MITE ಕಾಲೇಜಿಗ್ ಕೀರ್ತಿ ಶ್ರೀಪ್ರಿಯ
ಸರಕಾರಿ ಪ್ರಾಥಮಿಕ ಶಾಲಾ ಶಿಕ್ಷಕೆರೆನ ಮಗಳು
ಗ್ರಾಮಾಂತರ ಪ್ರದೇಶದ ವಿದ್ಯಾರ್ಥಿನಿ
ಮಂಗಳೂರು : ಮೂಡುಬಿದಿರೆದ
ಮಂಗಳೂರು ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಇಂಜಿನಿಯರಿಂಗ್ ಕಾಲೇಜಿಡ್ (ಮೈಟ್) ವಿದ್ಯಾರ್ಥಿನಿ ಶ್ರೀಪ್ರಿಯ ಕಂಪ್ಯೂಟರ್ ಸೈನ್ಸ್ ವಿಭಾಗಡ್ ಈ ಸರ್ತಿ ವಿಶ್ವವಿದ್ಯಾಲಯಗ್ 7 ನೇ ರಾಂಕ್ ಬರ್ಪಿನ ಮೂಲಕ ಕಾಲೇಜಿಗ್ ಕೀರ್ತಿ ಕನದೆರ್
ಬೆಳಗಾವಿದ ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯ(ವಿಟಿಯು)ಡ್ ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್ ಉಪಸ್ಥಿತಿಡ್ ನಡತಿನ 23ನೇ ವಾರ್ಷಿಕ ಘಟಿಕೋತ್ಸವಡ್ ಶ್ರೀಪ್ರಿಯ ಮೇರು ಗಣ್ಯರೆಡ್ದ್ ಪುರಸ್ಕಾರ ಪಡೆಯೆರು.
ಸಾಧನೆದ ಗುಟ್ಟು.
ತನ್ನ ಸಾಧನೆದ ಬಗ್ಗೆ ಪ್ರತಿಕ್ರಿಯೆ , ಬೆಳ್ತಂಗಡಿ ತಾಲೂಕು ಸುಲ್ಕೇರಿಮೊಗ್ರು ಸರಕಾರಿ ಪ್ರಾಥಮಿಕ ಶಾಲಾ ಶಿಕ್ಷಕ ಸುಬ್ರಹ್ಮಣ್ಯ ಭಟ್ ಅರೆನ ಮಗಲಾದ್, ಅಳದಂಗಡಿ ಪನ್ಪಿನ ಗ್ರಾಮಾಂತರ ಪ್ರದೇಶಡ್ದ್ ನಿತ್ಯ ಕಾಲೇಜಿಗ್ ಓಡಾಟ ಮಲ್ತೊಂದಿತ್ತಿನ ಶ್ರೀಪ್ರಿಯ ಮೇರು, ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯ ಪ್ರತಿವರ್ಷ ನಡಪಾವುನ ಪರೀಕ್ಷೆದ ಪ್ರಶ್ನೆ ಪತ್ರಿಕೆಲೆನ್ ಸೂಕ್ಷ್ಮವಾದ್ ಗಮನಿಸೊಂದಿತ್ತೆರ್ ಹೆಚ್ಚ ಪುನರಾವರ್ತನೆ ಆವೊಂದಿತ್ತಿನ ಪ್ರಶ್ನೆಲೆನ ಬಗ್ಗೆ ಹೆಚ್ಚಾದ್ ಗಮನಕೊರೊಂದಿತ್ತೆರ್. ಮಹತ್ವದ ವಿಷಯದ ಬಗ್ಗೆ ಪ್ರಾಧ್ಯಾಪಕೆರೆಡ ಚರ್ಚೆ ಮಲ್ತುದ್ ಕೇನೊಂದಿತ್ತೆರ್. ಬರೆದು ಕಲ್ಪುನ ಅಭ್ಯಾಸ ರೂಢಿ ಮಲ್ತೊಂದಿತ್ತಿನೆಡ್ದಾವರ ಅವ್ ಮನಸ್ಸುಡ್ ಮಾಜಂದೆ ಒರಿಯೊಂದಿತ್ತುಂಡ್.. ಅಳದಂಗಡಿಡ್ದ್ ಮೂಡುಬಿದಿರೆ ಕಾಲೇಜಿಗ್ ಕಾಂಡೆ ಬೇಗ ಪೋವೊಡಾಪಿನೆಡ್ದಾವರ ಆ ಸಮಯಡ್ ಓದರೆಗ್ ಸಮಯ ಸಿಕ್ಕೊಂದಿತ್ತಿಜಿ. ಕಾಲೇಜಿಡ್ದ್ ವಾಪಸ್ ಬತ್ತಿಬೊಕ್ಕ ಪ್ರತಿದಿನ ರಾತ್ರೆಗ್ 9 ಡ್ದ್ 11 ಗಂಟೆಮುಟ್ಟ ಬೊಕ್ಕ ಪರೀಕ್ಷೆ ಸಂದರ್ಭಡ್ ಜಾಸ್ತಿ ಸಮಯ ಓದೊಂದಿತ್ತೆ.. ಎನ್ನ ಸಾಧನೆಗ್ ಪೋಷಕೆರು ಬೊಕ್ಕ ಕಾಲೇಜಿದ ಸ ಬೋಧಕ ವರ್ಗ ಕಾರಣ ಪಂಡುದು ಆರು ಕೃತಜ್ಞತೆ ತೆರಿಪಾದೆರ್.
by 