ಧಾರವಾಡ ಕವಿ ಸಮ್ಮೇಳನ ಅಧ್ಯಕ್ಷೆರಾದ್ ಡಾ.ಶೇಖರ ಅಜೆಕಾರು ಆಯ್ಕೆ

ಧಾರವಾಡ ಕವಿ ಸಮ್ಮೇಳನ ಅಧ್ಯಕ್ಷೆರಾದ್
ಡಾ.ಶೇಖರ ಅಜೆಕಾರು ಆಯ್ಕೆ
ಕಾರ್ಕಳ/ಅಜೆಕಾರು: ಕನ್ನಡದ ಸುರುತ ವಿದ್ಯುನ್ಮಾನ ಕವಿತಾ ಸಂಕಲನ ಸೂರ್ಯ ಶಿಕಾರಿಗೆ ಮುನ್ನ ದ ಕವಿ, ಪತ್ರಕರ್ತ, ಸಾಹಿತಿ ಡಾ.ಶೇಖರ ಅಜೆಕಾರು ಮೆರೆನ್ ಧಾರಾವಾಡದ ರಂಗಾಯಣ ಸಭಾಂಗಣಡ್ ೨೯ ರ ಐತಾರದಾನಿ ನಡಪುನ ಅಖಿಲ ಕರ್ನಾಟಕ ರಡ್ಡನೇ ಕವಿ ಸಮ್ಮೇಳನದ ಸರ್ವಾಧ್ಯಕ್ಷೆರಾದ್ ಆಯ್ಕೆ ಮಲ್ದುಂಡ್ ಪಂಡುದ್ ಸಂಘಟಕೆರಾಯಿನ , ಕನಕಶ್ರೀ ಪ್ರಕಾಶನದ ಸಿದ್ರಾಮ ನಿಜಲಗಿ ತೆರಿಪಾದೆರ್.
ಬೆಳದಿಂಗಳ ಸಾಹಿತ್ಯ ಸಮ್ಮೇಳನದ ಮುಖೇನ ನಾಡುದ ಗಮನ ಒಯ್ತಿನ ಅಜೆಕಾರು ಕವಿ ಆದುಲಾ ಗರುತಿಸಾವೊಂದೆರ್. ಮೈಸೂರು ಗ್ರಾಮಾಂತರ ಬುದ್ಧಿ ಜೀವಿಲೆನ ಸಂಘಟನೆದ ೩೦ನೇ ವರ್ಷದ ಕವಿ ಸಮ್ಮೇಳನದ ಅಧ್ಯಕ್ಷತೆದ ಅವಕಾಶ ಪಡೆಯಿನ ಆರು ಮೈಸೂರು ದಸರಾ ಯುವ ಕವಿಗೋಷ್ಠಿಡುಲಾ ಪಾಲ್ ಫಡೆದೆರ್.
೨೭ ಪುಸ್ತಕೊಲೆನ್ ಪ್ರಕಟಣೆ ಮಲ್ದಿನ ಅರೆನ ಜೀವನ ಚರಿತ್ರೆ ಅಜೆಕಾರುದ ಅಜೆಕಾರು ಕರಿನ ವರ್ಷ ಪ್ರಕಟ. ಆತುಂಡ್. ಟೈಮ್ಸ್ ಆಫ್ ಕುಡ್ಲ ಪತ್ರಿಕೆದ ತುಳುವ ಮಾಧ್ಯಮ ರತ್ನ, ಕರ್ನಾಟಕ ಪ್ರೆಸ್ ಕ್ಲಬ್ ಕೌನ್ಸಿಲ್‌ ದ ಮಾಧ್ಯಮ ಸೇವಾ ರತ್ನ, ಕೃಷಿಕ ಬಂಧು ಸೇರಿನಂಚ೧೦೦ ಕ್ ಲಾ ಜಾಸ್ತಿ ರಾಜ್ಯ- ರಾಷ್ಟ್ರಮಟ್ಟದ ಗೌರವೊಲೆಗ್ ಪಾತ್ರರಾತೆರ್.
ಕುಂದಪ್ರಭ, ಕರ್ನಾಟಕ ಮಲ್ಲ, ಜನವಾಹಿನಿ, ದೈಜಿ ವರ್ಲ್ಡ್ ಡಾಟ್ ಕಾಂ, ಕನ್ನಡ ಪ್ರಭ, ಉಷಾ ಕಿರಣ ಪತ್ರಿಕೆಲೆಡ್ ಪತ್ರಕರ್ತೆರಾದ್ ಜವಬ್ದಾರಿಯುತ ಹುದ್ದೆಲೆನ್ ನಿಭಾಯಿಸಾದೆರ್. ಉಡುಪಿ ಜಿಲ್ಲಾ ರಾಜ್ಯೋತ್ಸವ ಗೌರವ ಮೆರೆಗ್ ಸಿಕ್ಕುದುಂಡ್ ಲೇಖಕೆರಾದ್ ಪೊಸ ತಾದಿದ ಅನ್ವೇಷಕೆರಾದ್ ಸಂಶೋಧಕೆರಾದ್, ಛಾಯಾಗ್ರಾಹಕೆರಾದ್, ಸಂಘಟಕೆರಾದ್, ಶಿಕ್ಷಣ ತಜ್ಞೆರಾದ್ ತರಬೇತುದಾರೆರಾದ್ ಸೇವೆ ಸಲ್ಲಿಸಾದೆರ್
ಕನ್ನಡ- ತುಳು ಭಾಷೆದ ಸಾಹಿತಿಯಾದ್ ನಾಡು ನುಡಿತ ಸೇವಕೆರಾದ್ ಖ್ದಾತಿ ಪಡೆದೆರ್ .ತುಳುನಾಡುದ ವಿಶೇಷ ಕಂಬಳ ಕ್ರೀಡೆದ ಬಗ್ಗೆ ೫ ಕೃತಿಲೆನ್ ಪ್ರಕಟ ಮಲ್ದೆರ್. ೩ ವ್ಯಕ್ತಿ ಚಿತ್ರೊಲ್ ಊರುಲೆನ ಬಗ್ಗೆ ಅರೆನ ಕೃತಿಕುಲು ಪ್ರಕಟ ಆತುಂಡ್. ಸದಾ ಸಾಹಿತ್ಯ , ಸಾಂಸ್ಕೃತಿಕ ಚಟುವಟಿಕೆಲೆನ್ ಸಂಘಟನೆ ಮಲ್ತುದ್ ಯುವಕೆರೆಗ್ ಬಾಲಪ್ರತಿಭೆಲೆಗ್ ಪ್ರೋತ್ಸಾಹ ಕೊರೊಂದ್ ಬೈದೆರ್. ಅರೆನ್ ಸಮ್ಮೇಳನದ ಅಧ್ಯಕ್ಷೆರಾದ್ ಆಯ್ಕೆ ಮಲ್ದಿನವ್ವೆನ್ ಕರಾವಳಿದ ಬೇತೆ ಬೇತೆ ಸಂಘಟನೆಲು ಸ್ವಾಗತ ಮಲ್ದುಂಡ್.