ತುಳುನಾಡು ಶಕ್ತಿಯುತವಾಯಿನ ಮಣ್ಣ್,ಈ ಮಣ್ಣುಡ್ ಬೇತೆ ಬೇತೆ ರೀತಿದ ಹೋರಾಟ ಆಂಡ್.ಬಾಸೆ ಅನುಷ್ಠಾನ ಬರೊಡುಂದಾಂಡ ಹೋರಾಟದ ಅಗತ್ಯ ಇಜ್ಜಿ.ಪಂಡುದ್ ವೇದವ್ಯಾಸ ಕಾಮತ್ ಪಂಡೆರ್. ಆರು ಕುಡ್ಲದ ಪುರಭವನಡ್ ಅಖಿಲ ಭಾರತ ಒಕ್ಕೂಟದ ವತಿಡ್ದ್ ನಡತಿನ ತುಳುನಾಡ ಉಚ್ಚಯದ ಉದಿಪನದ ಲೇಸ್ ಡ್ ಗುರ್ಕಾರ್ಮೆಡಿತ್ತುದ್ ಪಾತೆರಿಯೆರ್.ಬ್ರಿಟಿಷೆರೆನ ಕಾಲೊಡ್ ಹೋರಾಟ ಮಲ್ದಿನ ತುಳುನಾಡುಗ್ 8 ನೇ ಪರಿಚ್ಚೇದೊಗ್ ಸೇರ್ಪಾವರೆಗ್ ಆಯಿಜಿ ಪಂಡುದ್ ಬೇನೆ ಉಂಡು.ರಾಜಕೀಯ ಇಚ್ಚಾಶಕ್ತಿದೊಟ್ಟುಗ್ ತುಲುಬಾಸೆಗ್ ಇತ್ತೆದ ಸ್ಪೀಕರ್ ಆಯಿನ ಯು. ಟಿ. ಖಾದರ್ ಮುತಾಲಿಕೆಡ್ ತುಲುಬಾಸೆನ್ ರಾಜ್ಯದ ರಡ್ಡನೇ ಬಾಸೆ ಆದ್ ಮಲ್ಪೊಡ್. ಸುಮಾರ್ 90% ದಾಖಲೆ ಈ ಬಗೆಟ್ ಇತ್ತೆನೇ ತಯಾರಾತುಂಡ್.ನನ ಒರಿನ ಬೇಲೆ ಕನ್ನಡ ಸಂಸ್ಕ್ರತಿ ಇಲಾಖೆ, ತುಳುಸಾಹಿತ್ಯ ಅಕಾಡೆಮಿ ಸರಕಾರದ ಇಚ್ಚಾಶಕ್ತಿಡ್ ಆವೊಡ್ ಪಂಡುದ್ ಆರು ತೆರಿಪಾಯೆರ್. ಭಾರತ ದೇಶೊಗ್ ತುಳುನಾಡುಗ್ ಬಾರೀ ಮಲ್ಲ ಕೊಡುಗೆ ಕೊರ್ತುಂಡ್. ದೇಶದ ಸ್ವಾತಂತ್ರ್ಯಗೋಸ್ಕರ ತುಲನಾಡುದ ವೀರಪುರುಷೆರೆನ ಪೊರಂಬಾಟ ಅನನ್ಯವಾಯಿನ ಕೊಡುಗೆ. ತುಳುನಾಡುದ ಆಸ್ಪತ್ರೆ,ಮಾರ್ಗೊಲೆಗ್ ತುಲುನಾಡುಗ್ ಕೊಡುಗೆ ಕೊರಿನ ವೀರೆರೆನ, ವಿದ್ವಾಂಸೆರೆನ ಪುದರ್ ದೀಂಡ ದುಂಬುದ ಯುವಪೀಳಿಗೆಗ್ ತುಳುನಾಡುದ ಇತಿಹಾಸ ತೆರಿಯುಂಡ್ ಪಂಡುದ್ ಪಂಡೆರ್. ಅಕೆರಿದ ಪಾತೆರೊಡ್ ಜಾತಿ, ಧರ್ಮ, ಪಕ್ಷ ಭೇದ ದಾಂತೆ ಪುಗ್ಗೆಲುಗ್ ಪುಗ್ಗೆಲು ಕೊರ್ದ್ ತುಳುಬಾಸೆಗ್ ಮಾನಾದಿಗೆ ಕೊರ್ಪಾವ ಪಂಡುದ್ ಆರು ಈ ಪೊರ್ತುಡ್ ಪಂಡೆರ್.
ವೇದಿಕೆಡ್ ಅಖಿಲಭಾರತ ತುಳುಒಕ್ಕೂಟದ ಗುರ್ಕಾರೆ ಎ. ಸಿ.ಭಂಡಾರಿ, ರಮಾನಾಥ ರೈ, ಅಂಚೆನೇ ತುಳುಒಕ್ಕೂಟದ ಅಡಿಟ್ ಉಪ್ಪುನ ಬೇತೆ ಬೇತೆ ತುಳು ಕೂಟದ ಪದಾಧಿಕಾರಿಲು, ಗುರ್ಕಾರ್ಲು ಉಪಸ್ಥಿತರಿತ್ತೆರ್.
by 