನಿಲ್ದಾಣದಲ್ಪದ  ಗಾಂಧಿ ಆಸ್ಪತ್ರೆಗ್ 30ವರ್ಷ ಸಂಭ್ರಮದ ಹಿನ್ನೆಲೆಡ್ ಅಜ್ಜರಕಾಡುಜಿಲ್ಲಾ ಸರಕಾರಿ ಆಸ್ಪತ್ರೆದ  ಜಿಲ್ಲಾ ರಕ್ತ ನಿಧಿ ಕೇಂದ್ರದ ಸಹಯೋಗಡ್  ಸ್ವಯಂ ಪ್ರೇರಿತ ನೆತ್ತೆರ್  ದಾನ ಶಿಬಿರ  ಆಸ್ಪತ್ರೆದ  ಲಹರಿ ಸಭಾಂಗಣಡ್  ಐತಾರ ನಡತುಂಡ್..

ಉಡುಪಿ ನಗರಸಭೆ ಅಧ್ಯಕ್ಷ ಪ್ರಭಾಕರ್ ಪೂಜಾರಿ ಸ್ವಯಂ ಪ್ರೇರಿತ ನೆತ್ತೆರ್ ದಾನ ಶಿಬಿರ ಉದೀಪನ ಮಲ್ತುದ್  ಪಾತೆರ್ದ್ , ಸಮಾಜಡ್ದ್  ಪಡೆದೀನವ್ವೆನ್  ಸಮಾಜಗ್ ಪಟ್ಟುನ ಕೆಲಸೊನ್ ಗಾಂಧಿ ಆಸ್ಪತ್ರೆ ಮಲ್ತೊಂದುಂಡ್ . ನಗರಸಭೆತ್ತ ಒಟ್ಟುಗ್  ಗಾಂಧಿ ಆಸ್ಪತ್ರೆ ಕೈಜೋಡಿಸಾದಿತ್ತುದ್ ಎಂ.ಹರಿಶ್ಚಂದ್ರರ ಸಾಮಾಜಿಕ ಕಳಕಳಿ ಶ್ಲಾಘನೀಯ ಪಂಡೆರು.

ಉಡುಪಿ ನಗರಸಭೆ ಪೌರಾಯುಕ್ತ ಡಾ. ಉದಯ ಕುಮಾರ್ ಶೆಟ್ಟಿ ಪಾತೆರ್ದ್ , ಆರೋಗ್ಯ, ಶಿಕ್ಷಣ, ಆದಾಯದ ಆಧಾರಡ್ ಮಾನವ ಅಭಿವೃದ್ಧಿ ಅಳತೆಗೋಲಾದಿತ್ತುದ್  ಮಡಾಮಕ್ಕಿ ದಂಚಿನ ಕುಗ್ರಾಮಡ್ದ್  ಬತ್ತಿನ ಎಂ.ಹರಿಶ್ಚಂದ್ರರ ಸಾಧನೆ ಅನ್ಯರೆಗ್  ಮಾದರಿ ಪಂಡೆರು.

ಉಡುಪಿ ಟೌನ್ ಕೋ ಆಪರೇಟಿವ್ ಬ್ಯಾಂಕ್ ಅಧ್ಯಕ್ಷ ಎಚ್. ಜಯಪ್ರಕಾಶ್ ಕೆದ್ಲಾಯ ಪಾತೆರಿಯೆರು.  ಗಾಂಧಿ ಆಸ್ಪತ್ರೆ ಸ್ಥಾಪಕ ಬೊಕ್ಕ  ಆಡಳಿತ ನಿರ್ದೇಶಕ ಎಂ.ಹರಿಶ್ಚಂದ್ರ ಅಧ್ಯಕ್ಷತೆಡಿತ್ತುದ್ ಪಾತೆರಿಯೆರು. ಗಾಂಧಿ ಆಸ್ಪತ್ರೆಡ್  ಪುಟ್ಟುದಿನ, ಬೇತೆ ಬೇತೆ ಕ್ಷೇತ್ರದ ಸಾಧಕೆರು ಬೊಕ್ಕ ಆಸ್ಪತ್ರೆದ ಸಿಬ್ಬಂದಿನ್ ಮಾನಾದಿಗೆ ಮಲ್ತೆರ್..

ಕರ್ನಾಟಕ ಬ್ಯಾಂಕ್ ಉಡುಪಿ ಪ್ರಾದೇಶಿಕ ಕಚೇರಿದ  ಎಜಿಎಂ ವಾದಿರಾಜ ಭಟ್, ಲಕ್ಷ್ಮೀ ಹರಿಶ್ಚಂದ್ರ, ಡಾ. ಪಂಚಮಿ, ಡಾ. ವಿದ್ಯಾ ವಿ ತಂತ್ರಿ ಉಪಸ್ಥಿತರಿತ್ತೆರು.  ವಿಜಯಲಕ್ಷ್ಮಿ ಪ್ರಾರ್ಥನೆ ಮಲ್ತೆರು. ಗಾಂಧಿ ಆಸ್ಪತ್ರೆ ವೈದ್ಯಕೀಯ ನಿರ್ದೇಶಕ ಡಾ. ವ್ಯಾಸರಾಜ ತಂತ್ರಿ ಪ್ರಾಸ್ತಾವಿಕ ಪಾತೆರಿಯೆರು. ಶ್ವೇತಾ ಕಾರ್ಯಕ್ರಮ ನಿರೂಪಣೆ ಮಲ್ತುದ್, ಸುಮಾ ವಂದಿಸಾಯೆರು.

*30ವರ್ಷ ಪಿರ ಗೆಳೆಯನೊಟ್ಟುಗ್  25 ಬೆಡ್‍ ಡ್ದ್  ಎಂ ಹರಿಶ್ಚಂದ್ರೆರು ಆರಂಭ ಮಲ್ತಿನ ಆಸ್ಪತ್ರೆ 2002ಡ್  ಸ್ವಂತ ಕಟ್ಟಡ ಮಲ್ತುದ್, ಐನ್ ಡಯಾಲಿಸಿಸ್ ಯಂತ್ರ ಅಳವಡಿಸಾಯೆ. 25 ವರುಷಡಿಂಚಿ ಪಂಚಮಿ ಟ್ರಸ್ಟ್ ಮೂಲಕ ಸಮಾಜ ಮುಖಿ ಸೇವೆ, ಸಿಟಿ ಬಸ್ ನಿಲ್ದಾಣಡ್ದ್ ಕಲ್ಸಂಕ ತನಕದ ಮುಖ್ಯರಸ್ತೆನ್  ಪತ್ತು ವರ್ಷಡಿಂಚಿ ಪ್ರತಿ ಐತಾರ ಸ್ವಚ್ಚತೆ ಕಾರ್ಯ, ಗಾರ್ಡನ್ ನಿರ್ವಹಣೆ ಮಲ್ತೊಂದುಂಡ್. ಡಾ. ವ್ಯಾಸರಾಜ ತಂತ್ರಿ, ವೈದ್ಯಕೀಯ ನಿರ್ದೇಶಕ, ಗಾಂಧಿ ಆಸ್ಪತ್ರೆ, ಉಡುಪಿ
………..
ಪೋಟೋ ಕ್ಯಾಪ್ಶನ್ : ಸ್ವಯಂಪ್ರೇರಿತ ರಕ್ತದಾನ ಶಿಬಿರೊನ್ ಉಡುಪಿ ನಗರಸಭೆ ಅಧ್ಯಕ್ಷ ಪ್ರಭಾಕರ ಪೂಜಾರಿ ಉದಿಪನ ಮಲ್ತೆರು.