ಕೊಡವೂರುಡ್ ಹಿರಿಯ ನಾಗರಿಕೆರೆಗ್ ಕಣ್ಣು ತಪಾಸಣಾ ಶಿಬಿರ..

ಕೊಡವೂರು ವಾರ್ಡುಡ್ ನಗರ ಪ್ರಾಥಮಿಕ ಆರೋಗ್ಯ ಕೇಂದ್ರ ಉಡುಪಿ ಮೊಕ್ಲೆನ ಸಹಯೋಗಡ್ 60 ವರ್ಷ ಮಿತ್ತುದ ಹಿರಿಯ ನಾಗರಿಕೆರೆಗ್ ಉಚಿತವಾದ್ ಕಣ್ಣು ತಪಾಸಣಾ ಶಿಬಿರ ನಡತುಂಡ್

60 ವರ್ಷ ಮಿತ್ತುದ ಹಿರಿಯ ನಾಗರಿಕೆರು ಒಟ್ಟು 26 ಜನ ಕಣ್ಣಿನ ಪರೀಕ್ಷೆ ಮಲ್ಪಾದ್ , 13 ಜನಕ್ಲೆಗ್ ಶಸ್ತ್ರ ಚಿಕಿತ್ಸೆ ಬೊಕ್ಕ 7 ಜನಕ್ ಕನ್ನಡಕ ವಿತರಣೆ ಮಲ್ತೆರ್.

ನಗರಸಭಾ ಸದಸ್ಯರಾಯಿನ ವಿಜಯ್ ಕೊಡವೂರು ಪಾತೆರ್ದ್ ನಗರ ಪ್ರಾಥಮಿಕ ಆರೋಗ್ಯ ಕೇಂದ್ರ ಉಡುಪಿ ವತಿಡ್ದ್ ಉಚಿತವಾದ್ ನೇತ್ರ ತಪಾಸಣಾ ಶಿಬಿರನ್ ಕೊಡವೂರು ವಾರ್ಡುಡ್ ಲಕ್ಷ್ಮೀ ನಗರ ಪರಿಸರಡ್ ಆಯೋಜನೆ ಮಲ್ದಿತ್ತುಂಡ್ ಸರಕಾರದ ಪ್ರತಿಯೊಂಜಿ ಯೋಜನೆಲಾ ಉಚಿತವಾದ್ ಕಟ್ಟ ಕಡೆತ್ತ ವ್ಯಕ್ತಿಗ್ ತಲುಪೊಡ್ ಇಂಚಿನ ಕಿನ್ನ ಕಿನ್ನ ಶಿಬಿರದ ಮುಖೇನ ಕೇಂದ್ರ ರಾಜ್ಯ ಸರ್ಕಾರದ ಮಾತಾ ಸವಲತ್ತುಲು ಇಲ್ಲ ಇಲ್ಲಗ್ ತಲುಪರೆಗ್ ಸಾಧ್ಯ ಉಂಡು. ನನ ದುಂಬುದ ದಿನೊಟ್ ಮಾತಾ ಸವಲತ್ತುಲನ್ ಕೊಡವೂರುದ ಕಾರ್ಯಕರ್ತೆರೆನ ಸಹಕಾರಡ್ ಮಾತಾ ಇಲ್ಲ ಇಲ್ಲಗ್ ತಲುಪಿಸಾವುನ ಕಾರ್ಯ ಮಲ್ಪುಂಡ್ ಪಂಡುದು ತೆರಿಪಾಯೆರು.

ಈ ಸಂಧರ್ಬಡ್ ರಾಷ್ಟ್ರೀಯ ಬಾಲ ಸ್ವಾಸ್ತ್ಯ ಕಾರ್ಯಕ್ರಮದ ಪ್ರಮುಖೆರಾಯಿನ ಡಾ.ಸುಪ್ರೀತಾ ,ಡಾ.ಸ್ಮಿತಿ ಕೆ.ಎಂ.ಸಿ ಆಸ್ಪತ್ರೆ ಮಣಿಪಾಲ ,ಪ್ರೈಮರಿ ಆರೋಗ್ಯ ಕಾರ್ಯಕರ್ತೆ ಸವಿತಾ ಡಿ. ಹಾಜರಿತ್ತೆರು.

ಹಿಮ ಮಾತೆರೆನ್ ಸ್ವಾಗತ ಮಲ್ತುದ್ ವಂದಿಸಾಯೆರ್.