ಇಂದ್ರಾಣಿ ಶ್ರೀ ಮುಖ್ಯಪ್ರಾಣ ದೇವರು ಬೊಕ್ಕ ನಾಗದೇವರ ಗುಡಿ ಬ್ರಹ್ಮ ಕಲಶೋತ್ಸವ

ಇಂದ್ರಾಣಿ ಶ್ರೀ ಮುಖ್ಯಪ್ರಾಣ ಬೊಕ್ಕ ನಾಗದೇವೆರೆನ ಪುನಃ ಪ್ರತಿಷ್ಠಾ ಬ್ರಹ್ಮಕಲಶೋತ್ಸವ


ಪ್ರಕೃತಿದ  ರಮಣೀಯ ತಾಣಡ್  ಇಪ್ಪುನ ಇಂದ್ರಾಣಿ ಶ್ರೀ ಪಂಚದುರ್ಗಾಪರಮೇಶ್ವರಿ ದೇವಾಲಯ ಸುಮಾರು 11ನೇ ಶತಮಾನಡ್ ನಿರ್ಮಾಣ ಆಯಿನ ದೇವಾಲಯವಾದುಂಡ್.. ಚ್ಯವನ ಮಹರ್ಷಿಲು ತಪೋ ನಿರತರಾದಿತ್ತಿನಪಗ ಶ್ರೀಮನ್ನಾರಾಯಣೆ ಪ್ರತ್ಯಕ್ಷೆ ಆದ್ ಮಹರ್ಷಿಲೆನ್ ರೋಗಮುಕ್ತರಾದ್ ಅನುಗ್ರಹ ಮಲ್ತಿನ  ಈ ಪವಿತ್ರ ಕ್ಷೇತ್ರನೇ ವೇದಾದ್ರಿ ಪನ್ಪಿನ  ಐತಿಹ್ಯ ಉಂಡು.ದೇವಲೋಕಡ್ ಕುಪಿತಳಾಯಿನ ಕಚೀ ದೇವಿನ್ ಸಾ೦ತ್ವನ ಮಲ್ತುದ್ ನಾರದ ಮಹರ್ಷಿಲು ಚ್ಯವನ ಮಹರ್ಷಿಲಿತ್ತಿನ ಈ ಕ್ಷೇತ್ರಗ್ ಲೆಸೊಂದ್ ಬತ್ತೆರು. ಶ್ರೀ ದೇವಿನ  ವರಟಾದ್ ರಾಣಿ ಶಚೀ ದೇವಿ ಇ೦ದ್ರದೇವನೊಟ್ಟುಗ್  ಸಮಾಗಮ ಆಯೊಲು ಪಂಡುದುಸ್ಕಂದ ಪುರಾಣ ಪನ್ಪುಂಡ್.. ಅಂಚಾದ್  ಈ ಕ್ಷೇತ್ರ ರಾಣಿ ಶಚೀದೇವಿನ ಪುದರುಡ್  ಇಂದ್ರಾಣಿಯಾದ್ ಪ್ರಸಿದ್ಧಿ ಪಡೆದುಂಡ್..

ಈ ಇಂದ್ರಾಣಿ ಕ್ಷೇತ್ರಗ್  ಸೇರೊಂದ್ , ಪಚ್ಚೆ   ಕಾನನದ ನಡುಟು ಇಂದ್ರಾಣಿ ತೀರ್ಥದ ಉಗಮ ಸ್ಥಾನಡ್  ಆಂಜನೇಯ ಗುಡಿ ಬೊಕ್ಕ ನಾಗಬನ ಉಂಡು.. ಕೆಲವ್ ವರ್ಷ ಪಿರಾಕುಡ್ ಮುಲ್ಪ  ಮಠ ಪರಂಪರೆದ ಸ್ವಾಮಿಲೆಡ್ದ್  ಆಂಜನೇಯ ದೇವೆರೆನ  ಪ್ರತಿಷ್ಠೆಯಾದುಂಡ್ ಪಂಡುದು ತೆರಿದು ಬರ್ಪುಂಡು.. 2024ಟ್  ಶಿಥಿಲಾವಸ್ಥೆಡಿತ್ತಿನ  ಶ್ರೀ ಆಂಜನೇಯ ದೇವೆರೆನ  ಗುಡಿನ್  ಜೀರ್ಣೋದ್ಧಾರ ಮಲ್ಪುನ ಬಗ್ಗೆ ನಿರ್ಧಾರ ಮಲ್ತುದ್, ಅಷ್ಟಮಂಗಲ ಪ್ರಶ್ನಾ ಚಿಂತನೆಡ್ ತೋಜಿನಂಚ, ಪ್ರಾಯಶ್ಚಿತ್ತಾದಿ ಪರಿಹಾರ ಕಾರ್ಯಲೆನ್ ಮಲ್ತುದ್ ಶ್ರೀ ದೇವೆರೆನ  ಪೊರ್ಲು ದ ಶಿಲಾಮಯ ಗುಡಿನ್  ಪ್ರಕೃತಿ ಸೌಂದರ್ಯನ್  ಒರಿಪಾವೊಂದ್  ನಿರ್ಮಾಣ ಮಲ್ದುಂಡ್..

ಶ್ರೀ ಆಂಜನೇಯ ದೇವರ ಶಿಲಾಮಯ ಗುಡಿ, ಸುತ್ತುಪೌಳಿಯ ನಿರ್ಮಾಣ ಯೋಜನೆಗ್ ಸುಮಾರು 3 ಕೋಟಿ ವೆಚ್ಚ ಆದಿತ್ತುದ್ , 2026  ಏಪ್ರಿಲ್ 3 ಡ್ದ್  7 ಮುಟ್ಟ ಪುನಃ ಪ್ರತಿಷ್ಠೆ ಬೊಕ್ಕ ಬ್ರಹ್ಮಕಲಶೋತ್ಸವ ಕಾರ್ಯಕ್ರಮೊಲು ವೈದಿಕ, ಧಾರ್ಮಿಕ, ಸಾಂಸ್ಕೃತಿಕ, ಸಭಾ ಕಾರ್ಯಕ್ರಮದೊಟ್ಟುಗ್ ನೆರವೇರುಂಡ್ .  ಎಪ್ರಿಲ್ 3 ಡ್  ಬಯ್ಯಗ್ 6 ಗಂಟೆಡ್ದ್ ವಾಸ್ತು ಪೂಜೆ, ವಾಸ್ತು ಬಲಿ, ಬಿಂಬಾಧಿವಾಸ ಪೂಜಾದಿಲು ನಡಪರೆಗುಂಡ್.. ಎಪ್ರಿಲ್ 4 ಗ್ ಕಾಂಡೆ 6-48 ಡ್ದ್  ಅಷ್ಟಬಂಧ ಸಹಿತ ಶ್ರೀ ಮುಖ್ಯಪ್ರಾಣ ದೇವರ ಪ್ರತಿಷ್ಠಾ ಕಾರ್ಯಕ್ರಮಲು ಆರಂಭ ಆಪುಂಡ್.. ಮಧ್ಯಾಹ್ನ ಮಹಾಪೂಜೆ ಬೊಕ್ಕ ಅನ್ನ ಸಂತರ್ಪಣೆ ನಡಪುಂಡ್.ಎಪ್ರಿಲ್ 5 ಗ್ ಶ್ರೀ ಮುಖ್ಯಪ್ರಾಣ ದೇವರೆಗ್ ಬ್ರಹ್ಮಕುಂಬಾಭಿಷೇಕ, ಪ್ರಸನ್ನ ಪೂಜಾದಿಲು, ಮಹಾಪೂಜೆ, ಪಲ್ಲಪೂಜೆ, ಅನ್ನಸಂತರ್ಪಣೆ ನಡಪುಂಡು. ಆ ದಿನ ಬಯ್ಯಗ್  7 ಗಂಟೆಡ್ದ್  ಮಹಾರಂಗ ಪೂಜೆ ನಡಪರೆಗುಂಡ್ .ಎಪ್ರಿಲ್ 6 ಗ್ ಬಯ್ಯಗ್ 6 ಗಂಟೆಡ್ದ್ ನಾಗಗುಡಿಟ್ ವಾಸ್ತು, ರಕ್ಷಾ ಹೋಮ, ಬಿಂಬಾಧಿವಾಸ ಪೂಜಾದಿಲು ನಡಪರೆಗುಂಡ್ ಎಪ್ರಿಲ್ 7 ಗ್ ನಾಗದೇವರ ಪುನಃ ಪ್ರತಿಷ್ಠಾದಿಲು  ಆಶ್ಲೇಷ ಬಲಿ, ಮಹಾ ಪೂಜೆ, ವಟು ಆರಾಧನೆ, ಅನ್ನಸಂತರ್ಪಣೆ, ಪ್ರಸಾದ ವಿತರಣೆ ನಡಪುಂಡು .ಪಂಡುದುಬ್ರಹ್ಮಕಲಶೋತ್ಸವ ಸಮಿತಿ ಅಧ್ಯಕ್ಷೆರಾಯಿನ  ಜಯಕರ ಶೆಟ್ಟಿ ಇಂದ್ರಾಳಿ ಪತ್ರಿಕಾ ಗೋಷ್ಠಿಡ್ ತೆರಿಪಾದೆರ್.. ಉಡುಪಿದ ಅಷ್ಟಮಠತ್ತ ಯತಿವರೇಣ್ಯೆರ್  ಶ್ರೀ ಶ್ರೀ ವಿದ್ಯಾಸಾಗರ ತೀರ್ಥ ಶ್ರೀಪಾದೆರು, ಶ್ರೀ ಶ್ರೀ ವಿಶ್ವಪ್ರಿಯ ತೀರ್ಥ ಶ್ರೀಪಾದೆರು, ಶ್ರೀ ಶ್ರೀ ವಿದ್ಯಾಧೀಶ ತೀರ್ಥ ಶ್ರೀಪಾದೆರು, ಶ್ರೀ ಶ್ರೀ ಸುಗುಣೇಂದ್ರ ತೀರ್ಥ ಶ್ರೀಪಾದೆರು, ಶ್ರೀ ಶ್ರೀ ವಿಶ್ವ ಪ್ರಸನ್ನ ತೀರ್ಥ ಶ್ರೀಪಾದೆರು, ಶ್ರೀ ಶ್ರೀ ವಿದ್ಯಾ ವಲ್ಲಭ ತೀರ್ಥ ಶ್ರೀಪಾದೆರು, ಶ್ರೀ ಶ್ರೀ ಈಶಪ್ರಿಯ ತೀರ್ಥ ಶ್ರೀಪಾದೆರು, ಶ್ರೀ ಶ್ರೀ ವಿಶ್ವವಲ್ಲಭ ತೀರ್ಥ ಶ್ರೀಪಾದೆರು, ಸುಬ್ರಹ್ಮಣ್ಯ ಮಠಾಧಿಪತಿಲಾಯಿನ ಶ್ರೀ ಶ್ರೀ ವಿದ್ಯಾ ಪ್ರಸನ್ನ ತೀರ್ಥ ಸ್ವಾಮೀಜಿ, ಧರ್ಮಸ್ಥಳದ ಧರ್ಮಾಧಿಕಾರಿ ಡಾ. ಡಿ ವೀರೇಂದ್ರ ಹೆಗ್ಗಡೆರ್  ಈ ಪ್ರತಿಷ್ಠಾ ಬ್ರಹ್ಮಕಲಶೋತ್ಸವ ಕಾರ್ಯಕ್ರಮಲೆಡ್ ಪಾಲ್ ಪಡೆದ್ ಆಶೀರ್ವಾದ ಮಲ್ಪುವೆರು.

ಸಾಂಸ್ಕೃತಿಕ ಕಾರ್ಯಕ್ರಮದ  ಅಂಗವಾದ್  ಏಪ್ರಿಲ್ 4  ರಾತ್ರೆಗ್ 7:30ಡ್ದ್  ಕಲಾಮಯಂ ಉಡುಪಿ ದಕ್ಲೆನ ಜನಪದ ಬೊಕ್ಕ ರಂಗ ಸಂಗೀತ  ಜಾನಪದ ವಾದ್ಯ ಪರಿಕರದ ಸಮ್ಮಿಲನ ದೊಟ್ಟುಗ್  ಜನಪದ ಕಲರವ, ಏಪ್ರಿಲ್ 5 ಗ್ ರಾತ್ರೆಗ್ 7:30 ಡ್ದ್ ಶ್ರೀ ಜ್ಞಾನಶಕ್ತಿ ಸುಬ್ರಮಣ್ಯಸ್ವಾಮಿ ಕೃಪಾಪೋಷಿತ ಯಕ್ಷಗಾನ ಮಂಡಳಿ ನಾಗವ್ಯಜ ಕ್ಷೇತ್ರ ಪಾವಂಜೆ, ಕದ್ರಿ ನವನೀತ ಶೆಟ್ಟಿ, ವಿರಚಿತ, ಯಕ್ಷಧ್ರುವ ಪಟ್ಲ ಸತೀಶ ಶೆಟ್ಟಿ ಮೆರೆನ ಸಾರಥ್ಯಡ್  ಯಕ್ಷಗಾನ ಛಾಯಾನಂದನ, ಏಪ್ರಿಲ್ 6 ಗ್  7:30 ಡ್ದ್  ಗುರುವಸಂತಿ ಸಾಂಸ್ಕೃತಿಕ ವೇದಿಕೆ ಮಣಿಪಾಲ ದಕ್ಲೆನ ಪೌರಾಣಿಕ ನಾಟಕ ಬಿಕ್ರಮ ಬಜರಂಗಿ, ಏಪ್ರಿಲ್ 7  ಬಯ್ಯಗ್ 7.30 ಗಂಟೆಡ್ದ್  ಶ್ರೀ ಯಕ್ಷನಿಧಿ ಮೂಡುಬಿದರೆ (ರಿ.) ಯಕ್ಷಗಾನ ಶಿಕ್ಷಣ ಸಂಸ್ಥೆ ಬೊಕ್ಕ ಯುವಮೇಳದಕ್ಲೆನ ಯಕ್ಷಗಾನ – ವೀರಮಣಿ ಕಾಳಗದೊಟ್ಟುಗ್ 5 ದಿನ ನೃತ್ಯ ವೈಭವ, ಭಜನಾಮೃತಂ, ಭಕ್ತಿ ಸಂಗೀತ ತಾಳಮದ್ದಲೆ ಕೂಟ, ಭಕ್ತಿ ಗಾನ, ನೃತ್ಯಾಮೃತಂ, ನಿರಂತರ ಭಜನಾ ಕಾರ್ಯಕ್ರಮಲು ನಡಪರೆಗುಂಡ್.

ಲೋಕ ಕಲ್ಯಾಣ ಬೊಕ್ಕ ಭಗವದ್ಭಕ್ತೆರ ಇಷ್ಟಾರ್ಥ ಈಡೇರಿಕೆಗಾದ್ ಹನುಮಾನ್ ಚಾಲೀಸಾ ಲೇಖನ ಯಜ್ಞ ಆರಂಭವಾತುಂಡ್.. ಭಕ್ತೆರು ಹನುಮಾನ್ ಚಾಲೀಸಾ ಪುಸ್ತಕನ್  ಇಲ್ಲಗ್  ಕೊನೊದು, ಪೂಜೆ ಮಲ್ಪುನಲ್ಪ ಬರೆದು, ಪ್ರತಿಷ್ಠಾ ಬ್ರಹ್ಮಕಲಶೋತ್ಸವಡ್ ಬೊಕ್ಕ ಸನ್ನಿಧಾನಗ್ ಕನತುದು ಒರ ಹನುಮಾನ್ ಚಾಲೀಸಾ ಪಠಣೆ ಮಲ್ತುದ್  ದೇವೆರೆಗ್ ಅರ್ಪಿಸಾವೊಡ್.. ಉಂದೆಟಾದ್  ಧೈರ್ಯ, ಶೌರ್ಯ, ಆತ್ಮಸ್ಥೆರ್ಯ ಸೃಷ್ಟಿಯಾಪುಂಡ್.  ಇಲ್ಲಗ್, ಜೋಕ್ಲೆಗ್, ನಾಡುಗ್ ಎಡ್ಡೆ ಆಪುಂಡ್.

ಈ ಮಾತಾ  ಕಾರ್ಯಕ್ರಮಡ್  ಭಗವದ್ಭಕ್ತೆರು ಸಹಸ್ರ ಸಹಸ್ರ ಸಂಖ್ಯೆಡ್  ಬತ್ತುದು, ಅನಂತ ಪ್ರಕೃತಿ ಸೌಂದರ್ಯದ ಮಟ್ಟೆಲುಡ್ ಪೂಜೆ ಮಲ್ಪುನ ಶ್ರೀ ಮುಖ್ಯಪ್ರಾಣ ದೇವೆರೆನ ಅನುಗ್ರಹಡ್ ಪಾತ್ರರವೊಡ್ ಪಂಡುದು ವಿನಂತಿ ಮಲ್ತುದೆರ್.

ಪತ್ರಿಕೆಗೋಷ್ಠಿಡ್ ಉಪಸ್ಥಿತಿ: ಭೂಪತಿ ಶೆಟ್ಟಿ ಇಂದ್ರಾಳಿ ಅಧ್ಯಕ್ಷರು, ಶ್ರೀ ಮುಖ್ಯಪ್ರಾಣ ದೇವರ ಗುಡಿ ಜೀರ್ಣೋದ್ಧಾರ ಸಮಿತಿ, ಬಿ ಕುಶಲ್ ಶೆಟ್ಟಿ, ಅಧ್ಯಕ್ಷರು, ಇಂದ್ರಾಣಿ ಪಂಚದುರ್ಗಾ ಪರಮೇಶ್ವರಿ ದೇವಸ್ಥಾನ ವ್ಯವಸ್ಥಾಪನ ಸಮಿತಿ
,ರತ್ನಾಕರ್ ಇಂದ್ರಾಳಿ ಪ್ರಧಾನ ಕಾರ್ಯದರ್ಶಿ, ಜೀರ್ಣೋದ್ಧಾರ ಸಮಿತಿ, ರತ್ನಾಕ‌ರ್ ಶೆಟ್ಟಿ ಬುಡ್ನಾರು, ಕೋಶಾಧಿಕಾರಿ, ಜೀರ್ಣೋದ್ಧಾರ ಸಮಿತಿ, ಸಾಧು ಶೆಟ್ಟಿ, ಉಪಾಧ್ಯಕ್ಷರು, ಜೀರ್ಣೋದ್ಧಾರ ಸಮಿತಿ,ರವಿ ಶೆಟ್ಟಿಗಾ‌ರ್ ಸಂಚಾಲಕರು, ಮಾಧ್ಯಮ ಬೊಕ್ಕ ಜಾಹಿರಾತು ಸಮಿತಿ
, ಸೀತಾರಾಮ ನಾಯಕ್‌ ಪ್ರಧಾನ ಕಾರ್ಯದರ್ಶಿ ಬ್ರಹ್ಮಕಲಶೋತ್ಸವ ಸಮಿತಿ, ಪಾಂಡುರಂಗ ನಾಯಕ್ ಮಂಚಿ, ಕೋಶಾಧಿಕಾರಿ, ಬ್ರಹ್ಮಕಲಶೋತ್ಸವ ಸಮಿತಿ ಮೊಕುಲು ಉಪಸ್ಥಿತರಿತ್ತೆರ್.