ಉಡುಪಿ ತುಳುಕೂಟದ ಸ್ಥಾಪಕಾಧ್ಯಕ್ಷೆರಾಯಿನ ಡಾ.ಭಾಸ್ಕರಾನಂದ ಕುಮಾರ್ ಮೆರೆಗ್ ಜಾಗತಿಕ ಮಟ್ಟಡ್ ಅಂತರಾಷ್ಟ್ರೀಯ ಪ್ರಶಸ್ತಿ ತಿಕ್ಕುದುಂಡ್.ಕೈ ಶಸ್ತ್ರ ಚಿಕಿತ್ಸೆಡ್ ಬಿರ್ಸೆರಾಯಿನ ಡಾ.ಭಾಸ್ಕರಾನಂದ ಕುಮಾರ್ ಮೆರೆಗ್ “ಪಯೋನೀರ್ ಇನ್ ಹ್ಯಾಂಡ್” ಪ್ರಶಸ್ತಿ ತಿಕ್ಕಿದಿನವ್ ನಮ್ಮ ದೇಶೊಗೇ ಪೆರ್ಮೆದ ಸಂಗತಿಯಾತುಂಡ್.
ಮೆರೆಗ್ ಉಡುಪಿ ತುಳುಕೂಟದ ವತಿಡ್ದ್ ದಂಪತಿಸಮೇತವಾದ್ ಉಡುಪಿ ಡಯಾನಾ ಹೋಟೆಲ್ ದ ಸಭಾಂಗಣೊಡ್ ಮಾನಾದಿಗೆ ನಡತುಂಡ್.ಈ ಕಜ್ಜೊಡ್ ತುಳುಕೂಟದ ಗುರ್ಕಾರೆರಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಗುರ್ಕಾರ್ಮೆಡಿತ್ತ್ ದ್ ಪ್ರಾಸ್ತವಿಕ ಪಾತೆರ ಪಾತೆರಿಯೆರ್..ಡಾ.ಗಣನಾಥ ಎಕ್ಕಾರ್ ಮೇರ್ ಅಭಿನಂದನಾ ಭಾಷಣ ಮಲ್ತೆರ್.ತಾರಾ ಆಚಾರ್ಯ ಮೇರ್ ಮಾನಾದಗೆದ ಓಲೆನ್ ಓದಿಯೆರ್.ಕಜ್ಜೊಡ್ ಉದ್ಯಮಿ ವಿಶ್ವನಾಥ ಶೆಣೈ, ಸಾಹಿತಿ ಮುರಳೀಧರ ಉಪಾಧ್ಯಾಯ, ಶ್ರೀಮತಿ ನಳಿನಿ ಭಾಸ್ಕರಾನಂದ ಕುಮಾರ್ ,ತುಳುಕೂಟದ ಒತ್ತು ಗುರ್ಕಾರೆರಾಯಿನ ಸದಾಶಿವ ಭಟ್,ಮನೋರಮ ಶೆಟ್ಟಿ ಉಪಸ್ಥಿತರಿತ್ತೆರ್.
ತುಳುಕೂಟದ ಕಾರ್ಯಂತೆರಾಯಿನ ಗಂಗಾಧರ ಕಿದಿಯೂರು ಎದ್ಕೊನೊಂದ್,ಪಣವುದ ಪಾಲವೆರಾಯಿನ ಚೈತನ್ಯ ಎಮ್. ಜಿ.ಸೊಲ್ಮೆ ಸಂದಾಯ್ತ ಮಲ್ತೆರ್.ರತ್ನಾಕರ ಇಂದ್ರಾಳಿ ಕಜ್ಜೊದ ಮದಿಪು ಕೊರಿಯೆರ್.
by 