ಸುಮನಸಾ ರಜತ ಸಂಭ್ರಮ

ಸುಮನಸಾ ರಜತ ಸಂಭ್ರಮ: ‘ಪದ ಪಲ್ಲವಿ’ ಕನ್ನಡ ಕವನ ಪಂತೊದ ಪೋಸ್ಟರ್ ಬುಡುಗಡೆ

ಉಡುಪಿ: ರಜತ ಮಹೋತ್ಸವದ ಗೌಜಿಡುಪ್ಪುನ ‘ಸುಮನಸಾ’ ಸಂಸ್ಥೆದ ರಜತ ಸರಣಿ ಕಾರ್ಯಕ್ರಮದ ಭಾಗವಾದ್ ಆಯೋಜನೆ ಮಲ್ದಿನ‘ಪದ ಪಲ್ಲವಿ’ ಕನ್ನಡ ಕವನ ಸ್ಪರ್ಧೆದ ಪೋಸ್ಟರ್ ಬುಡುಗಡೆ ಸಮಾರಂಭ ಸಂಸ್ಥೆದ ಕಾರ್ಯಾಲಯಡ್ ಅರ್ಥಪೂರ್ಣವಾದ್ ನಡತುಂಡ್..

ಸಂಸ್ಥೆದ ಆರಂಭದ ದಿನೊಡಿಂಚಿಲಾ ಸಕ್ರಿಯ ಸದಸ್ಯೆಯಾದ್, ಕಾರ್ಯದರ್ಶಿಯಾದ್  ಸೇವೆ ಸಲ್ಲಿಸಾದ್ ಸಂಸ್ಥೆದ ಏಳಿಗೆಗ್ ಕೊಡುಗೆ ಕೊರ್ತಿನ  ದಿವಂಗತ ಜ್ಯೋತಿ ಅರೆನ ಸವಿನೆಂಪುಡ್ ಈ ಸ್ಪರ್ಧೆನ್  ಆಯೋಜನೆ ಮಲ್ದಿತ್ತುದ್ , ಜ್ಯೋತಿ ಅರೆನ ಅಪ್ಪೆ ಜಯಲಕ್ಷ್ಮಿ ಮೇರು ಕವನ ಸ್ಪರ್ಧೆದ ಅಧಿಕೃತ ಪೋಸ್ಟರ್ ಬುಡುಗಡೆ ಮಲ್ತುದ್ ಶುಭಹಾರೈಸಿಯೆರು.

ಕಾರ್ಯಕ್ರಮದ ಅಧ್ಯಕ್ಷತೆ ಡಿತ್ತಿನ ಸುಮನಸಾ ಸಂಸ್ಥೆದ ಅಧ್ಯಕ್ಷ ಪ್ರಕಾಶ್ ಜಿ. ಕೊಡವೂರು ಪಾತೆರ್ದ್ , ‘ಸಂಸ್ಥೆದ ಆರಂಭಿಕ ದಿನಕ್ಲೆಡ ಜ್ಯೋತಿ ಮೆರೆನ ಶ್ರಮ ಬೊಕ್ಕ ಬದ್ಧತೆ ಅನನ್ಯವಾಯಿನವ್ವ್ . ಅರೆನ  ನೆಂಪುನ್  ಶಾಶ್ವತ ಮಲ್ಪರೆಗ್ ಬೊಕ್ಕ ಪೊಸ ತಲೆಮಾರುದದ ಕಾವ್ಯ ಪ್ರತಿಭೆಲೆನ್ ಪ್ರೋತ್ಸಾಹ ಮಲ್ಪರೆಗ್ ‘ಪದ ಪಲ್ಲವಿ’ ಕವನ ಸ್ಪರ್ಧೆನ್ ಆಯೋಜನೆ ಮಲ್ದುಂಡ್ . ಸಾಹಿತ್ಯಾಸಕ್ತೆರು ಈ ಸ್ಪರ್ಧೆಡ್ ಹೆಚ್ಚಿನ ಸಂಖ್ಯೆಡ್ ಪಾಲ್ ಪಡೆಯೊಡ್’ ಪಂಡುದು ಬಿನ್ನಪ ಮಲ್ತುದೆರ್.

ಸಂಸ್ಥೆದ ಗೌರವಾಧ್ಯಕ್ಷ ಎಂ.ಎಸ್. ಭಟ್ ಪಾತೆರ್ದ್ , ‘ಕಲೆ ಬೊಕ್ಕ ಸಾಹಿತ್ಯೊನ್  ಬುಲೆಪಾವುನ ನಿಟ್ಟುಡ್  ಸುಮನಸಾ ಕರಿನ 25 ವರ್ಷಡಿಂಚಿ  ರಂಗಭೂಮಿ ಬೊಕ್ಕ ಸಾಂಸ್ಕೃತಿಕ ಕ್ಷೇತ್ರಡ್  ನಿರಂತರವಾದ್  ಕೆಲಸ ಮಲ್ತೊಂದಿತ್ತುದ್, ಈ ರಜತ ಸಂಭ್ರಮದ ಕಾವ್ಯ ಸ್ಪರ್ಧೆ ಉದಯೋನ್ಮುಖ ಕವಿ ಕುಲೆಗ್ ಎಡ್ಡೆ ವೇದಿಕೆಯಾಪುಂಡ್ ಪಂಡೆರು.

ವೇದಿಕೆಡ್  ಸಂಸ್ಥೆದ ಸಂಚಾಲಕ ಭಾಸ್ಕರ್ ಪಾಲನ್, ಕಾರ್ಯಕ್ರಮ ಸಂಯೋಜಕೆರಾಯಿನ  ರಾಗಿಣಿ ಹರೀಶ್ ಬೊಕ್ಕ ಶುಭಾ ಯೋಗೀಶ್ ಉಪಸ್ಥಿತರಿತ್ತೆರು.
ಕಾರ್ಯದರ್ಶಿ ಚಂದ್ರಕಾಂತ್ ಕಾರ್ಯಕ್ರಮ ನಿರೂಪಣೆ ಮಲ್ತೆರು.