ಆದಿಶಕ್ತಿ ಕ್ಷೇತ್ರ ದೊಡ್ಡಣಗುಡ್ಡೆ.

ದೊಡ್ಡಣಗುಡ್ಡೆೆ ಶ್ರೀ ದುರ್ಗಾ ಆದಿಶಕ್ತಿ ಕ್ಷೇತ್ರ
ಏಕೋತ್ತರ ತ್ರಿಶತ ಬ್ರಹ್ಮಕುಂಭಾಭಿಷೇಕ, ಸೌರ ಸೂಕ್ತ ಹೋಮ
ಉಡುಪಿ, ಮೇ 4: ದೊಡ್ಡಣಗುಡ್ಡೆ ಶ್ರೀಚಕ್ರಪೀಠ ಸುರಪೂಜಿತೆ ಶ್ರೀ ದುರ್ಗಾ ಆದಿಶಕ್ತಿ ಕ್ಷೇತ್ರದ ಕಪಿಲ ಮಹರ್ಷಿಲೆನ ಸಾನ್ನಿಧ್ಯವಾಯಿನ ಗಾಯತ್ರಿ ಧ್ಯಾನಪೀಠಡ್  ಪೊಸತಾದ್ ನಿರ್ಮಿಸಲಾಯಿನ ಶಿಲಾಮಯ ಗುಡಿಟ್  ನಡತಿನ ಕ್ಷೇತ್ರದ ಧರ್ಮದರ್ಶಿ ಶ್ರೀ ರಮಾನಂದ ಗುರೂಜಿ ಮಾರ್ಗದರ್ಶನಡ್ ನಡತಿನ ಪಂಚಮುಖಿ ಗಾಯತ್ರಿ ದೇವಿನ  ಶಿಲಾಬಿಂಬ ಪ್ರತಿಷ್ಠೆೆ ಪ್ರಯುಕ್ತ ಐತಾರ ಪಂಚವಿಂಶತಿ ದ್ರವ್ಯ ಮೀಳಿತ ಏಕೋತ್ತರ ತ್ರಿಶತ (301) ಬ್ರಹ್ಮಕುಂಭಾಭಿಷೇಕ ನೆರವೇರುಂಡ್..
ಗಣೇಶ ಸರಳಾಯರೆನ ನೇತೃತ್ವಡ್ , ಗೌರವ ಸಲಹೆಗಾರ ವೇಮೂ ವಿಖ್ಯಾತ್ ಭಟ್ ಸಹಭಾಗಿತ್ವಡ್  ಪ್ರಾಜ್ಞ ಋತ್ವಿಜರ ಸಹಕಾರದೊಟ್ಟುಗ್ ಮಾತಾ ಧಾರ್ಮಿಕ ವಿಧಿವಿಧಾನೊಲು ಶಿಸ್ತುಬದ್ಧವಾದ್ ನೆರವೇರುಂಡ್..
ಬ್ರಹ್ಮಕಲಶೋತ್ಸವ ಅಂಗವಾದ್ ಬ್ರಾಹ್ಮಣ ಸುವಾಸಿನಿ ಆರಾಧನೆ, ದಂಪತಿ ಆರಾಧನೆ, ಆಚಾರ್ಯ ಪೂಜೆ, ಕನ್ನಿಕಾ ಪೂಜೆ ನಡತುಂಡ್.. ಶಾಸ್ತ್ರೋಕ್ತವಾದ್ ಗಾಯತ್ರಿ ದೇವಿನ ಪ್ರತಿಷ್ಠೆೆ ನೆರವೇರಿಸಾಯಿನ  ಕ್ಷೇತ್ರದ ತಂತ್ರಿಲೆಗ್ ಬಂಗಾರದ ಉಂಗುರ ಪಾಡ್ದ್  ಗೌರವ ಮಲ್ತೆರ್..
ಪಂಚಗವ್ಯ ಪುಣ್ಯಾಹ, ಮಂಗಳ ಗಣಯಾಗ, ಪಂಚಾಮೃತ ಅಭಿಷೇಕ, ಋಕ್‌ಸಂಹಿತ ಅಭಿಮಂತ್ರಿತ ಮಧು ಅಭಿಷೇಕ, ಸೌರ ಸೂಕ್ತ ಹೋಮ, ನ್ಯಾಸ ಪೂಜೆ, ಮಹಾಪೂಜೆ, ಪಲ್ಲಪೂಜೆ ಬೊಕ್ಕ  ವಿವಿಧ ಧಾರ್ಮಿಕ ಪ್ರಕ್ರಿಯೆದೊಟ್ಟುಗ್  ಪಂಚ ವಾದ್ಯ, ವಾದ್ಯ ಗೋಷ್ಠಿಿ, ಚೆಂಡೆ ವಾದನ, ವೇದ ಘೋಷದೊಟ್ಟುಗ್ ನಡತುಂಡ್..
ಮಧ್ಯಾಹ್ನ ನಡತುಂಡ್.ಮಹಾ ಅನ್ನಸಂತರ್ಪಣೆಡ್ ಸಾರಗಟ್ಟಲೆ ಭಕ್ತೆರು ಅನ್ನಪ್ರಸಾದ ಸ್ವೀಕಾರ ಮಲ್ತೆರು. ಕ್ಷೇತ್ರದ ಗಾಯತ್ರಿ ವೇದಿಕೆಡ್  ಸಾಂಸ್ಕೃತಿಕ ಕಾರ್ಯಕ್ರಮವಾದ್ ಸಗ್ರಿ ಪ್ರಕಾಶ್ ನಾಯಕ್ ಬೊಕ್ಕ  ಬಳಗದಕ್ಲೆಡ್ದ್  ಸುಗಮ ಸಂಗೀತ ಬೊಕ್ಕ  ಭಜನೆ ಸಂಕೀರ್ತನೆ, ಅಮ್ಮ ಕಲಾವಿದೆರ್ ಕುಡ್ಲ ಮೊಕ್ಲೆಡ್ದ್ ‘ಅಮ್ಮೆರ್’ ತುಳು ಹಾಸ್ಯಮಯ ನಾಟಕ ಪ್ರದರ್ಶನ ಆಂಡ್ ಪಂಡುದು ಕ್ಷೇತ್ರದ ಉಸ್ತುವಾರಿ ಕುಸುಮಾ ನಾಗರಾಜ್ ತೆರಿಪಾದೆರ್.

ಲೋಕದ ಭಕ್ತ ಸಂಕುಲಗ್ ಸನ್ಮಂಗಲ
ಬೇತೆ ಮಾತಾ ಕಡೆಟ್  ದೇವೆರೆನ  ವಿಗ್ರಹ, ಬಿಂಬ, ದೇವಾಲಯ ಸರ್ವೇಸಾಮಾನ್ಯವಾದ್ ಮಾತಾ ಕಡೆಟ್ ಉಪ್ಪುಂಡ್.. ಆಂಡ ಗಾಯತ್ರಿ ದೇವಿನ ವಿಗ್ರಹ ಅತ್ತುಂಡ ದೇವಾಲಯ ಉಪ್ಪುನ್  ಬಾರೀ ವಿರಳ. ಜಗನ್ಮಾತೆಯಾಯಿನ ಆದಿಶಕ್ತಿ  ಸ್ವಯಂಪ್ರಕಾಶಿತೆಳಾದ್ ಭಕ್ತೆರೆನ್ ಅನುಗ್ರಹ ಮಲ್ಪುನ ಕ್ಷೇತ್ರ  ದೊಡ್ಡಣಗುಡ್ಡೆೆಡ್ ಪವಿತ್ರ ಗಾಯತ್ರಿ ದೇವಿನ ವಿಗ್ರಹ ಪ್ರತಿಷ್ಠಾಪನೆ ಆತುಂಡ್.
ವಿಶೇಷವಾದ್  ಪದ್ಮಾಸನಡ್ ಕುಲ್ಲುದಿನ ಪಂಚಮುಖಿಯಾಯಿನ ಮಹಾಮಾತೆ ಶಂಖ, ಚಕ್ರ, ವರದ, ಅಭಯ, ಅಂಕುಶ, ಶೂಲ, ಕಪಾಲ, ಗಧೆ ಬೊಕ್ಕ ರಡ್ಡ್  ಕೈಟ್  ಪದ್ಮ ಈ ಹತ್ತು ಕೈ ಇತ್ತಿನ  ದೇವಿ ಇಡೀ ಮಂತ್ರ ವಾಗ್ಮಯಗ್ ಅಧಿದೇವತೆಯಾದ್, ವೇದಮಾತೆಯಾದ್ ಭಕ್ತೆರೆನ್ ಅನುಗ್ರಹ ಮಲ್ಪರೆಗ್  ಪ್ರತಿಷ್ಠಾಪನೆ ಆತೊಲು..
ದೇವಿನ  ಆರಾಧನೆಡಾದ್ ಪ್ರಜ್ಞಾಶಕ್ತಿ, ಮೇಧಾಶಕ್ತಿ, ಧಾರಣಾಶಕ್ತಿ, ಬುದ್ಧಿಶಕ್ತಿ, ದಯೋಶಕ್ತಿ ಇಂಚ ಮನುಷ್ಯಗ್ ಬೋಡಾಯಿನ  ಮಾತಾ  ಶಕ್ತಿನ್ ಅನುಗ್ರಹಿಸಾವುನ ಪರಮ ಶ್ರೇಷ್ಠಳಾತೊಲು. ಅಂಚಿನ ಶಕ್ತಿಸ್ವರೂಪಿಣಿಯಾಯಿನ ಗಾಯತ್ರಿ ದೇವಿ ಇಡೀ ಲೋಕದ ಭಕ್ತ ಸಂಕುಲಗ್  ಸನ್ಮಂಗಲನ್ ಮಲ್ದೊಲು. ಪಂಡುದು ಕ್ಷೇತ್ರದ ನಿಯೋಜಿತ ತಂತ್ರಿಲಾಯಿನ ಸರ್ವೇಶ ತಂತ್ರಿ ಬ್ರಹ್ಮಕುಂಭಾಭಿಷೇಕ ನೆರವೇರಿಸಾದ್  ತೆರಿಪಾದೆರ್..