ತುಳುವ ಮಹಾಸಭೆ

*ತುಳುವ ಮಹಾಸಭೆ ಇಂಟರ್ನ್ಯಾಷನಲ್ ಅಂತರರಾಷ್ಟ್ರೀಯ ಅಧ್ಯಕ್ಷೆರಾದ್ ಸರ್ವೋತ್ತಮ ಶೆಟ್ಟಿ ಆಯ್ಕೆ*

*ಶತಮಾನೋತ್ಸವದ ತಡ್ಡೆಡ್ ತುಳುವ ನಾಗರಿಕತೆದ ವೈಭವನ್ ಕುಡೊರ ತಾಪನೆ   ಮಲ್ಪುನ ಮಹಾಸಂಕಲ್ಪ*

ಮಂಗಳೂರು, ಜೂನ್ 28: 1928ತ್ತ ಸೆಪ್ಟೆಂಬರ್ 23ಗ್ ಉಡುಪಿಡ್ ತಾಪನೆ ಆದ್ , 2028ಡ್ ಶತಮಾನೋತ್ಸವನ್  ಆಚರಣೆ ಮಲ್ಪರೆಗುಪ್ಪುನ ಐತಿಹಾಸಿಕ ತುಳುವ ಮಹಾಸಭೆತ್ತ ಜಾಗತಿಕ ಸಂಘಟನೆಯಾಯಿನ  ತುಳುವ ಮಹಾಸಭೆ ಇಂಟರ್ನ್ಯಾಷನಲ್ ಅಂತರರಾಷ್ಟ್ರೀಯ ಅಧ್ಯಕ್ಷೆರಾದ್ ಯುನೈಟೆಡ್ ಅರಬ್ ಎಮಿರೇಟ್ಸ್‌ನ ಹಿರಿಯ ಸಮಾಜಸೇವಕ, ಉದ್ಯಮಿ ಬೊಕ್ಕ ಅನಿವಾಸಿ ತುಳುವ ಸಮುದಾಯದ ಪ್ರಮುಖ ಸಂಘಟಕೆರಾಯಿನ ಸರ್ವೋತ್ತಮ ಶೆಟ್ಟಿ ಅರೆನ್ ಆಯ್ಕೆ ಮಲ್ದುಂಡ್.

ಉಡುಪಿ ಜಿಲ್ಲೆದ  ಪರೀಕ ಗ್ರಾಮದಾರಾಯಿನ  ಸರ್ವೋತ್ತಮ ಶೆಟ್ಟಿ ಮೇರು ಕರಿನ  48 ವರ್ಷಡಿಂಚಿ  ಯುನೈಟೆಡ್ ಅರಬ್ ಎಮಿರೇಟ್ಸ್‌ ಡ್  ಕನ್ನಡ ಬೊಕ್ಕ ತುಳು ಭಾಷೆ, ಕಲೆ ಬೊಕ್ಕ ಸಂಸ್ಕೃತಿದ  ಬುಲೆಚ್ಚಿಲ್ ಗಾದ್ ಅಪಾರ ಕೊಡುಗೆ ಕೊರ್ತೆರ್.. ಅಬುಧಾಬಿ ಕರ್ನಾಟಕ ಸಂಘ, ಯುಎಇ ಬಂಟ್ಸ್, ಯುಎಇ ತುಳು ಕೂಟ ಸೇರಿನಂಚ ಕೆಲವು ಸಂಘಟನೆದ  ತಾಪನೆ ಬೊಕ್ಕ ಬುಲೆಚ್ಚಿಲ್ ಗಾದ್ ಪ್ರಮುಖ ಪಾತ್ರ ದೆತೊಂದಿನ ಮೇರು, ಅನಿವಾಸಿ ತುಳುವೆರೆನ್  ಜಾಗತಿಕ ಮಟ್ಟಡ್ ಸಂಘಟಿಸಾವುನ ಕಾರ್ಯೊಡ್  ಮುಂಚೂಣಿಡುಲ್ಲೆರ್.

2016ಡ್  ಕಾಸರಗೋಡು ಜಿಲ್ಲೆದ  ಬದಿಯಡ್ಕಡ್  ಐನ್ ದಿನ ಕಾಲ ನಡತಿನ  ಐತಿಹಾಸಿಕ “ವಿಶ್ವ ತುಳುವೆರೆ ಆಯನೊ”ದ ಅಧ್ಯಕ್ಷೆರಾದ್  ಯಶಸ್ವಿ ನಾಯಕತ್ವ ವಹಿಸಿ, ವಿಶ್ವದಾದ್ಯಂತ ತುಳು ಭಾಷೆ, ಸಂಸ್ಕೃತಿ ಬೊಕ್ಕ ತುಳುವೆರೆನ  ಐಕ್ಯತೆಗ್ ಪೊಸ ದಿಕ್ಕು ತೋಜಾದೆರು. ಬೊಕ್ಕ 2018ಡ್  ದುಬೈಡ್  ನಡತಿನ ವಿಶ್ವ ತುಳು ಸಮ್ಮೇಳನದ ಅಧ್ಯಕ್ಷೆರಾದುಲಾ  ಕಾರ್ಯನಿರ್ವಹಣೆ ಮಲ್ತುದ್ಅನಿವಾಸಿ ತುಳುವೆರೆನ್ ಒಂಜೇ ವೇದಿಕೆಯಡಿಟ್ ಒಟ್ಟು ಮಲ್ಪರೆಗ್ ಮಹತ್ವದ ಪಾತ್ರ ವಹಿಸಾದೆರು.

ಸರ್ವೋತ್ತಮ ಶೆಟ್ಟಿ ಮೇರು ತುಳುವರ್ಲ್ಡ್ ಫೌಂಡೇಶನ್‌ ದ ನಿಕಟ ಪೂರ್ವ ಅಧ್ಯಕ್ಷೆರಾದುಲಾ ಸೇವೆಮಲ್ತುದ್ , ತುಳುವ ಮಹಾಸಭೆತ್ತ ಪುನಶ್ಚೇತನ, ಜಾಗತಿಕ ವಿಸ್ತರಣೆ ಬೊಕ್ಕ ತುಳು ಭಾಷೆ, ಸಂಸ್ಕೃತಿ ಬೊಕ್ಕ ಪರಂಪರೆದ ಸಂರಕ್ಷಣೆಗ್ ಮಹತ್ವದ ಕೊಡುಗೆ ಕೊರ್ತೆರ್.

ವಿದೇಶಡ್  ಕನ್ನಡ ಬೊಕ್ಕ ತುಳು ಭಾಷೆ, ಕಲೆ , ಸಂಸ್ಕೃತಿದ ಅಭಿವೃದ್ಧಿಗ್ ಸಲ್ಲಿಸಾಯಿನ  ಅಪೂರ್ವ ಸೇವೆಗಾದ್ ಕರ್ನಾಟಕ ಸರ್ಕಾರ ಅರೆಗ್ 1998ತ್ತ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ (ಹೊರನಾಡ ಕನ್ನಡಿಗ) ಕೊರ್ದು ಗೌರವಿಸಾದುಂಡ್. ಅತ್ತಾವಂದೆ ಆರ್ಯಭಟ ಅಂತರರಾಷ್ಟ್ರೀಯ ಪ್ರಶಸ್ತಿ, ಗ್ಲೋಬಲ್‌ಮ್ಯಾನ್ ಪ್ರಶಸ್ತಿ, ಮಯೂರ ವಿಶ್ವ ಕನ್ನಡಿಗ ಪ್ರಶಸ್ತಿ, ತುಳುವ ಪ್ರಶಸ್ತಿ, ಜೀವಮಾನ ಸಾಧನೆ ಪ್ರಶಸ್ತಿ, ಅನಿವಾಸಿ ತುಳುವ ಸಾಧಕ ಪ್ರಶಸ್ತಿ ಸೇರಿನಂಚ  ರಾಷ್ಟ್ರೀಯ ,ಅಂತರರಾಷ್ಟ್ರೀಯ ಪ್ರಶಸ್ತಿಲೆಗ್  ಆರ್  ಭಾಜನರಾತೆರ್..

ತುಳುವ ಮಹಾಸಭೆ 1928ರ ಸೆಪ್ಟೆಂಬರ್ 23ಗ್  ಎಸ್. ಯು. ಪಣಿಯಾಡಿ ನೇತೃತ್ವಡ್ ಉಡುಪಿಡ್ ಸ್ಥಾಪನೆಯಾಯಿನ ತುಳುನಾಡುದ ಐತಿಹಾಸಿಕ ಭಾಷಾ–ಸಾಂಸ್ಕೃತಿಕ ಚಳವಳಿಯಾದುಂಡ್. ಸಂಸ್ಥಾಪಕರ್ ಅಂಜಾರು ರಾಮಣ್ಣ ಹೆಗ್ಡೆ, ಎಸ್. ಯು. ಪಣಿಯಾಡಿ, ಡಾ. ಯು. ರಾಮಚಂದ್ರ ರಾವ್, ಹಿರಿಯಡ್ಕ ನಾರಾಯಣ ರಾವ್ ಬೊಕ್ಕ ಯು. ವೆಂಕಪ್ಪಯ್ಯ ಪ್ರಮುಖರಾದಿತ್ತೆರು. ಬೊಕ್ಕ ಪೊಳಲಿ ಶೀನಪ್ಪ ಹೆಗ್ಡೆ , ಬಡಕಬೈಲು ಪರಮೇಶ್ವರಯ್ಯ ನೇತೃತ್ವಡ್ ಮಹಾಸಭೆ ಕೆಲವು ದಶಕ ಕಾಲ ಸಕ್ರಿಯವಾದ್ ಕಾರ್ಯನಿರ್ವಹಿಸಾದ್ ತುಳು ಭಾಷೆ, ಸಾಹಿತ್ಯ, ಸಂಸ್ಕೃತಿ, ದೈವಾರಾಧನೆ, ಜಾನಪದ ಪರಂಪರೆ ಬೊಕ್ಕ ತುಳುವರ ಸ್ವಾಭಿಮಾನ ಒರಿಪಾದ್  ಬುಲೆಪಾವುನ ಮಹತ್ವದ ಬೇಲೆ ಮಲ್ದುಂಡ್.