ವಾರಡ್ ಅಕಾಡೆಮಿ ಬೊಕ್ಕ ಪ್ರಾಧಿಕಾರಲೆಗ್ ಅಧ್ಯಕ್ಷರ ನೇಮಕಾತಿ ಪ್ರಕ್ರಿಯೆ ಮಲ್ಪುಂಡ್ ಪಂಡುದು ಕನ್ನಡ ಸಂಸ್ಕೃತಿ ಬೊಕ್ಕ ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆ ಸಚಿವ ಶಿವರಾಜ್ ತಂಗಡಗಿ ಪಃಡೆರು.
ಉಡುಪಿ ಜಿಲ್ಲಾ ಕಾಂಗ್ರೆಸ್ ಕಚೇರಿಗ್ ಮಂಗಳವಾರ ಭೇಟಿ ಕೊರಿನ ಪೊರ್ತುಡ್ ಪಕ್ಷದ ಕಾರ್ಯಕರ್ತರೆನ್ ಉದ್ದೇಶಿಸಾದ್ ಪಾತೆರಿನ ಆರು, ಅಧ್ಯಕ್ಷರ ನೇಮಕ ಪ್ರಕ್ರಿಯೆ ನಡತೋಂದಿತ್ತುದ್, ಶೀಘ್ರೊಡೇ ಪೂರ್ಣ ಆಪುಂಡ್ ಪಂಡೆರು.
ಕೊಂಕಣಿ, ಬ್ಯಾರಿ, ಯಕ್ಷಗಾನ, ತುಳು ಅಕಾಡೆಮಿಲೆಗುಲಾ ಸಂಬಂಧ ಹೆಚ್ಚಿದೆ. ಕರಿನ ಚುನಾವಣೆಡ್ ಪರಭಾವ ಆಯಿನ ಪಕ್ಷದ ಅಭ್ಯರ್ಥಿಲು ಬೊಕ್ಕ ಸ್ಥಳೀಯ ಮುಖಂಡರೆನ ಸಲಹೆ ಪಡೆತುದು ಅಧ್ಯಕ್ಷರೆನ ನೇಮಕ ಮಲ್ಪುಂಡ್. ಕಾಂಗ್ರೆಸ್ ಕಟ್ಟಾಳು, ಪಕ್ಷದ
ಬಾವುಟ ಪಸೊಂದ್ ಬೇಲೆ ಮಲ್ತಿನಕ್ಲೆಗ್ ಅಕಾಡೆಮಿಡ್ ಅವಕಾಶ ಕಲ್ಪಿಸಾವುಂಡ್. ಈ ವಿಚಾರಡ್ ಒವ್ವೇ ರಾಜೀ ಇಜ್ಜಿ ಪಂಡುದು ಸಚಿವೆರು ಕಾರ್ಯಕರ್ತರೆಗ್ ಭರವಸೆ ಕೊರಿಯೆರು.
ಶಕ್ತಿ ಮೀರುದ್ ಜಿಲ್ಲೆಡ್ ಇಲಾಖೆ ವತಿಡ್ದ್ ಕೆಲಸ ಮಲ್ಪುಂಡ್.
ಕಾಂಗ್ರೆಸ್ ಪಕ್ಷದ ಕೊಡುಗೆಡಾದ್ ಬೊಕ್ಕ ಕಾರ್ಯಕರ್ತೆರೆನ ಆಶೀರ್ವಾದಡ್ ಯಾನು ಮಂತ್ರಿಯಾತೆ. ಜಿಲ್ಲೆಗುಲಾ ಎಂಕುಲಾ ಅವಿನಾಭಾವ ಸಂಬಂಧ ಉಂಡು ಯಾನು ಸಣ್ಣ ನೀರಾವರಿ ಸಚಿವೆ ಆದುಪ್ಪನಗಲಾ ಜಿಲ್ಲೆಗ್ ಭೇಟಿ ಕೊರ್ದಿತ್ತೆ ಪಂಡುದು ಸಚಿವೆರು ನೆಂಪು ಮಲ್ತೊಂಡೆರು.
ಮಾಜಿ ಸಚಿವ ವಿನಯ ಕುಮಾರ್ ಸೊರಕೆ ಪಾತೆರ್ದ್, ತುಳು ಭಾಷೆಗ್ ರಡ್ಡನೇ ಭಾಷೆದ ಮಹತ್ವ ಕೊರೊಡು ಪಂಡುದು ಮನವಿ ಮಲ್ತೆರು.
ನನ ಸರ್ಕಾರದ ನಿಲುವು ಬೊಕ್ಕ ವಿರೋಧ ಪಕ್ಷದ ಟೀಕೆಗ್ ಗಟ್ಟಿ ಧ್ವನಿಟ್ ನಿರಂತರವಾದ್ ಪ್ರತಿಪಾದನೆ ಮಲ್ತೊಂದುಪ್ಪುನ ಏಕೈಕ ವ್ಯಕ್ತಿ ಶಿವರಾಜ್ ತಂಗಡಗಿ ಪಂಡುದು ಸಚಿವರೆನ್ ಶ್ಲಾಘನೆ ಮಲ್ತೆರು.
ಸಾಂಸ್ಕೃತಿಕವಾದ್ ಬೊಕ್ಕ ಕಲಾತ್ಮಕವಾದ್ ಮಲ್ಲ ಕೊಡುಗೆ ಕೊರ್ತಿನ ಜಿಲ್ಲೆ ಉಡುಪಿ. ಅಕಾಡೆಮಿಲೆಗ್ ನೇಮಕ ಮಲ್ಪನಗ ಪಕ್ಷದ ಸ್ಥಳೀಯ ನಾಯಕೆರೆನ್ ಪರಿಗಣಿಸಾದ್ ನೇಮಕ ಮಲ್ಪೊಡ್ ಪಂಡುದು ಸಚಿವರೆಗ್ ಮನವಿ ಮಲ್ತೆರು.
ಈ ಸಂದರ್ಭಡ್ ಜಿಲ್ಲಾಧ್ಯಕ್ಷ ಅಶೋಕ್ ಕುಮಾರ್ ಕೊಡವೂರು, ಪಕ್ಷದ ಮುಖಂಡರಾಯಿನ ಪ್ರಸಾದ್ ರಾಜ್ ಕಾಂಚನ್, ಎಂ.ಎ.ಗಫೂರ್, ರಮೇಶ್ ಕಾಂಚನ್, ಕಿಶನ್ ಹೆಗ್ಡೆ, ದಿನಕರ ಹೇರೂರು, ಗೀತಾ ವಾಗ್ಲೆ, ಸದಾಶಿವ ದೇವಾಡಿಗ, ತಿಮ್ಮ ಪೂಜಾರಿ ಉಪಸ್ಥಿತರಿತ್ತೆರು.
by 