ಮೂಡ್ಲಕಟ್ಟೆಡ್ ವರ್ಡ್ ಪ್ರೆಸ್ ಕ್ಯಾಂಪ್

ಮೂಡ್ಲಕಟ್ಟೆ ಐಎಂಜೆ ಕಾಲೇಜಿಡ್ ವರ್ಡ್‌ಪ್ರೆಸ್ ಕ್ಯಾಂಪಸ್ ಕನೆಕ್ಟ್ ಉಡುಪಿ 2025 ಯಶಸ್ವಿಯಾದ್ ಮುಕ್ತಾಯ

ಕುಂದಾಪುರ, ಅಕ್ಟೋಬರ್ 25, 2025:
ಉಡುಪಿ ಪ್ರದೇಶದ ಯುವ ಪೀಳಿಗೆಗ್ ಡಿಜಿಟಲ್ ಶಕ್ತಿಕರಣ ಕೊರ್ಪಿನ ಉದ್ದೇಶದೊಟ್ಟುಗ್ ನಡತಿನ ವರ್ಡ್‌ಪ್ರೆಸ್ ಕ್ಯಾಂಪಸ್ ಕನೆಕ್ಟ್ ಉಡುಪಿ 2025 ಕಾರ್ಯಕ್ರಮ ಸರಣಿದ ಅಂತಿಮ ಹಂತ ಮೂಡ್ಲಕಟ್ಟೆ ಐಎಂಜೆ ಇನ್ಸ್ಟಿಟ್ಯೂಟ್ ಆಫ್ ಸೈನ್ಸ್ ಅಂಡ್ ಕಾಮರ್ಸ್ನ ಡ್  ಭರ್ಜರಿಯಾದ್ ನೆರವೇರುಂಡ್..

ಈ ಕಾರ್ಯಾಗಾರಡ್ ಸುಮಾರು 70 ವಿದ್ಯಾರ್ಥಿಲು ಭಾಗವಹಿಸಾದ್, ಡಾ. ಪ್ರತಿಭಾ ಎಂ. ಪಾಟೀಲ್ (ಪ್ರಾಚಾರ್ಯೆ) ಬೊಕ್ಕ ಶ್ರೀಮತಿ ಸ್ವರ್ಣ ರಾಣಿ ಯು.ಪಿ. (ಬಿಸಿಎ ವಿಭಾಗದ ಮುಖ್ಯಸ್ಥೆ ಬೊಕ್ಕ ಸಹ ಪ್ರಾಧ್ಯಾಪಕಿ, ಕಾರ್ಯಕ್ರಮ ಸಂಯೋಜಕಿ) ಅಕ್ಲೆನ ಮಾರ್ಗದರ್ಶನಡ್ ವಿದ್ಯಾರ್ಥಿಲು  ಸುರುತ ವೆಬ್‌ಸೈಟ್‌ ಲೆನ್  ನಿರ್ಮಾಣ ಮಲ್ತುದ್ ಪ್ರಚಾರ ಮಲ್ತೆರು.

ವರ್ಡ್‌ಪ್ರೆಸ್ ಉಡುಪಿ ಸಮುದಾಯದ ವತಿಡ್ದ್  ಈ ಕಾರ್ಯಾಗಾರನ್  ಆಯೋಜನೆ ಮಲ್ದಿತ್ತೆರ್.. ಶಶಿಕಾಂತ್ ಶೆಟ್ಟಿ (ಸಂಸ್ಥಾಪಕ – ಸಬ್ ವೆಬ್, ಉಡುಪಿ), ಶ್ರೀಮತಿ ಕೀರ್ತಿ ಪ್ರಭು (ಸೀನಿಯರ್ ಟೆಸ್ಟರ್, ಕ್ವಾಲಿಟಿ ಕಿಯೋಸ್ಕ್, ಮುಂಬೈ) ಬೊಕ್ಕ ವಿ. ಗೌತಮ್ ನಾವಡ (ಸಂಸ್ಥಾಪಕ ಹಾಗೂ ನಿರ್ದೇಶಕ – ಫೋರ್ಥ್‌ಫೋಕಸ್, ಕುಂದಾಪುರ) ಮುಖ್ಯ ಆಯೋಜಕರಾದಿತ್ತೆರು.

ಮಂಜುನಾಥ ಎಂ.ಎಂ. (ಯುಕ್ತ ಡಿಜಿಟಲ್, ತೀರ್ಥಹಳ್ಳಿ), ಓಂಕರ ಉಡುಪ (ಸಿಇಒ, ಕೋಟಿಸಾಫ್ಟ್ ಸೊಲ್ಯೂಷನ್ಸ್, ಕೋಟೇಶ್ವರ) ಬೊಕ್ಕ ಚಂದನಾ ಜಿ.ಎಂ. (ಆಪರೇಷನ್ಸ್ ಮ್ಯಾನೇಜರ್, ಫೋರ್ಥ್‌ಫೋಕಸ್, ಕುಂದಾಪುರ) ಕಾರ್ಯಾಗಾರದ ಮಾರ್ಗದರ್ಶಕೆರಾದ್ ವಿದ್ಯಾರ್ಥಿಲೆಗ್ ವರ್ಡ್‌ಪ್ರೆಸ್ ಸ್ಥಾಪನೆ, ಥೀಮ್ ಕಸ್ಟಮೈಜೆಷನ್ ಬೊಕ್ಕ ಪ್ಲಗಿನ್ ಬಳಕೆ ಬಗ್ಗೆ ಪ್ರಾಯೋಗಿಕ ತರಬೇತಿ ಕೊರಿಯೆರು.

ವಿ. ಗೌತಮ್ ನಾವಡ, ವರ್ಡ್‌ಪ್ರೆಸ್ ಕ್ಯಾಂಪಸ್ ಕನೆಕ್ಟ್ ಉಡುಪಿ 2025 ನ ಮುಖ್ಯ ಆಯೋಜಕೆರು ಪಂಡೆರು:

“ವಿದ್ಯಾರ್ಥಿಲು ಸ್ವತಃ ತನ್ನವೇ ವೆಬ್‌ಸೈಟ್ ನಿರ್ಮಿಸಾದ್ ಪ್ರಕಟ ಮಲ್ತಿನ ತೂದು ಮಸ್ತ್  ಪೆರ್ಮೆದ  ಕ್ಷಣ ಆದಿತ್ತುಂಡ್.. ಈ ಕಾರ್ಯಕ್ರಮ  ಮುಕ್ತ ಮೂಲ ತಂತ್ರಾಂಶದ ಶಕ್ತಿನ್ ಯುವ ಮನಸ್ಸುದುಲಾಯಿ  ಮುಟ್ಟಾಯಿಲೆಕ್ಕಾತುಂಡ್.”

ಈ ಕಾರ್ಯಕ್ರಮದ ವಿಶೇಷ ಆಕರ್ಷಣೆಯಾದಿತ್ತಿನಿ  ವರ್ಡ್‌ಪ್ರೆಸ್‌.ಕಾಂ ಡ್ದ್  ಪ್ರಾಯೋಜಿತ ಉಚಿತ ಒಂಜಿ ವರ್ಷದ ಯೋಜನೆ, ಉಂದೆಟಾದ್  ವಿದ್ಯಾರ್ಥಿಲು ಅಕ್ಲೆನ ಸುರುತ ವೆಬ್‌ಸೈಟ್‌ ಲೆನ್  ನೇರವಾದ್  ಆನ್‌ಲೈನ್‌ ಡ್ ಪ್ರಕಟ ಮಲ್ಪರೆಗ್ ಸಾಧ್ಯವಾತುಂಡ್..

ಈ ವರ್ಷದ ವರ್ಡ್‌ಪ್ರೆಸ್ ಕ್ಯಾಂಪಸ್ ಕನೆಕ್ಟ್ ಉಡುಪಿ ಸರಣಿ ಒಟ್ಟು 300 ಕ್ ಲಾ ಜಾಸ್ತಿ ವಿದ್ಯಾರ್ಥಿಲೆಪ್ ತಲುಪುದುಂಡ್..

ಕಾರ್ಯಕ್ರಮಗ್ ಆಟೊಮ್ಯಾಟಿಕ್, ಬ್ಲೂಹೋಸ್ಟ್, ವೂಕಾಮರ್ಸ್, ಕಿನ್‌ಸ್ಟಾ, ಹೋಸ್ಟಿಂಗ್.ಕಾಂ ಸೇರಿನಂಚ ಅಂತರರಾಷ್ಟ್ರೀಯ ಪ್ರಾಯೋಜಕೆರು ಬೊಕ್ಕ ಫೋರ್ಥ್‌ಫೋಕಸ್, ಸಬ್ ವೆಬ್, ಯುಕ್ತ ಡಿಜಿಟಲ್, ಕೋಟಿಸಾಫ್ಟ್ ಸೊಲ್ಯೂಷನ್ಸ್ ಇಂಚ ಸ್ಥಳೀಯ ಪ್ರಾಯೋಜಕೆರು ಸಹಭಾಗಿಯಾದಿತ್ತೆರು.

ವರ್ಡ್‌ಪ್ರೆಸ್ ಕ್ಯಾಂಪಸ್ ಕನೆಕ್ಟ್ ಪನ್ಪಿನವ್ ವಿಶ್ವದಾದ್ಯಂತ ನಡತೊಂದುಪ್ಪುನ ಯೋಜನೆಯಾದಿತ್ತುದ್, ಏಷ್ಯಾ, ಯೂರೋಪ್, ಆಫ್ರಿಕಾ ಬೊಕ್ಕ ಅಮೆರಿಕ ಖಂಡಲೆಡ್ ಸಾರ ವಿದ್ಯಾರ್ಥಿಲೆಗ್ ವೆಬ್ ನಿರ್ಮಾಣ ಬೊಕ್ಕ ಪ್ರಕಟಣೆಧ ಪಾಠ ಕಲ್ಪಾದುಂಡ್. ಉಡುಪಿ ಆವೃತ್ತಿ ಈ ವಿಶ್ವಮಟ್ಟದ ಪ್ರಯತ್ನಗ್ ಕರಾವಳಿ ಕರ್ನಾಟಕದ ಯುವಜನತೆನ್ ಸೇರಿಸಾವುನ ನಿಟ್ಟುಡ್  ಮಹತ್ವದ ಪಜ್ಜೆಯಾತುಂಡ್..

ಈ ಮೂಲಕ ವರ್ಡ್‌ಪ್ರೆಸ್ ಕ್ಯಾಂಪಸ್ ಕನೆಕ್ಟ್ ಉಡುಪಿ 2025 ಯಶಸ್ವಿಯಾದ್  ಮುಕ್ತಾಯ ಆದಿತ್ತುದ್, ದುಂಬುದ ಪೀಳಿಗೆದ ವೆಬ್ ನಿರ್ಮಾತೃಲು, ಸೃಜನಶೀಲೆರು ಬೊಕ್ಕ ತಂತ್ರಜ್ಞರೆನ್ ಬುಲೆಪಾವುನ ಪ್ರಯತ್ನಗ್ ಪೊಸ ಪ್ರೇರಣೆಯಾತುಂಡ್.