ಮಾದಕ ದ್ರವ್ಯ ಜಾಗ್ರತಿ

ಉಡುಪಿ ಜಿಲ್ಲೆದ  ಎಸ್.ಡಿ.ಎಂ ಆಯುರ್ವೇದ ಕಾಲೇಜಿದ ಮನೋವಿಜ್ಞಾನ ಬೊಕ್ಕ ಮಾನಸರೋಗ ಸ್ನಾತಕೋತ್ತರ ವಿಭಾಗ, ವಿದ್ಯಾಲಯದ ಮನೋಜ್ಞ ವಿದ್ಯಾರ್ಥಿ ಸಮಾಲೋಚನ ಕೇಂದ್ರದ ಸಹಭಾಗಿತ್ವದೊಟ್ಟುಗ್ ದಿನಾಂಕ 17.07.2025 ರಂದು ‘ಮಾದಕ ದ್ರವ್ಯ ಜಾಗೃತಿ ಬೊಕ್ಕ ಸೈಬರ್ ಅಪರಾಧ’ ಪನ್ಪಿನ ವಿಷಯದ ಬಗೆಟ್ ಅತಿಥಿ ಉಪನ್ಯಾಸ ಕಾರ್ಯಕ್ರಮನ್ ಆಯೋಜನೆ ಮಲ್ದಿತ್ತುಂಡ್..

ಕಾರ್ಯಕ್ರಮಗ್  ಸಂಪನ್ಮೂಲ ವ್ಯಕ್ತಿಲಾದ್ ಉಡುಪಿ ಜಿಲ್ಲೆದ ಉಪ ಪೋಲೀಸ್ ಅಧೀಕ್ಷಕೆರಾಯಿನ (DYSP) ಶ್ರೀ ಪ್ರಭು ಡಿ.ಟಿ ಬೊಕ್ಕ ಮಣಿಪಾಲದ ಪೋಲೀಸ್ ಇನ್ಸ್ ಪೆಕ್ಟರ್ ಶ್ರೀ ಮಹೇಶ್ ಪ್ರಸಾದ್ ಮೇರು ಬತ್ತಿತ್ತೆರು. ಉಪನ್ಯಾಸದ ಮೂಲಕ ವಿದ್ಯಾರ್ಥಿಲೆಗ್ ಈ ವಿಷಯದ ಮಹತ್ವ ಸುರಕ್ಷಿತ ನಡವಳಿಕೆದ ಅಗತ್ಯತೆ ಬೊಕ್ಕ ಯುವಜನತೆದ ನೈತಿಕ ಜವಾಬ್ದಾರಿದ ಬಗೆಟ್ ಜಾಗೃತಿ ಪುಟ್ಟಾಯೆರ್..

ಕಾರ್ಯಕ್ರಮಡ್ 500ಕ್ಕ್ ಲಾ ಜಾಸ್ತಿ  ಸ್ನಾತಕ ಬೊಕ್ಕ ಸ್ನಾತಕೋತ್ತರ ವಿದ್ಯಾರ್ಥಿಲು,ಕಿರುವೈದ್ಯೆರುನಕುಲು ಪಾಲ್ ಪಡೆದಿತ್ತೆರು. ಕಾರ್ಯಕ್ರಮಡ್ ಪ್ರಾಂಶುಪಾಲೆರಾಯಿನ ಡಾ. ಮಮತಾ ಕೆ.ವಿ, ವೈದ್ಯಕೀಯ ಅಧೀಕ್ಷಕೆರಾಯಿನ ಡಾ. ನಾಗರಾಜ ಎಸ್., ಸ್ನಾತ್ತಕೋತ್ತರ ಬೊಕ್ಕ ಪಿಎಚ್ ಡಿ ವಿಭಾಗದ ಡೀನ್ ಡಾ.ಶ್ರೀಕಾಂತ್ ಪಿ., ಕಾಲೇಜಿದ  ಆಡಳಿತ ಮುಖ್ಯಾಧಿಕಾರಿಯಾಯಿನ  ಡಾ.ಪ್ರಶಾಂತ್ ಕೆ., ಸ್ನಾತಕ ವಿಭಾಗದ ಡೀನ್ ಡಾ.ಪೃಥ್ವಿರಾಜ್ ಪುರಾಣಿಕ್, ವಿಭಾಗ ಮುಖ್ಯಸ್ಥೆರಾಯಿನ  ಡಾ. ವಿಜಯೇಂದ್ರ ಜಿ. ಭಟ್, ಮೊಕುಲು ಹಾಜರಿತ್ತೆರು.