ಬ್ರಾಹ್ಮಣ ಮಹಾಸಭಾ ಕೊಡವೂರು ಶಿಕ್ಷಕೆರೆನ ದಿನಾಚರಣೆ, ಪ್ರತಿಭಾಭಿನಂದನೆ, ಶಿಷ್ಯವೇತನ ವಿತರಣೆ : .

ಬ್ರಾಹ್ಮಣ ಮಹಾಸಭಾ ಕೊಡವೂರು ಶಿಕ್ಷಕೆರೆನ ದಿನಾಚರಣೆ, ಪ್ರತಿಭಾಭಿನಂದನೆ, ಶಿಷ್ಯವೇತನ ವಿತರಣೆ : .

ವಿದ್ಯಾರ್ಥಿಲೆನ ಮನಸ್ಸುನ್ ಅರ್ಥ ಮಲ್ತೊಂಬಿನ ತಾಕತ್ತು, ಅಕ್ಲೆನ ಕಷ್ಟೊಲೆಗ್ ಸೂಕ್ತ ಸಮಯಡ್ ಸ್ಪಂದಿಸಾವುನ ಗುಣ ಇತ್ತಿನ ಶಿಕ್ಷಕೆ ಮಾತ್ರ ಆದರ್ಶ ಶಿಕ್ಷಕೆ ಪಂಡುದ್ ಗುರ್ತ ಮಲ್ತೊನುವೆ.ಅತ್ತಾವಂದೆ ಜಾತಿ ಮತ ಭೇದ ಉಪ್ಪಂದೆ ಜೋಕ್ಲೆಗ್ ವಿದ್ಯೆದೊಟ್ಟುಗ್ ಎಡ್ಡೆ ಸಂಸ್ಕಾರ ಕೊರ್ದ್ ಸತ್ ಪ್ರಜೆಯಾದ್ ರೂಪಿಸಾವುನ ವಿಶಿಷ್ಟ ವೃತ್ತಿಯೇ ಶಿಕ್ಷಕ ವೃತ್ತಿ. ಮಾತಾ ವಿದ್ಯಾರ್ಥಿಲೆನ್ ತನ್ನ ಜೋಕುಲ್ ಪಂಡುದೇ ಪಾಲನೆ ಮಲ್ಪುನ ಶಿಕ್ಷಕೆರೆನ ಸಮಾಜಗ್ ಅಗತ್ಯ ಉಂಡು ಪಂಡುದ್ ಆದಿವುಡುಪಿ ಪ್ರೌಢಶಾಲಾ ನಿವೃತ್ತ ಮುಖ್ಯೋಪಾಧ್ಯಾಯಿನ ಶಂಕರಿ ಬಿ ಭಟ್ ಅಭಿಪ್ರಾಯಪಟ್ಟೊಂಡೆರ್ . ಆರು ಕೊಡವೂರು ಬ್ರಾಹ್ಮಣ ಮಹಾಸಭಾ ಆಯೋಜನೆ ಮಲ್ದಿನ ಶಿಕ್ಷಕೆರೆನ ದಿನಾಚರಣೆಡ್ ಮುಖ್ಯ ಅತಿಥಿಯಾದ್ ಪಾತೆರ್ದ್
ಶಿಕ್ಷಕೆರು ಸಮಾಜಡ್ ಜೋಕ್ಲೆನ ಮನಸ್ಸುನ್ ಬೆಸೆಯುನ ಸೂಜಿದಲೆಕ್ಕ ಕೆಲಸ ನಿರ್ವಹಿಸಾವೊಡ್ . ಅವೆನ್ ಬುಡ್ದ್ ಸಮಾಜನ್ ವಿಭಜನೆ ಮಲ್ಪುನ ಕತ್ತರಿ ಆವರೆ ಬಲ್ಲಿ ಪಂಡೆರ್.

. ಶಿಕ್ಷಕ ದಿನಾಚರಣೆದ ಅಂಗವಾದ್ ನಿವೃತ್ತ ಶಿಕ್ಷಕೆರಾಯಿನ ಕೃಷ್ಣಕುಮಾರ್ ರಾವ್ ಬೊಕ್ಕ ನಿವೃತ್ತ ಶಿಕ್ಷಕಿ ಕಾತ್ಯಾಯಿನಿ ಭಟ್ ಬ್ರಹ್ಮಾವರ ಸರಕಾರಿ ಶಾಲೆದ ಅಧ್ಯಾಪಕಿ ಜಯಶ್ರೀ ಕೆಆರ್ ಮೊಕ್ಲೆಗ್ ವಿಪ್ರಶಿಕ್ಷಕ ಬೊಕ್ಕ ವಿಪ್ರ ಶಿಕ್ಷಕಿ ಪುರಸ್ಕಾರ ಕೊರ್ದ್ ಮಾನಾದಿಗೆ ಮಲ್ತೆರ್. ಪಿಯುಸಿಡ್ ರಾಂಕ್ ವಿಜೇತ ಚಿನ್ಮಯ ಅಡಿಗ ಬೊಕ್ಕ ಎಸ್ ಎಸ್ ಎಲ್ ಸಿ ಡ್ ರಾಂಕ್ ವಿಜೇತ ಚಿನ್ಮಯಿ ರಾವ್ ಮೊಕ್ಲೆನ್ ಈ ಸಂದರ್ಭಡ್ ಅಭಿನಂದನೆ ಮಲ್ತೆರ್. ಸಂಸ್ಕೃತ ವ್ಯಾಸಂಗ ಮಲ್ತೊಂದುಪ್ಪುನ ವಿದ್ಯಾರ್ಥಿಲೆಗ್ ಶಿಷ್ಯವೇತನ ಕೊರಿಯೆರ್. ವಿದ್ಯಾರ್ಥಿ ವೇತನದ ಪ್ರಾಯೋಜಕರೆನ್ ಈ ಪೊರ್ತುಡ್ ಗುರುತಿಸಾದ್ ಮಾನಾದಿಗೆ ಮಲ್ತೆರ್ .ಸಭೆಟ್ ಉಪಸ್ಥಿತರಿತ್ತಿನ ಶಿಕ್ಷಕೆರೆನ್ ಗುರುತಿಸಾದ್ ಗೌರವ ಮಲ್ತೆರ್. ರುಕ್ಮಿಣೀ ಬಲ್ಲಾಳ್ ಶಿಕ್ಷಕೆರೆನ್ ಗುರ್ತ ಮಲ್ತೆರ್. ಭಾರತಿ ಸುಬ್ರಹ್ಮಣ್ಯ, ಉಮಾ ಶ್ರೀಧರ ಶರ್ಮ ,ನಿರ್ಮಲ ಮಂಜುನಾಥ್ ಸನ್ಮಾನ ಪತ್ರ ಓದಿಯೆರ್. ಕೋಶಾಧಿಕಾರಿ ಶ್ರೀಧರ ಶರ್ಮ ವಿದ್ಯಾರ್ಥಿ ವೇತನದ ಪ್ರಾಯೋಜಕರು ಬೊಕ್ಕ ಫಲಾನುಭವಿಲೆನ ಪಟ್ಟಿ ಓದಿಯೆರ್. ಗೌರವಾಧ್ಯಕ್ಷೆರಾಯಿನ ಗೋವಿಂದ ಐತಾಳ್ ಉಪಸ್ಥಿತರಿತ್ತೆರ್. ಅಧ್ಯಕ್ಷ ಶ್ರೀನಿವಾಸ್ ಉಪಾಧ್ಯಾಯ ಸ್ವಾಗತಿಸಿ ಚಂದ್ರಶೇಖರ್ ರಾವ್ ಪ್ರಸ್ತಾವನೆ ಮಲ್ತೆರ್. ಶೃತಿ ಸುಕುಮಾರ್ ಸುಗಿತೆರ್.ಕಾರ್ಯದರ್ಶಿ ಪೂರ್ಣಿಮಾ ಜನಾರ್ದನ್ ಸೊಲ್ಮೆ ಸಂದಾಯ್ತ ಮಲ್ತೆರ್. ಅಶ್ವಿನಿ ಶ್ರೀನಿವಾಸ್ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.