ಮಲ್ಪೆಡ್ ಪೊಸತದ್ ನಿರ್ಮಾಣ ಆಯಿನ ಶ್ರೀ ವೀರಮಾರುತಿ ವ್ಯಾಯಾಮ ಶಾಲೆ & ಯೋಗ ಕೇಂದ್ರದ ಪೊಸ ಕಟ್ಟಡದ ಉದಿಪನ ಕಜ್ಜೊ ಬೊಕ್ಕ ವೀರಮಾರುತಿ ದೇವೆರೆನ ಪುನರ್ ಪ್ರತಿಷ್ಠೆ ಜೂ.1 ತಾರೀಕುದಾನಿ ನಡಪರೆಗುಂಡ್.
ಆ ಪ್ರಯುಕ್ತ ಮೇ31 ತಾರೀಕುದಾನಿ ಧಾರ್ಮಿಕ ವಿಧಿವಿಧಾನೊಲು ವಾಸ್ತು ಹೋಮ ನಾಡಪರೆಗುಂಡ್.
ಜೂ 1 ತಾರೀಕುದಾನಿ ಕಾಂಡೆ ಅಧಿವಾಸ ಪೂಜೆ,ಪ್ರತಿಷ್ಠಾ ಹೋಮ ನಡತ್ತುದ್,9.30 ಗಂಟೆಗ್ ಶ್ರೀ ದೇವೆರೆಗ್ ಬಿಂಬ ಪ್ರತಿಷ್ಠೆ,ಬ್ರಹ್ಮಕಲಶಾಧಿವಾಸ ಪೂಜೆ,ಮಹಾಪೂಜೆ,ಪಲ್ಲಪೂಜೆ ನಡತ್ತುದ್ ಮಧ್ಯಾಹ್ನ ಸಾರ್ವಜನಿಕ ಅನ್ನಸಂತರ್ಪಣೆ ನಡಪರೆಗುಂಡ್..ಈ ಪೊರ್ತುಡ್ ಮಲ್ಪೆ ಅಯ್ಯಪ್ಪ ಭಜನಾ ಮಂಡಳಿದಕ್ಲೆನ ಭಜನಾ ಸೇವೆ ನಡಪುಂಡ್..
ಮಧ್ಯಾಹ್ನ 11.30 ಗಂಟೆಗ್ ಶ್ರೀ ವೀರಮಾರುತಿ ದೇವೆರೆನ ಪೊಸ ಗುಡಿಕ್ ಮಾಣಿಲ ಶ್ರೀ ಮಹಾಲಕ್ಷ್ಮೀ ಕ್ಷೇತ್ರ ಶ್ರೀ ಧಾಮದ ಶ್ರೀ ಶ್ರೀ ಮೋಹನದಾಸ ಪರಮಹಂಸ ಸ್ವಾಮೀಜಿ ಉದಿಪನ ಮಲ್ತುದ್ ಆಶೀರ್ವಚನ ಮಲ್ಪರೆಗುಲ್ಲೆರ್.
ಪೊಸತಾಯಿನ ಯೋಗಕೇಂದ್ರೊನ್ ಉಡುಪಿದ ಶಾಸಕೆರಾಯಿನ ಶ್ರೀ. ಕೆ.ರಘುಪತಿ ಭಟ್ ಉದಿಪನ ಮಲ್ಪುವೆರ್.ಪೊಸತಾಯಿನ ವ್ಯಾಯಾಮ ಶಾಲೆನ್ ಕೋಟ ಶ್ರೀ ಅಮ್ರತೇಶ್ವರಿ ಹಲವು ಮಕ್ಕಳ ತಾಯಿ ದೇವಸ್ಥಾನದ ಮುಕ್ತೇಸರೆರಾಯಿನ ಆನಂದ ಸಿ.ಕುಂದರ್ ಉದಿಪನ ಮಲ್ಪರೆಗುಲ್ಲೆರ್.
ಸಭಾಕಜ್ಜೊಡ್ ಕಾರ್ತಿಕ್ ಗ್ರೂಪ್ ಮಲ್ಪೆದ ಆಡಳಿತ ಪಾಲುದಾರೆರಾಯಿನ ಹರಿಯಪ್ಪ ಕೋಟ್ಯಾನ್ ಅಧ್ಯಕ್ಷತೆಡಿಪ್ಪುವೆರ್.ಮಲ್ಲ ಬಿನ್ನೆರಾದ್ ದ.ಕ.ಬೊಕ್ಕ ಉಡುಪಿ ಜಿಲ್ಲಾ ಮೀನು ಮಾರಾಟ ಫೆಡರೇಶನ್ ದ ಅಧ್ಯಕ್ಷೆರಾಯಿನ ಯಶ್ ಪಾಲ್ ಸುವರ್ಣ,ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರಾಯಿ ಸಾಧು ಸಾಲ್ಯಾನ್,ಮಲ್ಪೆದ ಮತ್ಸ್ಯೋದ್ಯಮಿ ಆನಂದ ಪಿ.ಸುವರ್ಣ, ಸದಾನಂದ ಸಾಲ್ಯಾನ್,ಮಲ್ಪೆ ಮಹಾಲಕ್ಷ್ಮಿ ಹೋಟೆಲ್ ದ ಮಾಲಕೆರಾಯಿನ ಶ್ರೀ ಕುಮಾರ್ ಮಲ್ಲ ಬಿನ್ನೆರಾದುಪ್ಪುವೆರ್.
ವ್ಯಾಯಾಮ ಶಾಲೆದ ಗೌರವಾಧ್ಯಕ್ಷೆರಾಯಿನ ಶ್ರೀ ಸುಧಾಕರ ಜೆ.ಕೋಟ್ಯಾನ್,ಬೊಕ್ಕ ಅಧ್ಯಕ್ಷೆರಾಯಿನ ಶ್ರೀ ಚಂದ್ರಹಾಸ ಬಂಗೇರ ಗೌರವ ಉಪಸ್ಥಿತರಿಪ್ಪುವೆರ್.
by 