ಶ್ರೀ ಸಂಸ್ಥಾನ ಒಡಿಯೂರು ತುಳು ಅಧ್ಯಯನ ಕೇಂದ್ರ, ಮಂದಾರ ಬೊಕ್ಕ ಬಂಗಾರ್ದ ಕುರಲ್ ಬೂಕುಲೆನ ಬುಡುಗಡೆ

ಮಂಗಳೂರು ವಿಶ್ವವಿದ್ಯಾನಿಲಯ,ತುಳು ಸ್ನಾತಕೋತ್ತರ ಅಧ್ಯಯನ ವಿಭಾಗ,ವಿಶ್ವವಿದ್ಯಾನಿಲಯ ಸಂಧ್ಯಾ ಕಾಲೇಜ್ ಮಂಗಳೂರು,ಒಡಿಯೂರು ಶ್ರೀ ಗುರುದೇವದತ್ತ ಸಂಸ್ಥಾನಮ್ ಈ ಸಂಸ್ಥೆಲೆನ ಒತ್ತುಸೇರಿಗೆಡ್ ” ಶ್ರೀ ಸಂಸ್ಥಾನ ಒಡಿಯೂರು ತುಳು ಅಧ್ಯಯನ ಕೇಂದ್ರದ ಉದಿಪನ ಲೇಸ್ ಬೊಕ್ಕ “ಮಂದಾರ” ಬೊಕ್ಕ “ಬಂಗಾರ್ದ ಕುರಲ್” ಬೂಕುಲೆನ ಬುಡುಗಡೆ ಕಜ್ಜೊ ಉಂದುವೇ ಬರ್ಪಿನ ಸೋಣೊಡ್ 23 ಪೋಪಿನಾನಿ ಶುಕ್ರಾರ ಸೆ.9 ತಾರೀಕುದಾನಿ ಕಾಂಡೆ 11.15ಗಂಟೆಗ್ ಮಂಗಳೂರು ಹಂಪನಕಟ್ಟೆದ ವಿಶ್ವ ವಿದ್ಯಾನಿಲಯ ಸಂಧ್ಯಾ ಕಾಲೇಜ್ ದ ಎಮ್.ಎ. ತುಳುವಿಭಾಗೊಡ್ ನಡಪರೆಗುಂಡ್.

ಪರಮಪೂಜ್ಯ ಶ್ರೀ ಶ್ರೀ ಗುರುದೇವಾನಂದ ಸ್ವಾಮೀಜಿ ಒಡಿಯೂರು ಶ್ರೀ ಗುರುದೇವದತ್ತ ಸಂಸ್ಥಾನಮ್ ಬೂಕು ಬುಡುಗಡೆ ಮಲ್ತುದ್ ಅಭಯೊದ ಮದಿಪು ಕೊರ್ರೆಗುಲ್ಲೆರ್.ಕುಡ್ಲದ ಮಾನ್ಯ ಸಂಸದೆರಾಯಿನ ಶ್ರೀ ನಳಿನ್ ಕುಮಾರ್ ಕಟೀಲ್ ಕಜ್ಜೊನ್ ಉದಿಪನ ಮಲ್ಪರೆಗುಲ್ಲೆರ್.ಮಂಗಳೂರು ವಿಶ್ವ ವಿದ್ಯಾನಿಲಯದ ಗೌರವಾನ್ವಿತ ಕುಲಪತಿಲಾಯಿನ ಪ್ರೊ.ಪಿ.ಎಸ್‌ಯಡಪಡಿತ್ತಾಯ ಮೇರ್ ಗುರ್ಕಾರ್ಮೆಡಿಪ್ಪುವೆರ್.ಮಂಗಳೂರು ದಕ್ಷಿಣದ ಮಾನ್ಯ ಶಾಸಕೆರಾಯಿನ ಶ್ರೀ ಡಿ.ವೇದವ್ಯಾಸ ಕಾಮತ್ ವಸ್ತು ಸಂಗ್ರಹಾಲಯದ ಉದಿಪನ ಮಲ್ಪುವೆರ್.
ಕಜ್ಜೊಡ್ ಮಾನಾದಿಗೆದ ಬಿನ್ನೆರಾದ್ ಮಂಗಳೂರು ಉತ್ತರದ ಮಾನ್ಯ ಶಾಸಕೆರಾಯಿನ ಡಾ.ವೈ.ಭರತ್ ಶೆಟ್ಟಿ,ಮಂಗಳೂರುದ ಶಾಸಕೆರಾಯಿನ ಶ್ರೀ ಯು.ಟಿ.ಖಾದರ್,ಬಂಟ್ವಾಳದ ಶಾಸಕೆರಾಯಿನ ಶ್ರೀ ರಾಜೇಶ್ ನಾಯ್ಕ್,ಪುತ್ತೂರುದ ಶಾಸಕೆರಾಯಿನ ಶ್ರೀ ಸಂಜೀವ ಮಠಂದೂರು,ವಿಧಾನಪರಿಷತ್ ದ ಸದಸ್ಯೆರಾಯಿನ ಶ್ರೀ ಪ್ರತಾಪಸಿಂಹ ನಾಯಕ್,ಕರ್ನಾಟಕ ತುಳುಸಾಹಿತ್ಯ ಅಕಾಡೆಮಿದ ಗುರ್ಕಾರೆರಾಯಿನ ದಯಾನಂದ ಕತ್ತಲ್ ಸಾರ್,ಧರ್ಮದರ್ಶಿ ಹರಿಕ್ರಷ್ಣ ಪುನರೂರು, ಶ್ರೀ ಎ.ಸಿ.ಭಂಡಾರಿ,ಸೇರಿನಂಚ ಬೇತೆ ಬೇತೆ ಗಣ್ಯೆರೆನ ಉಪಸ್ಥಿತಿಟ್ ಕಜ್ಜೊ ನಡಪರೆಗುಂಡ್