ಬಿಜೆಪಿ ಜಿಲ್ಲಾ ಮಹಿಳಾ ಮೋರ್ಚಾ.

ಪಕ್ಷಗ್  ನಮ  ದಾದ ಕೊಡುಗೆ ಕೊರ್ತ  ಪನ್ಪಿನವ್ವೆ ಮುಖ್ಯ : ವೀಣಾ ಎಸ್. ಶೆಟ್ಟಿ

ಬಿಜೆಪಿ ಜಿಲ್ಲಾ ಮಹಿಳಾ ಮೋರ್ಚಾ : ಅಖಿಲ ಭಾರತೀಯ ಸಂಘಟನಾತ್ಮಕ ಪ್ರವಾಸದ ವಿಶೇಷ ಕಾರ್ಯಕಾರಿಣಿ

ಬಿಜೆಪಿ ಇನಿ  ವಿಶ್ವದ  ಮಲ್ಲ ರಾಜಕೀಯ ಪಕ್ಷ. ಸುಮಾರು ಯೋಜನೆದ ಮೂಲಕ ಜನಪರ ಆಡಳಿತ ಕೊರೊಂದುಪ್ಪುನ  ಪ್ರಧಾನಿ ನರೇಂದ್ರ ಮೋದಿ ಅರೆನ ಆಡಳಿತಾವಧಿಡ್  ಪಕ್ಷದ ಕಾರ್ಯಕರ್ತರಾಗಿ ಸೇವೆ ಮಲ್ಪರೆಗ್  ಅವಕಾಶ ತಿಕ್ಕಿನವ್ವೆ  ನಮ್ಮ ಸುಯೋಗ. ಬೇತೆ ಬೇತೆ ಯೋಜನೆಲೆನ್  ಜನತೆಗ್  ಮುಟ್ಟಾವುನ  ಮೂಲಕ ಸದೃಢ ಪಕ್ಷ ಸಂಘಟನೆದ  ಒಟ್ಟುಗ್  ಲೋಕಸಭೆ ಸೇರ್ದ್  ದುಂಬುದ  ಮಾತಾ  ಚುನಾವಣೆಲೆಡ್  ಬಿಜೆಪಿ ಭರ್ಜರಿ ಗೇಲು  ಸಾಧಿಸಾರೆಗ್  ಮಾತೆರ್ಲ ಬದ್ಧತೆಡ್  ಶ್ರಮಿಸಾವೊಡ್. ಈ ನಿಟ್ಟುಡ್  ಪಕ್ಷಗ್  ನಮ ದಾದ  ಕೊಡುಗೆ ಕೊರ್ತ  ಪನ್ಪಿನವ್ವ್  ಬಾರೀ  ಮುಖ್ಯವಾದುಂಡ್. ಪಂಡುದು ಬಿಜೆಪಿ ಜಿಲ್ಲಾ ಮಹಿಳಾ ಮೋರ್ಚಾ ಅಧ್ಯಕ್ಷೆ ವೀಣಾ ಎಸ್. ಶೆಟ್ಟಿ ಪಂಡೆರು.

ಆರು ಬಿಜೆಪಿ ಕೇರಳ ರಾಜ್ಯ ಮಹಿಳಾ ಮೋರ್ಚಾದ ಉಪಾಧ್ಯಕ್ಷೆ ನ್ಯಾಯವಾದಿ ರೂಪಾ ಬಾಬು ಉಪಸ್ಥಿತಿಡ್  ಬಿಜೆಪಿ ಜಿಲ್ಲಾ ಕಚೇರಿಡ್  ನಡತಿನ ಜಿಲ್ಲಾ ಮಹಿಳಾ ಮೋರ್ಚಾದ ಜಿಲ್ಲಾ ವಿಶೇಷ ಕಾರ್ಯಕಾರಿಣಿ ಸಭೆತ ಅಧ್ಯಕ್ಷತೆಡಿತ್ತುದ್  ಪಾತೆರಿಯೆರು.

ಬಿಜೆಪಿ ಕೇರಳ ರಾಜ್ಯ ಮಹಿಳಾ ಮೋರ್ಚಾದ ಉಪಾಧ್ಯಕ್ಷೆ ನ್ಯಾಯವಾದಿ ರೂಪಾ ಬಾಬು ಪಾತೆರ್ದ್  ಬಿಜೆಪಿ ರಾಷ್ಟ್ರೀಯ ಮಹಿಳಾ ಮೋರ್ಚಾ ಅಧ್ಯಕ್ಷೆ ವನತಿ ಶ್ರೀನಿವಾಸನ್  ಬೊಕ್ಕ  ರಾಜ್ಯ ಮಹಿಳಾ ಮೋರ್ಚಾ ಅಧ್ಯಕ್ಷೆ ಸಿ.ಮಂಜುಳಾ ಅರೆನ  ನೇತೃತ್ವಡ್  ದೇಶದ 25 ಬಿಜೆಪಿ ಮಹಿಳಾ ಮೋರ್ಚಾ ನಾಯಕಿಯೆರು ಫೆ.12 ಬೊಕ್ಕ 13ಗ್  ಕರ್ನಾಟಕ ರಾಜ್ಯದ ಮಾತಾ  ಜಿಲ್ಲೆಡ್  ಸಂಘಟನಾ ಪ್ರವಾಸನ್  ಆಯೋಜನೆ ಮಲ್ದಿತ್ತುದ್ದು, ಈ ನಿಟ್ಟುಡ್ ಉಡುಪಿ ಜಿಲ್ಲಾ ಮಹಿಳಾ ಮೋರ್ಚಾ ಈ 2 ದಿನತ್ತ  ಅವಧಿಡ್  ಆಯೋಜನೆ ಮಲ್ದಿನ  18 ಕಾರ್ಯಕ್ರಮಲು ಬಾರೀ  ಯಶಸ್ವಿಯಾದ್  ಮೂಡ್ದ್ ಬತ್ತುಂಡ್. ಉಡುಪಿ ಜಿಲ್ಲೆ ಸಂಘಟನಾತ್ಮಕವಾದ್  ಮುಂಚೂಣಿಡಿತ್ತುದ್, ಜಿಲ್ಲಾ ಮಹಿಳಾ ಮೋರ್ಚಾ ಪಕ್ಷದ ಸಂಘಟನಾ ಚಟುವಟಿಕೆಲೆಡ್  ತೊಡಗಿಸಾವೊಂದಿನ  ಮಾದರಿ ಶ್ಲಾಘನೀಯ ಪಂಡುದು ಆರು ಪಂಡೆರು.

ಈ ಸಂದರ್ಭಡ್  ಬಿಜೆಪಿ ಜಿಲ್ಲಾ ಮಹಿಳಾ ಮೋರ್ಚಾ ವತಿಡ್ದ್ಷ ರೂಪ ಬಾಬು ಅರೆನ್  ಶಾಲು ಪಾಡ್ದ್  ಫಲ ಪುಷ್ಪ ಕೊರ್ದ್ ಸನ್ಮಾನ ಮಲ್ತೆರ್..

ಈ ಸಂದರ್ಭಡ್  ಮಹಿಳಾ ಮೋರ್ಚಾ ರಾಜ್ಯ ಪ್ರಧಾನ ಕಾರ್ಯದರ್ಶಿ ಶಿಲ್ಪಾ ಜಿ. ಸುವರ್ಣ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ರಶ್ಮಿತಾ ಬಾಲಕೃಷ್ಣ ಶೆಟ್ಟಿ, ಜಿಲ್ಲಾ ಬೊಕ್ಕ ಮಂಡಲ ಪದಾಧಿಕಾರಿಲಾಯಿನ ಮಾಲಿನಿ ಶೆಟ್ಟಿ, ವಿನಯ, ಸುಮಾ ಶೆಟ್ಟಿ, ದೀಪ, ಶಾಂತಿ, ವಸಂತಿ ಸತೀಶ್, ಸರೋಜ ಶೆಟ್ಟಿಗಾರ್, ಸುಜಾಲ ಸತೀಶ್, ಸುಧಾ ಪೈ, ಸುರೇಖಾ, ನೇತ್ರಾವತಿ, ಶ್ವೇತಾ, ಸೌರಭಿ ಪೈ, ರಜನಿ ಹೆಬ್ಬಾರ್, ನೀರಜಾ ಶೆಟ್ಟಿ, ಮಾಯಾ ಕಾಮತ್, ಅನಿತಾ ಆರ್.ಕೆ., ಅಶ್ವಿನಿ ಶೆಟ್ಟಿ ಪೂರ್ಣಿಮಾ ಬೊಕ್ಕ  ಜಿಲ್ಲಾ ಕಾರ್ಯಕಾರಿಣಿ ಸದಸ್ಯೆರು ಉಪಸ್ಥಿತರಿತ್ತೆರು.