ತಿರುಮಲಡ್ ಪೊಸತಾದ್ ಆಪಿನ ಪೇಜಾವರ ಮಠದ ಶಾಖೆಗ್ ಶಿಲಾನ್ಯಾಸ..

ಪುಗಾರ್ತೆದ ಕ್ಷೇತ್ರ ತಿರುಮಲಡುಪ್ಪುನ ಪೇಜಾವರ ಮಠದ ಶಾಖೆ ಉಡುಪಿ ಮಠೊನ್ ಯಾತ್ರಿಲೆನ ಅನುಕೂಲಕ್ಕಾದ್ ನವೀಕರಣ ಮಲ್ತೊಂದುಂಡ್. ಪೊಸ ಕಟ್ಟಡಗ್ ಶ್ರೀ ಪೇಜಾವರ ಮಠಾಧೀಶೆರಾಯಿನ ಶ್ರೀ ವಿಶ್ವಪ್ರಸನ್ನತೀರ್ಥ ಶ್ರೀಪಾದೆರು ಬುಧವಾರ ಕಾಂಡೆ ಎಡ್ಡೆ ಮುಹೂರ್ತಡ್ ಶಿಲಾನ್ಯಾಸ ಮಲ್ತುದ್ ಶುಭ ಸಂದೇಶ ಕೊರಿಯೆರು ‌.
ಸುಮಾರು ಒಂಜರೆ ವರ್ಷದುಲಾಯಿ ಪೊಸ ಕಟ್ಟಡ ನಿರ್ಮಾಣಕಾರ್ಯ ಪೂರ್ಣ ಆಪಿನ ನಿರೀಕ್ಷೆ ಇತ್ತುದ್ ಅದಮುಟ್ಟ ಯಾತ್ರಿಲೆಗ್ ಉಡುಪಿ ಮಠ ಲಭ್ಯವಿಪ್ಪುಜಿ ಪಂಡುದ್ ಪೇಜಾವರ ಮಠದ ಪ್ರಕಟಣೆ ತೆರಿಪಾದುಂಡ್ ‌. ಕಾರ್ಯಕ್ರಮಡ್ ಶ್ರೀ ಮಠದ ಅಧಿಕಾರಿಲು , ಭಕ್ತೆರು ಉಪಸ್ಥಿತರಿತ್ತೆರು.