*ಜುಲೈ 4ಗ್ ಉಡುಪಿ ತುಳುಕೂಟ ವತಿಡ್ದ್ ‘ಮದೆರೆಂಗಿದರಂಗ್’ ಕಾರ್ಯಕ್ರಮ.*
ಉಡುಪಿ: ತುಳು ಬದುಕುದ ಪೊಲಬು ಕೊರ್ಪಿನ ಉದ್ದೇಶಡಾದ್ ಉಡುಪಿ ತುಳುಕೂಟದ ಪ್ರಾಯೋಜಕತ್ವಡ್, ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಹಯೋಗದೊಟ್ಟುಗ್ ‘ಮದೆರೆಂಗಿದರಂಗ್’ ಕಾರ್ಯಕ್ರಮ ಉಂದುವೇ ಬರ್ಪಿನ ಜುಲೈ 4ತಾರೀಕುಗ್ ಉಡುಪಿ ಬಡಗಬೆಟ್ಟು ಸೊಸೈಟಿದ ಮಿತ್ತುಡುಪ್ಪುನ ಜಗನ್ನಾಥ ಸಭಾಭವನಡ್ ಮಧ್ಯಾಹ್ನ 2 ಗಂಟೆಡ್ದ್ ನಡಪರೆಗುಂಡ್.
ಕಾರ್ಯಕ್ರಮದ ಅಂಗವಾದ್ ಶಾಲೆ ಬೊಕ್ಕ ಕಾಲೇಜು ವಿದ್ಯಾರ್ಥಿಲೆಗ್ ಸಾಂಪ್ರದಾಯಿಕ ಪಂತೊಲೆನ್ ಆಯೋಜನೆ ಮಲ್ದುಂಡ್.
1ಡ್ದ್ 5ನೇ ಮುಟ್ಟ ಕಲ್ಪಾರ್ಥಿಲೆಗ್:
ಇರೆಟ್ ಪೀಂಪಿರಿ ಊದುನ ಪಂತೊ,
ಪೆಲತರಿತ ಚೂಲಿ ದೆಪ್ಪುನ ಪಂತೊ,
ಒಲಿಟು ಗೊಬ್ಬುನ ವಸ್ತು ತಯಾರ್ ಮಲ್ಪುನ ಪಂತೊ ನಡಪರೆಗುಂಡ್.
6ನೇಡ್ದ್ 10ನೇ ಮುಟ್ಟದ ಕಲ್ಪಾರ್ಥಿಲೆಗ್:
ಅಂಗೈಕ್ ಮದೆರೆಂಗಿ ದೀಪಿನ ಪಂತೊ,
ತುಳುನಾಡುದ ಬೇಲಿ ಪರುಂದ್ ಗುರ್ತ ಮಲ್ಪುನ ಪಂತೊ,
ಒಲಿಟು ಗೊಬ್ಬುನ ವಸ್ತು ತಯಾರ್ ಮಲ್ಪುನ ಪಂತೊ ನಡಪರೆಗುಂಡ್.
ಕಾಲೇಜು ಕಲ್ಪಾರ್ಥಿಲೆಗ್ :
ಅಂಗೈಕ್ ಮದೆರೆಂಗಿ ದೀಪಿನ ಪಂತೊ,
ಕೇಶಾಲಂಕಾರ ,
ಮುಂಡಾಸ್ ಕಟ್ಟುನ ಪಂತೊ,
ಪೂ ಕಟ್ಟುನ ಪಂತೊ ನಡಪರೆಗುಂಡ್.
ಅತ್ತಾವಂದೆ, ಮಾತಾ ವಿಭಾಗದ ಕಲ್ಪಾರ್ಥಿಲೆಗ್ ತುಳು ರಸಪ್ರಶ್ನೆ ಬೊಕ್ಕ ತುಳು ಲಿಪಿಟ್ ಬರೆಪಿನ ಪಂತೊಲಾ ನಡಪರೆಗುಂಡ್.
ಸ್ಪರ್ಧೆದ ನಿಯಮೊಲು: ಮದೆರೆಂಗಿ ಪಂತೊ ಸಾಂಪ್ರದಾಯಿಕ ರೀತಿಡ್ ನಡಪರೆಗಿತ್ತುದ್, ಕೋನ್ ಗಳಸರೆಗ್ ಅವಕಾಶ ಇಪ್ಪುಜಿ.. ಮದೆರೆಂಗಿ ತಪ್ಪು ಕಡೆದು ಕನವೊಡ್. ಕಡ್ಡಿಡ್ ಅಂಗೈಗ್ ಬುಡ್ಪಾವೊಡ್.. ಪೂ ಕಟ್ಟುನಕುಲು ಪೂ ಪಸೊಂದ್ ಬರೊಡ್.. ಪಂತೊಡ್ ಪಾಲ್ ಪಡೆಯುನಕುಲು ಮಧ್ಯಾಹ್ನ 2 ಗಂಟೆದುಲಾಯಿ ಬರೊಡ್..
ಹೆಚ್ಚಿಗೆ ಮಾಯಿತಿಗಾದ್ 9036483463 ಅತ್ತುಂಡ 8217687475 ಈ ನಂಬರುಗ್ ಸಂಪರ್ಕಮಲ್ಪೊಲಿ ಪಂಡುದು ತುಳುಕೂಟದ ಅಧ್ಯಕ್ಷೆರಾಯಿನ ಬಿ. ಜಯಕರ ಶೆಟ್ಟಿ ಇಂದ್ರಾಳಿ,ಕಾರ್ಯಂತೆರಾಯಿನ ಗಂಗಾಧರ್ ಕಿದಿಯೂರು ಬೊಕ್ಕ ಸಂಚಾಲಕೆರಾಯಿನ ಸುಕನ್ಯಾ ಶೇಖರ್ ಪ್ರಕಟಣೆಡ್ ತೆರಿಪಾದೆರ್..
by 