ಮಲ್ಪೆ ಮೀನುಗಾರರ ಸಂಘ

ಮಲ್ಪೆ ಮೀನುಗಾರಿಕೆನ್ ಬದಿಕ್ ದೀದ್ ಪ್ರವಾಸೋದ್ಯಮಗ್ ಹೆಚ್ಚಿಗೆ  ಆದ್ಯತೆ: ಆತಂಕಡುಪ್ಪುನ ಮೀನುಗಾರೆರು
ರಾಜ್ಯದ ಪ್ರಮುಖ ಮೀನುಗಾರಿಕಾ ಬಂದರುಲೆಡ್ ಒಂಜಾಯಿನ ಮಲ್ಪೆ ಬಂದರು ಇಂಚಪ್ಪೊಗ್  ಪೊಸ ಸವಾಲು ಲೆನ್ ಎದುರಿಸಾವೊಂದುಂಡ್.. ಇಂಚಪ್ಪೊಗ್  ಪ್ರವಾಸೋದ್ಯಮಗ್ ಹೆಚ್ಚಿಗೆ ಆದ್ಯತೆ ಕೊರೊಂದುಪ್ಪುನ ಹಿನ್ನೆಲೆಡ್, ಮೀನುಗಾರಿಕಾ ಚಟುವಟಿಕೆಲೆಗ್  ಅಗತ್ಯವಾಯಿನ  ಮೂಲಸೌಕರ್ಯ ಬೊಕ್ಕ ಅಭಿವೃದ್ಧಿಗ್ ಬೋಡಾಯಿನಾತ್  ಗಮನ ಸಿಕ್ಕೊಂದಿಜ್ಜಿ  ಪನ್ಪಿನ ಆರೋಪ ಕೇನೊಂದುಂಡ್.
ಮಲ್ಪೆದ ಆರ್ಥಿಕತೆದ ಬೆರಿಕೋಲಾದುಪ್ಪುನ  ಮೀನುಗಾರಿಕಾ ಕ್ಷೇತ್ರ ಸಾರಗಟ್ಟಲೆ  ಕುಟುಂಬಲೆನ  ಜೀವನಾಧಾರವಾದುಂಡ್. ಆಂಡ ಪ್ರವಾಸೋದ್ಯಮ ಯೋಜನೆಲು ಹೆಚ್ಚಾವೊಂದುಪ್ಪುನ ನಡುಟ್ , ಮೀನುಗಾರೆರೆನ  ಅಗತ್ಯೊಲು ಬೊಕ್ಕ ಬಂದರುದ ಅಭಿವೃದ್ಧಿಗ್  ಆದ್ಯತೆ ಕೊರೊಡು ಪಂಡುದು ಒತ್ತಾಯಲಾ ಹೆಚ್ಚಾವೊಂದುಂಡ್.
ಪ್ರವಾಸೋದ್ಯಮ ಬೊಕ್ಕ ಮೀನುಗಾರಿಕೆ ರಡ್ಡಲಾ  ಮಲ್ಪೆದ ಅಭಿವೃದ್ಧಿಗ್  ಸಮಾನವಾಯಿನ ಅಗತ್ಯವಾದಯಿನ ಕ್ಷೇತ್ರ ಆದುಂಡ್.. ಆಂಡ  ಅಭಿವೃದ್ಧಿ ಯೋಜನೆಲೆನ್  ರೂಪಿಸಾನಗ ಮೀನುಗಾರೆರೆನ ಜೀವನೋಪಾಯಗ್  ಒವ್ವೇ ರೀತಿದ ಧಕ್ಕೆಯಾವಂದಿನಂಚ ಸರ್ಕಾರ ಬೊಕ್ಕ ಸಂಬಂಧಪಟ್ಟಿನ  ಇಲಾಖೆಲು ಸಮತೋಲನದ ದೃಷ್ಟಿಕೋನನ್  ಅನುಸರಿಸಾವೊಡ್  ಪಂಡುದು ಸಾರ್ವಜನಿಕೆರೆವ ಅಭಿಪ್ರಾಯವಾದುಂಡ್.

ಮಲ್ಪೆ ಮೀನುಗಾರರ ಸಂಘದ 43ನೇವರ್ಷದ ಮಹಾಸಭೆ ಏಳೂರು ಮೊಗವೀರ ಭವನಡ್ ಜುಲೈ 12 ತಾರೀಕುಗ್ ನಡತುಂಡ್.ಈ ಸಭೆಟ್ ಮಲ್ಪೆ ಮೀನುಗಾರಿಕೆದ ಬಗ್ಗೆ ವಿಶೇಷ ಚರ್ಚೆ ನಡತುಂಡ್.ಮೀನುಗಾರಿಕೆದ ಅಭಿವೃದ್ಧಿಗ್ ಹೆಚ್ಚ ಒತ್ತು ಕೊರಂದೆ ಸರಕಾರ ಪ್ರವಾಸೋದ್ಯಮಗೇ ಜಾಸ್ತಿ ಒತ್ತು ಕೊರೊಂದುಪ್ಪುನವ್ ಬೇಜಾರು ದ ಸಂಗತಿ.ಇಂಚೆನೇ ದುಂಬರಿಯುಂಡ ಮಲ್ಪೆ ದ ಮೀನುಗಾರಿಕೆಗ್ ಮಲ್ಲ ಪೆಟ್ಟು ಬೂರುಂಡ್ ಪನ್ಪಿನ ವಿಚಾರ ನಡತುಂಡ್.ಮಲ್ಪೆ ಬಂದರು ಡ್ ಬೋಟುಲೆನ್ ಉಂತಾವರೆಗ್ ಜಾಗೆ ಉಪ್ಪಂದೆ ಉಂದೆನ್ ನಿಯಂತ್ರಣ ಮಲ್ಪರೆಗ್ ಪಡ್ಡಯಿ ಭಾಗ ಡ್  ಹೊರ ಬಂದರು ನಿರ್ಮಾಣ ಮಲ್ಪೊಡ್ ಪಂಡುದು ಕೆಲವ್ ವರ್ಷಡಿಂಚಿ ಬೇಡಿಕೆ ಇತ್ತುಂಡಲಾ ಸರಕಾರ ಆ ಜಾಗೆಡ್  ಪ್ರವಾಸೋದ್ಯಮ ಮಲ್ಪರೆಗ್ ಪಿದಾಡುದುಂಡ್ ಪನ್ಪಿನ ವಿಚಾರ ಬರೊಂದುಂಡ್.ಒಂಜಿ ವೇಳೆ ಹೊರಬಂದರು ಯೋಜನೆ ನಮಡ ಕೈ ಜಾರ್ದ್ ಪೋಂಡ ಉಗ್ರ ಹೋರಾಟ ಮಲ್ಪುವಾ ಪಂಡುದ್ ಸರಕಾರಗ್ ಮೀನುಗಾರೆರ್ ಎಚ್ಚರಿಕೆ ಕೊರ್ತೆರ್.
.