ಸರಕಾರದ ದ್ವಿಭಾಷಾ ನೀತಿ.

ಸರಕಾರದ ದ್ವಿ ಭಾಷಾ ನೀತಿ.
ರಾಜಕೀಯವಾದ್ ಯೋಚನೆ ಮಲ್ತುದ್ ರಚನೆ ಮಲ್ತಿನ ಉಂದು ದ್ವೇಷ ನೀತಿ.
ಭಾಷೆಲು ಹೆಚ್ಚು ಹೆಚ್ಚು ಕಲ್ತಿನಾತ್ ನರಮಾನಿನ ಗೇನ ಹೆಚ್ಚಾವೊಂದು ಪೋಪುಂಡ್. ಅವ್ ಭಾರತ ದೇಶದಂಚಿನ ಬಹುಭಾಷೆ ಸಂಸ್ಕೃತಿದ ನಾಡುಗ್   ಪ್ರಾಮುಖ್ಯ ವಾಯಿನ ಸಂಗತಿ.. ನಮ್ಮ ನಾಡುದ  ಪರಂಪರೆದಂಚ ಮಾತಾ  ಭಾಷೆಗುಲಾ ಅಯಿತವ್ವೇ  ಆಯಿನ  ಯುಕ್ತವಾಯಿನ ಸ್ಥಾನ ಬೋಡೇ ಬೋಡು  ಅವ್ವ್  ಪ್ರಜಾಪ್ರಭುತ್ವದ ಮೌಲ್ಯದ ಗೌರವಲಾ  ಆದುಂಡ್..

ದ್ವಿಬಾಶ ನೀತಿ ಪನ್ಪಿನವ್  ಕೇವಲ ರಡ್ಡೇ  ಉಪ್ಪಡ್ ಬಾಕಿದ ಬೊಡ್ಚಿ  ಪನ್ಪಿನ  ದುರುದ್ದೇಶ ಪೂರಿತ ಅರ್ಥ ಕೊರ್ಪುಜಾ? ಬಹುಮುಖಿ ಸಂಸ್ಕೃತಿನ್  ನಾಶ ಮಲ್ತುದ್ ಏಕಮುಖಿ ಸಂಸ್ಕೃತಿನ್  ಬೆರಿಬಲ ಕೊರಿಲೆಕ್ಕ ಆಯಿಜಾ?

ಕನ್ನಡ ನಾಡುಡ್  ದಿಬಾಶ ಕಲಿಕಾ ನೀತಿನ್ ಅನುಸರಿಸಾಯಿನದಗ ಕನ್ನಡ ಒಂಜಿ ಕಡ್ಡಾಯ. ರಡ್ಡನೇತ್ತ ಮಾತೆರ್ಲ ಇತ್ತೆ ಅನಿವಾರ್ಯ ಪಂಡುದು ಭಾವನೆಡ್ ಇಂಗ್ಲೀಷನ್  ಆಯ್ಕೆ ಮಲ್ಪುವೆರ್  ಪನ್ಪಿನೇಕ್ ಮಲ್ಲ  ವಿಮರ್ಶೆ ಬೊಡ್ಚಿ.
ಪಂಡ ಇಂಗ್ಲೀಷ್ ಬೊಕ್ಕ ಕನ್ನಡ ನಮಕ್  ಬೋಡು ಬಾಕಿದ ಭಾಷೆಲು  ಬೊಡ್ಚಿ ಪಂಡುದು ಅರ್ಥ ಕೊರ್ಪುಜಾ? ನಮ್ಮ ಕರ್ನಾಟಕಡ್  ಶಾಲಾ ಕಲಿಕೆಡ್  ಕನ್ನಡ ಇಂಗ್ಲಿಷ್ ಹಿಂದಿ, ಉರ್ದು ಸಂಸ್ಕೃತ ಮಲೆಯಾಳಂ ತಮಿಳು,ತುಳು….. ಈ ಭಾಷೆಲೆನ ಕಲಿಕೆಗೆ ಅವಕಾಶ ಉಂಡು. ಅವ್ವ್ ತ್ರಿಬಾಶ ಸೂತ್ರದ ಅಡಿಟ್  ಇತ್ತೆನೇ ಉಂಡು.
ಈ ತ್ರಿಬಾಶ ನೀತಿ  ಏಪ ಎರೆಗ್ ತೊಂದರೆ  ಕೊರುಂಡ್? ದಾಯೆಗ್ ಅವ್ವೆನ್ ಆಡಿಕ್ ಪಾಡುನ ಪ್ರಯತ್ನ? ಬಹುಮುಖಿ ಸಂಸ್ಕೃತಿನ್  ನಾಶ ಮಲ್ಪುನ ಹುನ್ನಾರದ ಪಿರಾವುಡ್ ಎರೆನ ಕೈವಾಡ ಉಂಡು?

ನಮ  ತುಳುವೆರಾದ್ ಈ ನೀತಿನ್ ಖಂಡಿತ ವಿರೋಧ ಮಲ್ಪುವಾ. ತುಳು ಇಂಚಪ್ಪೊಗ್  ಶಾಲಾ ಕಲಿಕೆಡ್ ಮೂಜನೇ ಭಾಷೆಯಾದ್ ಅಧಿಕೃತವಾದ್ ಸೇರಿನ ಕಲಿಕಾ ಭಾಷೆ. ಉಂದೆನ್ ಆಯ್ಕೆ ಮಲ್ದಿನ ವಿದ್ಯಾರ್ಥಿಲು ತುಳು ಭಾಷೆನ್ ಬಾರೀ ಸುಲಲಿತವಾದ್  ಕಲ್ತೊಂಧುಲ್ಲೆರ್. ಉಂದೆಟಾದ್ ಕಲಿಕೆಗ್ ಒವ್ವೇ ತೊಡಕು ಆವೊಂದಿಜ್ಜಿ. ಆ ಕಾರಣಗ್ ತುಳು ಭಾಷೆಗಾದ್  ಪ್ರತ್ಯೇಕ ರಾಜ್ಯನ್  ಪಡೆಯಂದೆ ಇಪ್ಪುನ ದ್ರಾವಿಡ ಸಂಸ್ಕೃತಿದ ಭಾಷಾ ವೈವಿಧ್ಯಗ್  ನಿಕುಲು ತೊಂದರೆ ಮಲ್ತೊಂದುಲ್ಲರ್ .. ಅಂಚಾದ್ ನಮ್ಮ ಭಾಷೆದ ಬೊಕ್ಕ ಸಂಸ್ಕೃತಿದ ಒರಿಪುಗಾದ್  ತುಳು ಭಾಷೆದ ಪ್ರತ್ಯೇಕ ರಾಜ್ಯೊನ್ ಕೊರ್ಲೆ .ನಿಕ್ಲೆನ  ಹಂಗುಡ್  ಬದುಕುನ ಅಗತ್ಯ ತುಳುವೆರೆಗ್  ಇಜ್ಜಿ.ಭಾಷೆದ ಮಿತ್ತ್ ಯಜಮಾನ್ಯ ಸಂಸ್ಕೃತಿಧ್ ಹೇರುನ ಸರಕಾರದ ನಿಲುವುಗ್ ನಮ್ಮ ತೀವ್ರ ವಿರೋಧ ಉಂಡು..ಇತ್ತೆ ಸುಲಲಿತವಾದ್ ಕನ್ನಡ ಭಾಷೆ ಇಂಗ್ಲಿಷ್ ಭಾಷೆ ಬೊಕ್ಕ ಮೂಜನೇ ಭಾಷೆಯಾದ್ ಅಕ್ಲೆನಕ್ಲೆನ ಆಯ್ಕೆ ಭಾಷೆ ಕಲ್ಪುನ ಕರ್ನಾಟಕದ ವಿಶಾಲ ಮನಸ್ಸುಗ್ ಅಡ್ಡಿ ಮಲ್ತೊಂದುಲ್ಲರ್. ನೆತ್ತ ಪಿರಾವುಡ್ ನಿಕ್ಲೆನ ಒವ್ವ್ ರಾಜಕೀಯ ಹಿತಾಸಕ್ತಿಲು ಇತ್ತುಂಡಲಾ  ಮಲ್ಪುನ ನಿಕಲೆನ ಅನ್ಯಾಯ ಪಂಡುದು ಸರಕಾರಗ್  ಮುಟ್ಟೊಡಾತುಂಡ್..

ನಮ್ಮ ತುಳುನಾಡುದ ಶಾಸಕೆರು,ಸಚಿವೆರುನಕುಲು  ದಾದ ಮಲ್ತೊಂದುಲ್ಲರ್ ಇಂಚ ಒಂಜಿ ಅಪಾಯ ತುಳು ಭಾಷೆ ಸಂಸ್ಕೃತಿನ್ ನಾಶ ಮಲ್ಪುನ ಅಪಾಯ ನಮ್ಮ ಎದುರು ಉಂಡು.. ಅತ್ತಾವಂದೆ ಬಹುಭಾಷೆ ಸಂಸ್ಕೃತಿದ ಬೊಕ್ಕ ಬಹು ವೈವಿಧ್ಯ ಸಂಸ್ಕೃತಿದ ಸಿದ್ಧಾಂತಗ್ ಅಂಟೊಂಧುಪ್ಪುನ ಸರಕಾರ ನೇ ದ್ರೋಹ ಬಗೆಯೊಂಧುಂಡ್ ನಿಕುಲು ದಾಯೆಗ್ ಮನೀಪಂದೆ ಉಲ್ಲರ್?ನಿಕುಲು ತುಳು ಭಾಷೆದ ನಾಶಗ್ ಕೊಡುಗೆನ್  ಕೊರೊಂದುಲ್ಲರಾ? ನನಾಂಡಲಾ ಪನ್ಲೆ ನಮ್ಮ ಅಪ್ಪೆ ಭಾಷೆನ್ ಒರಿಪಾಲೆ..