ಮೊಗವೀರ ಯುವ ಸಂಘಟನೆ [ರಿ.] ಉಡುಪಿ ಜಿಲ್ಲೆ ಮತ್ತು ಜಿ. ಶಂಕರ್ ಪ್ಯಾಮಿಲಿ ಟ್ರಸ್ಟ್ [ರಿ.] ಅಂಬಲಪಾಡಿ ಉಡುಪಿ ನೆತ್ತ ನೇತ್ರತ್ವಡ್ ಇಂಡಿಯನ್ ರೆಡ್ ಕ್ರಾಸ್ ಸಂಸ್ಥೆ ಕುಂದಾಪುರ ಮೊಕ್ಲೆನ ಸಹಯೋಗಡ್ ಜೂ.14 ತಾರೀಕುದಾನಿ ವಿಶ್ವ ರಕ್ತದಾನಿಲೆನ ದಿನೊತ್ರ ಲೆಕ್ಕೊಡ್ ನೆತ್ತೆರ್ ದಾನ ಶಿಬಿರ ಬ್ರಹ್ಮಾವರ ಶ್ಯಾಮಿಲಿ ಶನಾಯ ಹಾಲ್ ಡ್ ಆಯೋಜನೆ ಮಲ್ದಿತ್ತೆರ್.
ಜಿ.ಶಂಕರ್ ಫ್ಯಾಮಿಲಿ ಟ್ರಸ್ಟ್ ದ ಪ್ರವರ್ತೆಕೆರಾಯಿನ ನಾಡೋಜ ಡಾ.ಜಿ.ಶಂಕರ್ ಶಿಬಿರದ ಉದಿಪನ ಮಲ್ತುದ್ ಆಸ್ಪತ್ರೆ ಡ್ ರೋಗಿಲೆಗ್ ನೆತ್ತೆರ್ ದ ಅವಶ್ಯಕತೆ ಉಪ್ಪನಗ ಬೋಡಾಯಿನಾತ್ ನೆತ್ತೆರ್ ತಿಕ್ಕಂದಿನ ಪರಿಸ್ಥಿತಿ ಬನ್ನಗ ಇಂಚ ಶಿಬಿರೊಡ್ ಆಯೋಜನೆ ಮಲ್ತುಂಡ ರೋಗಿಲೆಗ್ ನೆತ್ತೆರ್ ಪೂರೈಕೆ ಮಲ್ಪೊಲಿ ಪಂಡೆರ್.
ಕಜ್ಜೊಡ್ ದ.ಕ.ಬೊಕ್ಕ ಉಡುಪಿ ಮೀನುಮಾರಾಟಗಾರ ಫೆಡರೇಶನ್ ದ ಅಧ್ಯಕ್ಷೆರಾಯಿನ ಯಶ್ಪಾಲ್ ಸುವರ್ಣ,ರೆಡ್ ಕ್ರಾಸ್ ಸಂಸ್ಥೆದ ಮುಖ್ಯಸ್ಥೆರಾಯಿನ ಜಯಕರ ಶೆಟ್ಟಿ ಉಪಸ್ಥಿತರಿತ್ತುದ್ ಶುಭಹಾರೈಸಿಯೆರ್.
ಮೊಗವೀರ ಯುವ ಸಂಘಟನೆ ಉಡುಪಿ ಜಿಲ್ಲೆದ ಜಿಲ್ಲಾಧ್ಯಕ್ಷೆರಾಯಿನ ರಾಜೇಂದ್ರ ಸುವರ್ಣ ಹಿರಿಯಡಕ ಸಭಾಕಜ್ಜೊದ ಅಧ್ಯಕ್ಷತೆಡಿತ್ತೆರ್…ದ.ಕ.ಮೊಗವೀರ ಮಹಾಜನ ಸಂಘದ ಅಧ್ಯಕ್ಷೆರಾಯಿನ ಜಯ ಸಿ.ಕೋಟ್ಯಾನ್, ಬಾರ್ಕೂರು ಸಂಯುಕ್ತ ಸಭಾದ ಅಧ್ಯಕ್ಷೆರಾಯಿನ ಸತೀಶ್ಅಮೀನ್ ಉಪಸ್ಥಿತ್ತೆರ್ .
ಮಾಜಿ ಅಧ್ಯಕ್ಷೆರಾಯಿನ ಶಿವರಾಮ ಕೋಟ ಪ್ರಾಸ್ತವಿಕ ಪಾತೆರ್ದ್, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ರವೀಶ್ ಬೈಂದೂರು ಧನ್ಯವಾದ ಕೊರಿಯೆರ್.ಆಶೋಕ್ ತೆಕ್ಕಟ್ಟೆ ಕಜ್ಜೊದ ಮದಿಪು ಕೊರಿಯೆರ್.
ರೆಡ್ ಕ್ರಾಸ್ ಸಂಸ್ಥೆದ ವತಿಡ್ದ್ ಮೊಗವೀರ ಯುವ ಸಂಘಟನೆದ ಜಿಲ್ಲಾಧ್ಯಕ್ಷೆರ್ ಬೊಕ್ಕ ಕಾರ್ಯದರ್ಶಿಗ್ ಮಾನಾದಿಗೆ ಮಲ್ತೆರ್..ಸುಮಾರ್ 88 ಯುನಿಟ್ ನೆತ್ತೆರ್ ನ್ ದಾನಿಲು ಕೊರಿಯೆರ್.
by 