ಸಾಹಿತಿ ಪುಷ್ಪ ಪ್ರಸಾದ್

ಸಾಹಿತಿ ಪುಷ್ಪ ಪ್ರಸಾದ್ ಗ್  ನಾಡೋಜ ಡಾ. ಕಯ್ಯಾರ ಸದ್ಭಾವನಾ ರಾಷ್ಟ್ರೀಯ ಪ್ರಶಸ್ತಿ

ಉಡುಪಿ, ಜು. 23: ಉಡುಪಿದ  ಖ್ಯಾತ ಸಾಹಿತಿ ಶ್ರೀಮತಿ ಪುಷ್ಪ ಪ್ರಸಾದ್ ಮೇರು ಪ್ರತಿಷ್ಠಿತ ನಾಡೋಜ ಡಾ. ಕಯ್ಯಾರ ಸದ್ಭಾವನಾ ರಾಷ್ಟ್ರೀಯ ಪ್ರಶಸ್ತಿಗ್ ಆಯ್ಕೆಯಾತೆರ್.. ಪ್ರಶಸ್ತಿ ಪ್ರದಾನ ಸಮಾರಂಭ ಜುಲೈ 26ಗ್  ಕಾಸರಗೋಡುದ  ಕನ್ನಡ ಭವನಡ್  ನಡಪರೆಗುಂಡ್.

ಮೂಲತಃ ಮಡಿಕೇರಿದಾರಾಯಿನ  ಪುಷ್ಪ ಪ್ರಸಾದ್ ಮೇರು ಕನ್ನಡ ಬೊಕ್ಕ ಸಮಾಜಶಾಸ್ತ್ರ ವಿಷಯಡ್ ಸ್ನಾತಕೋತ್ತರ ಪದವಿ ಪಡೆದಿತ್ತುದ್ , ಪ್ರಸ್ತುತ ಉಡುಪಿದ ನ್ಯಾಯಾಲಯ ಇಲಾಖೆಡ್  ಶೀಘ್ರಲಿಪಿಗಾರೆರಾದ್ ಸೇವೆ ಸಲ್ಲಿಸಾವೊಂದುಲ್ಲೆರ್.. ವೃತ್ತಿದೊಟ್ಟುಗ್  ಸಾಹಿತ್ಯ ಸೇವೆನ್  ತನ್ನ ಜೀವನದ ಅವಿಭಾಜ್ಯ ಅಂಗ ಮಲ್ತೊಂದಿನ ಆರು,ಕೆಲವಾರು ಸಾಹಿತ್ಯ ಬೊಕ್ಕ ಸಾಮಾಜಿಕ ಸಂಘಟನೆಲೆಡ್ ಸಕ್ರಿಯವಾದ್  ತೊಡಗಿಸಾವೊಂದೆರ್.

ಪ್ರಸ್ತುತ ಆರು ಉಡುಪಿ ಜಿಲ್ಲಾ ಬರಹಗಾರರ ಸಂಘದ ಜಿಲ್ಲಾಧ್ಯಕ್ಷೆ, ಆಮಂತ್ರಣ ಉಡುಪಿ ಜಿಲ್ಲಾಧ್ಯಕ್ಷೆ ಬೊಕ್ಕ ಉಡುಪಿ ಜಿಲ್ಲಾ ಸಿರಿಗನ್ನಡ ಮಹಿಳಾ ವೇದಿಕೆದ  ಜಿಲ್ಲಾಧ್ಯಕ್ಷೆಯಾದ್ ಕಾರ್ಯನಿರ್ವಹಿಸಾವೊಂದುಲ್ಲೆರ್.

ಅರೆನ  ಸಾಹಿತ್ಯ ಕೃತಿಕುಲೆಗ್  ‘ಒಸಗೆದ  ಎಸಳು’, ‘ಭಾವ ನೈವೇದ್ಯ’, ‘ಹೆಜ್ಜೆ ತಾಳದ ಗೆಜ್ಜೆ ಘಲಿರು’, ‘ನಕ್ಷತ್ರ ಪುಂಜ’, ‘ಪುಟಾಣಿ ಸ್ವರ್ಗ’, ‘ಸೃಷ್ಟಿಯ ತೋರಣ’, ‘ಗುಡಿಗಾರ’, ‘ದಿವ್ಯಾಕ್ಷರಿ’  ‘ಸುಖ ಧರೆ’ ಪ್ರಮುಖವಾದಿತ್ತುದ್ , ಕವನ, ಲೇಖನ, ನೀತಿಕಥೆ , ನ್ಯಾನೋ ಕಥೆತ  ಮೂಲಕ ಸಾಹಿತ್ಯ ಕ್ಷೇತ್ರಗ್  ವಿಶಿಷ್ಟ ಕೊಡುಗೆ ಕೊರ್ತೆರ್. ಅರೆನ ಬರವುಲು ಅನೇಕ ಪತ್ರಿಕೆಲು ಬೊಕ್ಕ  ನಿಯತಕಾಲಿಕೆಡ್  ಪ್ರಕಟ ಆತುಂಡ್.

ಅತ್ತಾವಂದೆ, ಆರು ಪ್ರತಿಲಿಪಿ ವೇದಿಕೆದ  ಸಕ್ರಿಯ ಸಾಹಿತಿಯಾದಿತ್ತುದ್ , ರಾಜ್ಯ ಬೊಕ್ಕ ರಾಷ್ಟ್ರಮಟ್ಟದ ಅನೇಕ ಪ್ರಶಸ್ತಿ, ಪುರಸ್ಕಾರೊಲು  ಬೊಕ್ಕ ಗೌರವಲೆಗ್  ಭಾಜನರಾತೆರ್.. ಫೇಸ್‌ಬುಕ್ ಮೂಲಕ ನಡಪುನ ಇಂಟರ್‌ನ್ಯಾಷನಲ್ ವುಮೆನ್ ಐಕಾನ್ ಪ್ರಶಸ್ತಿನ್ ಲಾ  ಪಡೆದೆರ್. ಅರೆನ ‘ಯಕ್ಷಲೋಕ’ ಕವನ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ನ ಡ್ ದಾಖಲಾದಿಪ್ಪುನ ವಿಶೇಷ.

ಕೆಲವಾರು ಸಾಹಿತ್ಯ ಗೋಷ್ಠಿಲೆಡ್  ಅಧ್ಯಕ್ಷತೆ ವಹಿಸಾದ್ ಉಪನ್ಯಾಸಕಿ ಬೊಕ್ಕ ನಿರೂಪಕಿಯಾದ್ ಸೇವೆ ಸಲ್ಲಿಸಾದಿನ ಪುಷ್ಪ ಪ್ರಸಾದ್ ಅರೆಗ್  ತಿಕ್ಕುದಿನ ನಾಡೋಜ ಡಾ. ಕಯ್ಯಾರ ಸದ್ಭಾವನಾ ರಾಷ್ಟ್ರೀಯ ಪ್ರಶಸ್ತಿ ಉಡುಪಿ ಜಿಲ್ಲೆದ ಸಾಹಿತ್ಯ ವಲಯಗ್ ಕುಡೊಂಜಿ  ಪೆರ್ಮೆದ  ಗರಿ..