ರಿಕ್ಷಾ ಸ್ಟ್ಯಾಂಡ್ ಗ್ “ತುಳುನಾಡ್” ಪುದರ್ ಪಲವೆ(ನಾಮಫಲಕ)..

.

ಕುಡ್ಲದ ಕೆ ಪಿ ಟಿ ಜಂಕ್ಷನ್ ರಿಕ್ಷಾ ಸ್ಟಾಂಡ್ ಗ್ “ತುಳುನಾಡ್ ” ಪುದರ್ ಪಲವೆ (ನಾಮಫಲಕೊ)ನ್ ಪಾಡ್ದ್ ತುಳುನಾಡುಗ್ ರಿಕ್ಷಾದಕುಲು ಮಾನಾದಿಗೆ ಕೊರ್ತೆರ್.ಮಾತಾ ಕಡೆಟ್ ಕನ್ನಡೊಡೇ ಪುದರ್ ಬರೆಪೆರ್ ಆಂಡ ನಮ ತುಲುವೆರಾದ್ ತುಳುಬಾಸೆಗ್ ಮಾನಾದಿಗೆ ಕೊರಿಜಿಡ ಬೇತೆಕುಲ್ ಕೊರ್ಪೆರಾ ಪನ್ಪಿನ ಉದ್ದೇಶಡ್ ಶರತ್ ಪದವಿನಂಗಡಿ ನೇತ್ರತ್ವಡ್ ರಿಕ್ಷಾ ಚಾಲಕ- ಮಾಲಕ ರ ಸಹಕಾರೊಡ್ ಪುದರ್ ಪಲವೆನ್ ಪಾಡ್ದ್ , ತುಳುಬಾಸೆಗ್ ಸ್ಥಾನಮಾನ ತಿಕ್ಕೊಡ್ ಪಂಡುದ್ ತಂಕುಲೆನ ಅಭಿಪ್ರಾಯೊನ್ ಪಟ್ಟೊಂದೆರ್. .ಉಂದೊಂಜಿ ತುಳುನಾಡುಗೇ ಪೆರ್ಮೆದ ಸಂಗತಿ..ತುಳುವೆರ್ ಮಾತಾ ಕಡೇಟ್ ಲಾ ಇಂಚೆನೇ ತುಳುಕ್ ಮಾನಾದಿಗೆ ಕೊರೊಂದ್ ಬತ್ತೆರಡ ಸರಕಾರಲಾ ತುಳುನಾಡುದ ಮಾನ್ಯತೆ ಕೊರ್ರೆಗಾದ್ ಮನಸ್ಸು ಮಲ್ಪುನ ಸಾಧ್ಯತೆಲು ಉಂಡು…. ತುಳುಬಾಸೆಗ್ ಮಾನಾದಿಗೆ ಕೊರಿನ ಮೊಕ್ಲೆಗ್ತು ತುಳುನಾಡಧ್ವನಿ ಅಂತರ್ಜಾಲ ಪತ್ರಿಕೆ ಅಭಿನಂದನೆ ಕೊರ್ಪುಂಡ್.