ಕರ್ಂಗೋಲು ಕಂಗುಲು ಸಾಕ್ಷ್ಯಚಿತ್ರ

ಮಂಗಳೂರುಡ್ ಜುಲೈ 19 ಗ್ ‘ಕರ್ಂಗೋಲ್‌ – ಕಂಗುಲು’ ಸಾಕ್ಷ್ಯಚಿತ್ರ ಪ್ರದರ್ಶನ ಬೊಕ್ಕ ‘ಕುದ್ಕ ಬಚ್ಚಿರೆ’ ಪುಸ್ತಕ ಬುಡುಗಡೆ.

ಮಂಗಳೂರು: ತುಳುನಾಡುದ  ಸಾಂಸ್ಕೃತಿಕ ಆಸ್ಮಿತೆ, ಮೌಖಿಕ ಇತಿಹಾಸ ಬೊಕ್ಕ ಸಾಹಿತ್ಯ ಪರಂಪರೆನ್ ಬಿಂಬಿಸಾವುನ ರಡ್ಡ್  ವಿಶೇಷ ಕಾರ್ಯಕ್ರಮ ಮಂಗಳೂರುಡ್ ನಡಪರೆಗುಂಡ್..

ಉಂದುವೇ ಬರ್ಪಿನ ಜುಲೈ 19ಗ್  ಕುಡ್ಲದ ನಂತೂರು ಸಂದೇಶ ಫೌಂಡೇಶನ್‌ ಡ್  ತುಳುನಾಡುದ ಮೂಲನಿವಾಸಿಲೆನ ಕಲಾಪ್ರಕಾರದ ಬಗೆಟ್  ಡಾಕ್ಯುಮೆಂಟರಿ ಪ್ರದರ್ಶನ ಬೊಕ್ಕ ವಿಶಿಷ್ಟ ತುಳು ಎಲ್ಯ ಕತೆ ಪುಸ್ತಕ ಬುಡುಗಡೆ ಕಾರ್ಯಕ್ರಮ ಆಯೋಜನೆ ಮಲ್ದುಂಡ್.

‘ಕರ್ಂಗೋಲ್‌ – ಕಂಗುಲು’ ಸಾಕ್ಷ್ಯಚಿತ್ರ ಪ್ರದರ್ಶನ ಬೊಕ್ಕ ಸಂವಾದ
ತುಳುನಾಡುದ ಮೂಲ ನಿವಾಸಿ ಸಮುದಾಯದ  ಪ್ರಮುಖ ಬೊಕ್ಕ ಸಾಂಪ್ರದಾಯಿಕ ಕಲಾಪ್ರಕಾರಲಾಯಿನ ‘ಕರ್ಂಗೋಲ್‌’ ಬೊಕ್ಕ ‘ಕಂಗೀಲು’ ಬಗ್ಗೆ ತಯಾರ್ ಮಲ್ದಿನ ವಿಶೇಷ ಸಾಕ್ಷ್ಯಚಿತ್ರ (ಡಾಕ್ಯುಮೆಂಟರಿ) ಆನಿ ಕಾಂಡಘ 10:00 ಗಂಟೆಗ್ ಪ್ರದರ್ಶನ ಆವರೆಗುಂಡ್..ಮಾಯಿಲು ಫಿಲ್ಮ್ಸ್‌ ಬೊಕ್ಕ ಕಡಲ್‌ ಸ್ಟುಡಿಯೋಸ್ ಜಂಟಿಯಾದ್ ನಿರ್ಮಾಣ ಮಲ್ದಿನ ಈ ಚಿತ್ರ 108 ನಿಮಿಷದವ್..

ವಿಶೇಷತೆ
ತುಳುನಾಡುದ ಮೌಖಿಕ ಇತಿಹಾಸ, ಸಾಂಸ್ಕೃತಿಕ ಅಮರ್ ವೀರೆರ್ನ  ಚರಿತ್ರೆ, ಮೂಲನಿವಾಸಿ ಸಮುದಾಯದ ಆಚರಣೆಲು ಬೊಕ್ಕ ಅಕ್ಲೆನ ಸಾಂಸ್ಕೃತಿಕ ಆಸ್ಮಿತೆನ್ ಈ ಚಿತ್ರ ವಿವರಣೆ ಕೊರ್ಪುಂಡ್.. ಈ ಸಾಕ್ಷ್ಯಚಿತ್ರೊನ್ ಜಯಂತ್‌ ನಿಟ್ಟಡೆ ಬೊಕ್ಕ ಸಾಗರ್‌ ಬನ್ನಂಜೆ ಜಂಟಿಯಾದ್ ನಿರ್ದೇಶನ ಮಲ್ದಿತ್ತುದ್, ಶಿವಪ್ರಸಾದ್‌ ಬೊಕ್ಕ ಪ್ರದೀಪ್‌ ಗರ್ಡಾಡಿ ಮೊಕುಲು ಛಾಯಾಗ್ರಹಣ ಬೊಕ್ಕ ಸಂಕಲನದ ಜಬಾದಾರಿ ದೆತೊಂದೆರ್.. ಚಿತ್ರ ಪ್ರದರ್ಶನಡ್ ಬೊಕ್ಕ ಚಿತ್ರತಂಡದೊಟ್ಟುಗ್ ಮುಕ್ತ ಸಂವಾದ ಕಾರ್ಯಕ್ರಮ ನಡಪರೆಗುಂಡ್.

‘ಕುದ್ಕ ಬಚ್ಚಿರೆ’ ಪುಸ್ತಕ ಬುಡುಗಡೆ ಬೊಕ್ಕ ಪ್ರಶಸ್ತಿ ಪ್ರದಾನ
ತುಳು ಸಾಹಿತ್ಯ ಪರಂಪರೆಡೇ ಸುರುತ್ತ ಸರ್ತಿ ಆಯೋಜನೆ ಮಲ್ದಿನ ವಿಶಿಷ್ಟ ತುಳು ಕಿನ್ನ ಕಥೆ ಬರೆಪಿನ ಪಂತೊ “ಕುದ್ಕ ಬಚ್ಚಿರೆ”ದ  ಪುಸ್ತಕ ಬುಡುಗಡೆ ಕಾರ್ಯಕ್ರಮ ಆನಿ ಕಾಂಡೆ 9:30ಕ್ ನಡಪರೆಗುಂಡ್ .ಪಂತೊಡ್ ವಿಜೇತೆರಾಯಿನ ಬರವುಗಾರೆರೆಗ್ ಈ ಸಂದರ್ಭಡ್ ಇನಾಮು ಪಟ್ಟರೆಗುಲ್ಲೆರ್. ಪಂತೊಗ್. ಬತ್ತಿನ  ಕಥೆಕುಲೆಡ್  ಎಡ್ಡೆ ಕತೆ ಆಯ್ಕೆ ಮಲ್ತುದ್ ತಯಾರ್ ಮಲ್ದಿನ “ಕುದ್ಕ-ಬಚ್ಚಿರೆ” ಪುಸ್ತಕನ್  ವೇದಿಕೆಡ್ ಲೋಕಾರ್ಪಣೆ ಮಲ್ಪುಂಡ್..

ಮಾತೆರೆಗ್  ಮುಕ್ತ ಅವಕಾಶ

ಸಂಪರ್ಕ: 7795529458, 8870358703.