ಅಸಹಾಯಕಡಿತ್ತಿನ ಪ್ರಾಯದರೆನ್ ರಕ್ಷಣೆ ಮಲ್ತಿನ ಮಲಬಾರ್ ಸಿಬ್ಬಂದಿ.

ಮೇ,14; ಜೀವನಡ್ ಎದುರಾಯಿನ ಅಸಹಾಯಕ ಪರಿಸ್ಥಿತಿಡಾದ್ ಭೀಕ್ಷಾಟನೆಡ್ ಉಡುಪಿಡ್ ಜೀವನ ನಿರ್ವಹಣೆ ಮಲ್ತೊಂದಿತ್ತಿನ ಪ್ರಾಯದಕ್ಲೆನ್ ಸಮಾಜಸೇವಕ ನಿತ್ಯಾನಂದ ಒಳಕಾಡು ಅರೆನ ಸಹಕಾರಡಾದ್, ಉಡುಪಿದ ಮಲಬಾರ್ ಗೋಲ್ಡ್ ಆಭರಣ ಮಳಿಗೆದ ಸಿಬ್ಬಂದಿನಕುಲು ಪ್ರಾಯದಕ್ಲೆನ್ ಸುರಕ್ಷಿತವಾದ್ ಊರಾಯಿನ ಚೆನ್ನೆಗ್ ಕಡಪುಡಿಯೆರು.

ಪ್ರತಿದಿನ ಕಾಂಡೆ ಮಲಬಾರ್ ಗೋಲ್ಡ್ ಸಂಸ್ಥೆ  ನಗರದಲ್ಲಿ ನೆಲೆಯಾದುಪ್ಪುನ ಅನಾಥರೆಗ್ ಅಸಹಾಯಕರೆಗ್ ಉಪಹಾರದ ಪೊಟ್ಟಣಲೆನ್ ವಿತರಣೆ ಮಲ್ತೊಂದುಂಡ್. ಆಪೊರ್ತುಡ್ ಪ್ರಾಯದಕುಲು ಆಹಾರದ ಪೊಟ್ಟಣನ್ ಸ್ವೀಕಾರ ಮಲ್ತೊಂದಿತ್ತೆರು. ಎನ್ನ ಪುದರು ಎಂ.ಪ್ರಭಾವಾಸನ್ ಚೆನ್ನೈದ ನಿವಾಸಿ, ಅಸಹಾಯಕ ಪರಿಸ್ಥಿತಿಡುಲ್ಲೆ ಊರುಗ್ ಪೋವರೆಗ್ ವ್ಯವಸ್ಥೆ ಮಲ್ತುದ್ ಕೊರೊಲಿಯಾ ಪಂಡುದ್ ಆಹಾರ ಪೊಟ್ಟಣ ವಿತರಣಾ ಸಿಬ್ಬಂದಿನಕ್ಲೆಡ ಕೇನೊಂದಿತ್ತೆರು. ವಿಷಯ ತೆರಿನ ಮಲಬಾರ್ ಗೋಲ್ಡ್ ಮಳಿಗೆದ ವ್ಯವಸ್ಥಾಪಕೆರು ಬೊಕ್ಕ ಸಿಬ್ಬಂದಿಲು ನೆರವುಗ್ ಬತ್ತುದು, ಪ್ರಾಯದಕ್ಲೆನ್ ಚಿಕಿತ್ಸೆ ಕೊರ್ಪಾದ್ ಊರುಗ್ ಕಡಪುಡಿಯೆರು. ಕಾರ್ಯಚರಣೆಡ್ ಹಫೀಝ್ ರೆಹಮಾನ್ ಶಾಖಾ ಮುಖ್ಯಸ್ಥೆರು ಮಲಬಾರ್ ಗೋಲ್ಡ್ ಅಂಡ್ ಡೈಮಂಡ್ಸ್ ಉಡುಪಿ, ತಂಝೀಮ್ ಶಿರ್ವ ಮಲಬಾರ್ ಗೋಲ್ಡ್ ಅಂಡ್ ಡೈಮಂಡ್ಸ್ ಮಾರ್ಕೆಟಿಂಗ್ ವ್ಯವಸ್ಥಾಪಕೆರು, ಸಿರಾಜ್ ದ್ದೀನ್ ವೈ ಪ್ರಾದೇಶಿಕ ಸಂಯೋಜಕೆರು ಕರ್ನಾಟಕ ತನಲ್, ಸಿಂಧೂ ಚೆನ್ನೈ ತನಲ್ ಪ್ರತಿನಿಧಿ ರಿಂಷಾದ್ ಮುಖ್ಯಸ್ಥೆರು ಪುನರ್ವಸತಿ ಕೇಂದ್ರ ತನಲ್ ಭಾಗಿಯಾದಿತ್ತೆರು.