ಉಡುಪಿಡ್ ಪೇಜಾವರಶ್ರೀ ಕ್ಲೆಗ್ ಗುರುವಂದನೆ ಪೂರ್ವ ಭಾವಿ ಸಭೆ.

ಉಡುಪಿಡ್ ಗುರುವಂದನ ಪೂರ್ವಭಾವಿ ಸಭೆ

ಅಯೋಧ್ಯೆ ರಾಮಂಮದಿರ ಟ್ರಸ್ಟ್ ದ ವಿಶ್ವಸ್ಥೆರಾದ್ ಇಡೀ ಉಡುಪಿಗೇ ಪೆರ್ಮೆ ಕನದಿನ ಶ್ರೀ ಪೇಜಾವರ ಮಠಾಧೀಶೆರಾಯಿನ ಶ್ರೀ ಶ್ರೀ ವಿಶ್ವಪ್ರಸನ್ನ ತೀರ್ಥ ಶ್ರೀಪಾದೆರೆಗ್ ಇತ್ತೆ ಸಾರ್ಥಕ ಜೀವನದ 60 ರ ಸಂಭ್ರಮ . ತಮ್ಮ ಗುರುಕುಲಾಯಿನ ಕೀರ್ತಿಶೇಷ ಶ್ರೀ ವಿಶ್ವೇಶತೀರ್ಥ ಶ್ರೀಪಾದರ ಅನ್ವರ್ಥ ಶಿಷ್ಯೆರಾದ್ ಆರು ಪಾಡ್ದ್ ಕೊರಿನ ಮಾರ್ಗಡೇ ಪಜ್ಜೆ ಪಾಡೊಂದ್ ಗೋಸೇವೆ , ವೇದಶಾಸ್ತ್ರಾಧ್ಯಯನ ಅಧ್ಯಾಪನ , ಶಿಕ್ಷಣ ಆರೋಗ್ಯ ದೀನಜನ ಶುಶ್ರೂಷೆ , ಧರ್ಮರಕ್ಷಣೆ ಇಂಚ ಬಹುಮುಖಿ ಕಾರ್ಯ ಚಟುವಟಿಕೆಲೆನ್ ಯಶಸ್ವಿಯಾದ್‌ ಮಲ್ತುದ್ , ನಿರಂತರ ದೇಶ ಸಂಚಾರದ ಮೂಲಕ ಜನಕ್ಲೆಡ ರಾಮಭಕ್ತಿ ದೇಶಭಕ್ತಿದ ಜಾಗೃತಿ ಮೂಡಿಸಾವೊಂದುಪ್ಪುನ ಶ್ರೀಪಾದೆರೆನ ಷಷ್ಠ್ಯಬ್ದಿ ಮಹೋತ್ಸವದ ಪ್ರಯುಕ್ತ ಅರೆನ್ ಅಭಿವಂದನೆ ಮಲ್ಪುಸವ್ ಕೇವಲ ಅರೆನ ಶಿಷ್ಯೆರು ಭಕ್ತೆರು ಅಭಿಮಾನಿಲೆಗ್ ಮಾತ್ರ ಅತ್ತಾವಂದೆ ಉಡುಪಿದ ಜನತೆಗೇ ಒದಗಿನ ಒಂಜಿ ಭಾಗ್ಯ. ಈ ಕಾರ್ಯಕ್ರಮನ್ ಜಿಲ್ಲೆದ ಸಮಸ್ತ ನಾಗರಿಕೆರೆನ ಸಹಕಾರ ಸಹಯೋಗನ್ ಪಡೆತುದ್ ವೈಭವ & ಅರ್ಥಪೂರ್ಣವಾದ್ ಆಚರಿಸಾವರೆಗ್ ಸಂಕಲ್ಪ ಮಲ್ದುಂಡ್. ಈ ಉದ್ದೇಶಕ್ಕಾದ್ ನವಂಬರ್ 18 ಶನಿವಾರ 5.30 ಕ್ ಉಡುಪಿ ಅಜ್ಜರಕಾಡುದ ಶ್ರೀ ಗೋವಿಂದ ಕಲ್ಯಾಣ ಮಂಟಪಡ್ ಪೂರ್ವಭಾವಿ ಸಮಾಲೋಚನಾ ಸಭೆನ್ ಲೇದೆರ್ .ಇಂದೆಕ್ ಶ್ರೀ ಪೇಜಾವರ ಮಠದ , ಶ್ರೀಕ್ಲೆನ ಅಭಿಮಾನಿಲು , ಭಕ್ತೆರು , ವಿದ್ವಾಂಸೆರು , ದೇವಸ್ಥಾನದ ಧರ್ಮದರ್ಶಿಲು , ಜನಪ್ರತಿನಿಧಿಕುಲು , ರಾಜಕೀಯ ಪಕ್ಷದ ಮುಖಂಡೆರು , ಉದ್ಯಮಿಲು , ಭಜನಾ ಮಂಡಳಿ , ಹಿಂದು ಸಂಘಟನೆಲು , ಸಮಾಜ ಸೇವಾ ಸಂಸ್ಥೆಲು , ಜಾತಿ ಸಮುದಾಯದ ಪ್ರತಿನಿಧಿಲು ಬೊಕ್ಕ ಸಮಾನ‌ಮನಸ್ಕೆರು ಪಾಲ್ ಪಡೆದ್ ಸಲಹೆ ಸೂಚನೆ ಕೊರ್ದು ಕಾರ್ಯಕ್ರಮನ್ ಯಶಸ್ವಿ ಮಲ್ಪೊಡುಂದ್ ಉಡುಪಿ ಶಾಸಕ ಯಶ್ಪಾಲ್ ಎ ಸುವರ್ಣ ವಿನಂತಿ ಮಲ್ದೆರ್..