ಪರ್ಕಳಡ್ ಯೋಗ ಮಾಯಿತಿ ಶಿಬಿರ

ಪರ್ಕಳ ಪ್ರೌಢ ಶಾಲೆ, ರೋಟರಿ ಪರ್ಕಳ, ಜೆ.ಸಿ.ಐ ಪರ್ಕಳ, ಆರ್ಟ್ ಆಫ್ ಲೀವಿಂಗ್ ಸೆಂಟರ್ ಮಣಿಪಾಲದ ಸಂಯುಕ್ತ ಆಶ್ರಯಡ್  ವಿಶ್ವ ಯೋಗ ದಿನಾಚರಣೆದ ಪ್ರಯುಕ್ತ ಶಾಲಾ ಸುವರ್ಣ ಸೌಧ ಸಭಾಂಗಣಡ್  ಯೋಗ ಮಾಹಿತಿ ಶಿಬಿರ ಬೊಕ್ಕ ಯೋಗ ಪ್ರಾತ್ಯಕ್ಷಿಕೆ ಕಾರ್ಯಕ್ರಮ ಆಚರಣೆ ಮಲ್ತೆರ್..

ರಾಮಮೂರ್ತಿ. ಪಿ (ಮಾಲಕರು ಸುರಕ್ಷಾ ಸಭಾ ಭವನ ಹಾಗೂ ನಿಯೋಜಿತ ಅಧ್ಯಕ್ಷರು ರೋಟರಿ ಪರ್ಕಳ) ಮೇರು ತುಡರ್ ಅರ್ಲಾದ್  ಕಾರ್ಯಕ್ರಮಗ್  ಚಾಲನೆ ಕೊರಿಯೆರು..ಬಿ ಅರುಣಾಚಲ ಹೆಗ್ಡೆ (ಅಧ್ಯಕ್ಷರು ಪರ್ಕಳ ಎಜುಕೇಷನ್ ಸೊಸೈಟಿ ಪರ್ಕಳ)ಮೇರು ಅಧ್ಯಕ್ಷತೆಡಿತ್ತೆರ್. ನಮ್ಮ ದೈನಂದಿನ ದಿನಚರಿಡ್ ಯೋಗ ಒಂಜಿ  ಅವಿಭಾಜ್ಯ ಅಂಗ ಆವೊಡ್  ಪ್ರತಿಯೊರಿಲಾ  ಯೋಗನ್ ರೂಢಿ ಮಲ್ತೊನೊಡ್ ಪಂಡೆರು. ಶ್ರೀಮತಿ ಸುನೀತ ನಾಯಕ್ (ಯೋಗ ಶಿಕ್ಷಕಿ, ಆರ್ಟ್ ಆಫ್ ಲೀವಿಂಗ್ ಸೆಂಟರ್ ಮಣಿಪಾಲ) ಮೇರು ಯೋಗದ ಮಹತ್ವನ್ ವಿದ್ಯಾರ್ಥಿಲೆಗ್ ತೆರಿಪಾವುನ ಮೂಲಕ ಯೋಗ ತರಬೇತಿನ್  ಮಲ್ತೆರು ಬೊಊ ಯೋಗ ಪಟು ನಾಗೇಶ್ ನಾಯಕ್ ಸಹಕಾರ ಮಲ್ತೆರು. ಮಲ್ಲ ಬಿನ್ನೆರಾದ್ ಭರತ್ ಕೆ. ಕುಲಾಲ್ ಅಧ್ಯಕ್ಷೆರು ಜೆ.ಸಿ.ಐ ಪರ್ಕಳ, ದಿನೇಶ್ ಹೆಗ್ಡೆ ಆತ್ರಾಡಿ (ಸಂಚಾಲಕರು ಪರ್ಕಳ ಪ್ರೌಢ ಶಾಲೆ ), ವಿಶ್ವನಾಥ ನಾಯಕ್ (ಕಾರ್ಯದರ್ಶಿ ರೋಟರಿ ಪರ್ಕಳ), ಅಚ್ಚುತ ನಾಯ್ಕ (ಸ್ಥಾಪಕ ಅಧ್ಯಕ್ಷರು ಜೆ.ಸಿ.ಐ ಪರ್ಕಳ), ನಿತೀಶ್ ನಾಯ್ (ಕಾರ್ಯದರ್ಶಿ ಜೆ.ಸಿ.ಐ ಪರ್ಕಳ), ಮನೋಹರ ನಾಯಕ್ (ಮುಖ್ಯೋಪಾಧ್ಯಾಯರು ಪರ್ಕಳ ಪ್ರೌಢ ಶಾಲೆ) ವೇದಿಕೆಡ್  ಉಪಸ್ಥಿತರಿತ್ತೆರು. ರವೀಂದ್ರ ಆಚಾರ್ಯ (ಕಾರ್ಯಾಧ್ಯಕ್ಷರು ಹಳೆ ವಿದ್ಯಾರ್ಥಿ ಸಂಘ ಪರ್ಕಳ ಪ್ರೌಢ ಶಾಲೆ)ಮೇರ್ ಕಾರ್ಯಕ್ರಮಗ್ ಮಾತೆರೆನ್ಲ  ಸ್ವಾಗತ ಮಲ್ತೆರು. ಶ್ರೀಮತಿ ಸುಜಾತ ಯು. ಎನ್  ಧನ್ಯವಾದ ಮಲ್ತುದ್  ಶ್ರೀ ಮಧುಕರ ಸಹ ಶಿಕ್ಷಕೆರು ಕಾರ್ಯಕ್ರಮನ್ ನಿರೂಪಣೆ ಮಲ್ತೆರು. ಎಂ ಪಾಂಡುರಂಗ ನಾಯಕ್, ಹಳೆ ವಿದ್ಯಾರ್ಥಿ ಸಂದೀಪ್ ನಾಯ್, ಜೆ.ಸಿ.ಐ ಪರ್ಕಳ ಬೊಕ್ಕ ರೋಟರಿ ಪರ್ಕಳದ ಸದಸ್ಯೆರು ಶಿಕ್ಷಕ ಶಿಕ್ಷಕೇತರೆರು ಬೊಕ್ಕ ವಿದ್ಯಾರ್ಥಿಲು ಪಾಲ್ ಪಡೆದಿತ್ತೆರು.