ರವಿರಾಜ್ ಎಚ್. ಪಿ. ಗ್ ಸಿಜಿಕೆ ರಂಗ ಪುರಸ್ಕಾರ.

ನಮ ತುಳುವೆರ್ ಕಲಾ ಸಂಘಟನೆ (ರಿ) ಬೊಕ್ಕ ಕರ್ನಾಟಕ ಬೀದಿ ನಾಟಕ ಅಕಾಡೆಮಿ ಕೊರ್ಪಿನ ಪ್ರತಿಷ್ಠಿತ
‘ಸಿ ಜಿ ಕೆ ರಂಗಪುರಸ್ಕಾರ’ -2024 ಗ್  ಉಡುಪಿ ಜಿಲ್ಲೆಡ್ದ್  ನಟೆ ನಿರ್ದೇಶಕೆಸಂಘಟಕೆ ರವಿರಾಜ್ ಎಚ್ ಪಿ ಆಯ್ಕೆಯಾತೆರ್.
ಮೇರು  ಕರಿನ  30 ವರ್ಷಡಿಂಚಿ  ರಂಗಭೂಮಿ ಕ್ಷೇತ್ರಡ್ ತೊಡಗಿಸಾವೊಂದ್, ನಟೆ  ನಿರ್ದೇಶಕೆ ಸಂಘಟಕೆರಾದ್ ಸೇವೆ ಮಲ್ದೆರ್.
ಮೆರೆನ  ನಟನೆಗ್  ಬೊಕ್ಕ  ನಿರ್ದೇಶನಗ್ ರಾಜ್ಯಮಟ್ಟದ ಪ್ರಶಸ್ತಿಲು  ಸಿಕ್ಕುದುಂಡ್
ಲಾಕ್ ಡೌನ್ ಸಂದರ್ಭಡ್ ಮೆರೆನ  ಪರಿಕಲ್ಪನೆಡ್  ನಡಪಾಯಿನ  ಹೀಗೊಂದು ರಂಗ ಕಲಿಕೆ ಸುಮಾರು ಪತ್ತು ಲಕ್ಷಗುಲಾ  ಜಾಸ್ತಿ ಜನ ವೀಕ್ಷಣೆ ಮಲ್ದೆರ್.
ಕೆಲವು ಟಿವಿ ಧಾರವಾಹಿ, ಚಲನಚಿತ್ರ ಲೆಡ್  ಪೋಷಕ ನಟೆ ಆದ್  ಪಾತ್ರ ನಿರ್ವಹಣೆ ಮಲ್ದೆರ್.
ಸಂಸ್ಕೃತಿ ವಿಶ್ವ ಪ್ರತಿಷ್ಠಾನ (ರಿ) ಉಡುಪಿದ ಸಂಚಾಲಕೆರಾದ್ ಉಡುಪಿ ಜಿಲ್ಲೆಡ್ ಕೆಲವ್ ನಾಟಕ , ಸಾಂಸ್ಕೃತಿಕ ಉತ್ಸವಲೆನ್ ಕರಿನ ಐನ್ ವರ್ಷಡಿಂಚಿ ನಡಪಾವೊಂದ್ ಬರೊಂದುಲ್ಲೆರ್.
ಪ್ರಸ್ತುತ ಕನ್ನಡ ಸಾಹಿತ್ಯ ಪರಿಷತ್ತು ಉಡುಪಿ ತಾಲೂಕುದ  ಅಧ್ಯಕ್ಷೆರಾದ್  ಸೇವೆ ಮಲ್ತೊಂದುಲ್ಲೆರ್ ಪಂಡುದು ನಮ ತುಳುವೆರ್ ಕಲಾ ಸಂಘಟನೆ (ರಿ) ದ  ಅಧ್ಯಕ್ಷೆರಾಯಿನ
ಸುಕುಮಾರ್ ಮೋಹನ್ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.