ಮೋದಿ ಗೆಂದಾಲೆ, ಭಾರತ ಒರಿಪಾಲೆ..

ಉಡುಪಿ ಜಿಲ್ಲಾ ಶ್ರೀರಾಮಸೇನೆ ವತಿಡ್ದ್  ಮಾರ್ಚ್ ತಿಂಗೊಲ್ದ ಅಕೇರಿಗ್ ಉಡುಪಿಡ್  ನಡಪರೆಗುಪ್ಪುನ ಮೋದಿ ಗೆಂದಾಲೆ ಭಾರತ ಒರಿಪಾಲೆ ಅಭಿಯಾನದ ಪೂರ್ವಭಾವಿ ಸಭೆ ಸೋಮವಾರ ಮಥುರಾ ಕಂಪರ್ಟ್ಸ್ ಸಭಾಂಗಣಡ್  ನಡತುಂಡ್. ಶ್ರೀರಾಮಸೇನೆದ ರಾಜ್ಯ ಪ್ರ ಕಾರ್ಯದರ್ಶಿ ಆನಂದ ಶೆಟ್ಟಿ ಪ್ರಾಸ್ತಾವಿಕ ಪಾತೆರಿಯೆರು. ರಾಜ್ಯಾಧ್ಯಕ್ಷರಾಯಿನ ಗಂಗಾಧರ್ ಕುಲಕರ್ಣಿ ವಿವರಣೆ ಕೊರಿಯೆರು.
ದೇಶ ಸುರುಕ್  ಪನ್ಪಿನ  ಸಂಘಟನೆದ  ದ್ಯೇಯದಂಚ ನಡಪುನ  ಈ ಕಾರ್ಯಕ್ರಮದ ರೂಪು ರೇಷೆದ  ಬಗ್ಗೆ ಚರ್ಚಿಸಾದ್ ಸಾಧು ಸಂತೆರು, ಮೋದಿ ಅಭಿಮಾನಿಲು, ವಿವಿಧ ಸಂಘಟನೆ, ಬೊಕ್ಕ  ಜನಪ್ರತಿನಿದಿಲೆನ ಸಹಕಾರದೊಟ್ಟುಗ್ ಕಾರ್ಯಕ್ರಮ ಯಶಸ್ವಿಯಾದ್  ನಡಪಾವ ಪಂಡುದ್  ಜಿಲ್ಲಾಧ್ಯಕ್ಷ ಜಯರಾಂ ಅಂಬೆಕಲ್ಲು ತೆರಿಪಾಯೆರು.
ಈ ಸಂಧರ್ಭಡ್  ಸಂಘಟನೆದ  ರಾಜ್ಯಾಧ್ಯಕ್ಷೆರಾದ್ ಸುರುತ್ತ ಸರ್ತಿಗ್  ಉಡುಪಿಗ್  ಬತ್ತಿನ ರಾಜ್ಯಾಧ್ಯಕ್ಷರಾಯಿನ ಗಂಗಾಧರ ಕುಲಕರ್ಣಿ ಮೆರೆನ್ ಜಿಲ್ಲಾ ಶ್ರೀರಾಮಸೇನೆ ವತಿಡ್ದ್  ಗೌರವ ಮಲ್ತೆರ್. ಜಿಲ್ಲೆದ ಮಾತಾ ಪದಾಧಿಕಾರಿಲು ಪಾಲ್ ಪಡೆಯಿನ  ಈ ಕಾರ್ಯಕ್ರಮಡ್  ಜಿಲ್ಲಾ ಪ್ರ ಕಾರ್ಯದರ್ಶಿ ಸುಧರ್ಶನ್ ಪೂಜಾರಿ ನಿರೂಪಣೆ ಮಲ್ತೆರು.