ಕುಂಡಂತಾಯೆರೆಗ್ ಪತ್ರಿಕಾ ದಿನೊತ್ತ ಮಾನಾದಿಗೆ..

ಜೂನ್.30 ತಾರೀಕುದಾನಿ ಕುಂಜೂರುಡ್ ಹಿರಿಯ ಪತ್ರಕರ್ತೆರಾಯಿನ ಯಕ್ಷಪ್ರಭಾ ಪತ್ರಿಕೆದ ಸಂಪಾದಕೆರಾಯಿನ ಕೆ.ಎಲ್.ಕುಂಡಂತಾಯೆರೆಗ್ ಅರೆಗ್ ಬೆಂಗಳೂರುದ ಪತ್ರಕರ್ತೆರೆನ ವೇದಿಕೆ ಕೊರ್ಪಿನ ಪತ್ರಿಕಾ ದಿನೊತ್ತ ಮಾನಾದಿಗೆನ್ ಅರೆನ ಇಲ್ಲಡ್ ಜೂ.30 ತಾರೀಕುದಾನಿ ಕೊರ್ಪುಂಡ್ ಪಂಡುದ್ ವೇದಿಕೆದ ಜಿಲ್ಲಾಧ್ಯಕ್ಷೆರಾಯಿನ ಡಾ.ಶೇಕರ್ ಅಜೆಕಾರ್ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.ಜೂ.30 ತಾರೀಕುದಾನಿ ಅರೆನ ಇಲ್ಲಡ್ ನಡಪುನ ಹಿರಿಯರೆಡೆಗೆ ನಮ್ಮ ನಡಿಗೆ ಕಾರ್ಯಕ್ರಮಡ್ ಡಾ.ಹರಿಕ್ರಷ್ಣ ಪುನರೂರು ಮೇರ್ ಹಿರಿಯ ಪತ್ರಕರ್ತೆರಾಯಿನ ಪ್ರತಿನಿಧಿ ಸಂಪಾದಕ ಡಾ.ಉದಯ ರವಿ ಮೆರೆನ ಅಧ್ಯಕ್ಷತೆಡ್ ಮಾನಾದಿಗೆ ಮಲ್ಪುವೆರ್ ಪಂಡುದ್ ತೆರಿಪಾದೆರ್.70. ವರ್ಷ ಪ್ರಾಯದ ಕುಂಡಂತಾಯೆರ್ 20 ವರ್ಷ ಉದಯವಾಣಿ ಪತ್ರಿಕೆಡ್ ಮುಖ್ಯ ಸಂಪಾದಕೆರಾದ್ ಸೇವೆ ಮಲ್ತುದ್ ಇತ್ತೆ ಕಟೀಲು ಕ್ಷೇತ್ರೊಡ್ ಪ್ರಕಟ ಆಪಿನ ಯಕ್ಷ ಪ್ರಭಾ ಪತ್ರಿಕೆದ ಸಂಪಾದಕೆರಾದ್ ಸೇವೆ ಮಲ್ತೊಂದುಲ್ಲೆರ್.ನಿರಂತರ ಶೋಧನೆ,ಸಂಶೋಧನೆದ ಮನೋಭಾವ ಉಪ್ಪುನ ಮೇರ್ ಸಜ್ಜನ ಸಾಹಿತಿಯಾದುಲ್ಲೆರ್.ಕಾರ್ಯಕ್ರಮಡ್ ವಿಶ್ವನಾಥ ಶೆಣೈ,ಕರುಣಾ ಸುರೇಶ್ ಪೈ,ಎಸ್.ಆರ್.ಬಂಡಿಮಾರ್,ಪುನೀತ್ ಎಮ್.,ಪ್ರಶಾಂತ್ ಕಾಮತ್ ಕುಕ್ಕಿಕಟ್ಟೆ,ಜನಾರ್ಧನ ಕೊಡವೂರು,ರಾಕೇಶ್ ಕುಂಜೂರು,ಸೇರಿನಂಚ ಕೆಲವು ಗಣ್ಯೆರೆನ ಉಪಸ್ಥಿತಿ ಉಪ್ಪುಂಡ್.ಅಂಬಾತನಯ ಮುದ್ರಾಡಿ,ಎ.ಎಸ್.ಎನ್.ಹೆಬ್ಬಾರ್,ವಿದ್ವಾನ್ ಬಿ.ಚಂದ್ರಯ್ಯ,ಬಿ.ಎ.ಸನದಿ,ಮಲ್ಲಾರ್ ಜಯರಾಮ ರೈ,ಎಮ್.ವಿ.ಕಾಮತ್,ಸತೀಶ್ ಪೈ ಮಣಿಪಾಲ,ಕು.ಗೋ.ಉಎಉಪಿ,ಶ್ರೀನಿವಾಸ್ ರಾವ್ ಎಕ್ಕಾರ್,ಬಿ.ಸಿ.ರಾವ್ ಶಿವಪುರ,ನಾದವೈಭವಂ ಉಡುಪಿ ವಾಸುದೇವ ಭಟ್ ಸೇರಿನಂಚ ಕೆಲವು ಗಣ್ಯೆರ್ ಈ ಮಾನಾದಿಗೆಗ್ ಪಾತ್ರರಾತೆರ್.