ತುಳುನಾಟಕ ಕಾರ್ಯಾಗಾರ

ತುಳು ನಾಟಕ ಕಾರ್ಯಗಾರ ಸಮಾರೋಪ :
ವಿದ್ಯಾರ್ಥಿಲೆಡ್ದ್  ನಾಟಕ ಪ್ರದರ್ಶನ

ಮಂಗಳೂರು: ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ ಉರ್ವ ಎಸ್.ಸಿ.ಎಸ್.ಪ್ರಥಮ‌ ದರ್ಜೆ ಕಾಲೇಜ್ ಸಹಯೋಗಡ್ ನಡತಿನ ತುಳು ನಾಟಕ ತರಬೇತಿ ಕಾರ್ಯಾಗಾರದ ಸಮಾರೋಪ ಸಮಾರಂಭ ಬೊಕ್ಕ ನಾಟಕ ಪ್ರದರ್ಶನ ಕಾರ್ಯಕ್ರಮ ಬುಧವಾರ ಕಾಲೇಜಿದ ಸಭಾಂಗಣಡ್ ನಡತುಂಡ್..
ಕಾರ್ಯಕ್ರಮ ಉದಿಪನ ಮಲ್ತಿನ ನಟ ಸಾಯಿ ಚೇತನ್ ಪಾತೆರ್ದ್ , ರಂಗಭೂಮಿದ ಕಲಿಕೆ ನಿರಂತರವಾದಿತ್ತುದ್, ಸದಾ ಪೊಸತನದ ಅನ್ವೇಷಣೆ ನಡತೊಂದುಪ್ಪುಂಡ್. ವಿದ್ಯಾರ್ಥಿಲೆಗ್ ತುಳು ನಾಟಕ ತರಬೇತಿ ಆಯೋಜನೆ ಮಲ್ದಿನ ತುಳು ಸಾಹಿತ್ಯ ಅಕಾಡೆಮಿದ ಕಾರ್ಯ ಶ್ಲಾಘನೀಯ ಪಂಡೆರು.
ಕಾರ್ಯಕ್ರಮದ ಅಧ್ಯಕ್ಷತೆಡಿತ್ತಿನ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ತಾರಾನಾಥ ಗಟ್ಟಿ ಕಾಪಿಕಾಡ್ ಪಾತೆರ್ದ್ ಕಾಲೇಜಿಡ್  ರಂಗಾಭ್ಯಾಸ ವಿದ್ಯಾರ್ಥಿಲೆಗ್ ಸೃಜನಾತ್ಮಕ ಯೋಚನೆದ  ಮೂಲಕ ಪಠ್ಯ ಅಧ್ಯಯನಗುಲಾ ಪೂರಕ ಆಪುಂಡ್ ಪಂಡೆರು.
ತರಬೇತಿ ಕಾರ್ಯಾಗಾರದ ನಿರ್ದೇಶಕೆರಾಯಿನ  ಯೋಗೀಶ್ ಶೆಟ್ಟಿ, ರಂಗ ನಿರ್ದೇಶಕ ಜಗನ್ ಪವಾರ್, ಕಾಲೇಜಿದ ಕನ್ನಡ ವಿಭಾಗ ಮುಖ್ಯಸ್ಥೆರಾಯಿನ  ಸುಚಿತ್ರಾ ಪಿ.ಶೆಟ್ಟಿ ಉಪಸ್ಥಿತರಿತ್ತೆರು. ವಿದ್ಯಾರ್ಥಿಲಾಯಿನ  ರಿತೇಶ್ ಪೂಜಾರಿ ಬೊಕ್ಕ ಶಶಾಂಕ್ ನಾಟಕ ಕಾರ್ಯಗಾರದ ಅನುಭವ ಪಟ್ಟೊಂಡೆರು.
ಪ್ರಾಂಶುಪಾಲ ಹಾರ್ದಿಕ್ ಪಿ.ಚೌಹಾಣ್ ಸ್ವಾಗತ ಮಲ್ತೆರು. ವಿದ್ಯಾರ್ಥಿನಿ ಮೇಘ ಕಾರ್ಯಕ್ರಮ ನಿರೂಪಣೆ ಮಲ್ತೆರು. ಕಾಲೇಜು ತುಳು ಸಂಘದ ಸಂಚಾಲಕಿ ದೀಕ್ಷಿತಾ ಸೊಲ್ಮೆ ಸಂದಾಯ್ತ ಮಲ್ತೆರ್ .