ಜೈ ತುಲುನಾಡ್ ಬೆಂಗಳೂರು

ಜೈ ತುಲುನಾಡ್ (ರಿ) ಬೆಂಗಳೂರು ಎಗ್ಗೆದ 2026-27 ನೇ ಮಾನಾದಿಗೆದ  ಸಲಹೆಗಾರೆರಾದ್ ನಿಧೀಶ್ ಶೆಟ್ಟಿ ಅಜತ್ ಬೈದೆರ್. ಇಂಬೆರ್ ನೆಡ್ದ್ ದುಂಬು ಜೈ ತುಲುನಾಡ್ (ರಿ.) ಬೆಂಗಳೂರು ಎಗ್ಗೆದ ಬೇತೆ ಬೇದೆ ಹುದ್ದೆಲೆಡ್ ಬೇಲೆ ಮಲ್ತಿತ್ತ್ ದ್, 2025-26ನೇ ಸಾಲ್ ದ ಗುರ್ಕಾರ್ಲಾದ್ “ತುಲುನಾಡ ಆಟಿ-2025” ಲೇಸ್ ದ ಗೆಲ್ಮೆಗ್ ಮಲ್ಲ ಕಾರಣ ಆದುಲ್ಲೆರ್. ಆರ್ ಬೆಂಗಳೂರುದ ಬೇತೆ ಬೇತೆ ತುಲುನಾಡ್ ಮೂಲದ ಕೂಟೊಲೆಡ್ ಬೇಲೆ ಮಲ್ತೊಂದಿತ್ತ್ ದ್ ಎಡ್ಡೆ ಸಮ್ಮಂದೊನು ದೀವೊಂದೆರ್. ವೊವ್ವೇ ಸಮಸ್ಯೆಗ್ಲಾ ಆರ್ ಪರಿಹಾರ ನಾಡುನ ಮುಖೇನ ನಮ್ಮ ಸಂಘದ ಕ್ಯಾಪ್ಟನ್ ಕೂಲ್ ಆದುಲ್ಲೆರ್. ರಾಜಕೀಯ ಸಂಘಟನೆಡ್ಲ ಎಡ್ಡೇನೆ ಬೆನ್ನಿ ಬೆನೊಂದುಲ್ಲೆರ್. ಅರೆನ ಮಿತ್ರಗುಣೊನೆ ಅರೆನ ಗುರ್ಕಾರ್ಮೆದ ಗೆಲ್ಮೆಗ್ ಸಾಕ್ಷಿಯಾದುಂಡು.
ಇಂಬೆರ್ ಬೆಂಗಳೂರುಡು ವುಡ್ ಕ್ರ್ಯಾಫ್ಟ್ ಸಂಸ್ಥೆಡ್ ಉದ್ಯೋಗೊಡುಲ್ಲೆರ್. ಆರ್ನ ಊರು ಒಡಿಪುದ ಶಿರೂರು. ಶಿರೂರು ಕೃಷ್ಣ ಶೆಟ್ಟಿ ಮತ್ತು ಸಂಪ ಶೆಡ್ತಿ ಮೊಕುಲೆನ ರಡ್ಡನೇ ಮಗೆ ಆಯಿನ ಮೆರೆನ ಗುರ್ಕಾರ್ಮೆ ನಮಕ್ ಮಾತ ಯಾಪೊಗುಲ ಸ್ಪೂರ್ತಿ ಪನ್ರೆ ಪೆರ್ಮೆ ಆಪುಂಡು.