ಕೆವಿಜಿ ಆಯುರ್ವೇದ ಆಸ್ಪತ್ರೆಡ್ ಆಟಿ

*ಕೆ.ವಿ.ಜಿ ಆಯುರ್ವೇದ ಆಸ್ಪತ್ರೆಡ್  ಆಟಿ (ಕರ್ಕಾಟಕ) ಚಿಕಿತ್ಸೆ.*

ಆಯುರ್ವೇದದ ಪ್ರಕಾರ ಮರಿಯಾಲಡ್ ದೇಹದ ಅಸಮತೋಲನ (ವಾತ, ಪಿತ್ತ, ಹಾಗೂ ಕಫ ದೋಷಗಳು) ಆಪಿನ ಸಂಭವನೇ ಜಾಸ್ತಿ..ಉಂದೆಕ್ ಪರಿಹಾರವಾದ್ ಆಟಿ ತಿಂಗೊಲ್ದ  ಚಿಕಿತ್ಸೆ ದೇಹನ್  ಶುದ್ದ ಮಲ್ತುದ್ , ರೋಗನಿರೋಧಕ ಶಕ್ತಿನ್  ಜಾಸ್ತಿ ಮಲ್ತುದ್ ಅರೋಗ್ಯನ್ ವೃದ್ಧಿ ಮಲ್ಪರೆಗ್ ನೆರವಾಪುಂಡ್.

ಈ ನಿಟ್ಟುಡ್ ಸುಳ್ಯದ ಕೆ.ವಿ.ಜಿ ಆಯುರ್ವೇದ ಮೆಡಿಕಲ್ ಕಾಲೇಜ್ ಬೊಕ್ಕ ಆಸ್ಪತ್ರೆ  ಕರಿನ ಕೆಲವ್  ವರ್ಷಡಿಂಚಿ  ಆಸ್ಪತ್ರೆಡ್ “ಕರ್ಕಾಟಕ (ಆಟಿ) ಚಿಕಿತ್ಸೆ” ನ್  ಮಲ್ತೊಂದ್  ಬರೊಂದಿತ್ತುದ್ , ಲಕ್ಷಾಂತರ ಜನಕುಲು ನೆತ್ತ ಪ್ರಯೋಜನ ಪಡೆತೊಂದೆರ್..

ಅಂಚೆನೇ  ಈ ವರ್ಷಲಾ  ಆಸ್ಪತ್ರೆಡ್ ವಿಶೇಷವಾಯಿನ “ಕರ್ಕಾಟಕ ಚಿಕಿತ್ಸೆ”  ಆಗಸ್ಟ್ 15, 2026 ಮುಟ್ಟ  ನಡಪರೆಗುಂಡ್..
ಈ ಚಿಕಿತ್ಸಾ ಪ್ಯಾಕೇಜ್ ಡ್ ತೈಲ ಮಸಾಜ್, ಕಿಝಿ, ಸ್ಟೀಮ್ ಬಾತ್, ಧಾರಾ, ಲೇಪನ ಸೇರಿನಂಚ ಆಯುರ್ವೇದದ ಬೇತೆ ಬೇತೆ ಚಿಕಿತ್ಸೆ ಲಭ್ಯವುಂಡ್..

ಈ ಚಿಕಿತ್ಸೆಡಾದ್  ರೋಗನಿರೋಧಕ ಶಕ್ತಿ ವೃದ್ಧಿ, ಇಂದ್ರಿಯದ  ಪೋಷಣೆ, ತ್ರಿದೋಷ ಸಮತೋಲನ, ದೇಹ ಶುದ್ದೀಕರಣ ಇಂಚಿನ  ಪ್ರಯೋಜನಲೆನ್  ಪಡೆತೊನೊಲಿ.. ಮರಿಯಾಲಡ್ ಆಪಿನ ಶೀತ, ಕಫ, ಸಂಧಿವಾತ, ಸ್ನಾಯುನೋವು, ಅಜೀರ್ಣ, ಆಯಾಸ  ಸಮಸ್ಯೆಲು ಹೆಚ್ಚಾಪಿನ ಹಿನ್ನಲೆಡ್ ಆಯುರ್ವೇದದ ಮೂಲಕ ದೇಹನ್ ಬಲಪಡಿಸಾವರೆಗ್ ಬೊಕ್ಕ ಆರೋಗ್ಯಕರ ಜೀವನಶೈಲಿನ್  ಅಳವಡಿಸಾವರೆಗ್ ಈ ಚಿಕಿತ್ಸಾ ಕಾರ್ಯಕ್ರಮ ಸಹಕರಿಯಾಪುಂಡ್ ಬೊಕ್ಕ ಉಂದೆತ  ಪ್ರಯೋಜನನ್ ಮಾತೆರ್ಲ  ಸದ್ಭಳಕೆ ಮಲ್ತೊನೊಡ್ ಪಂಡುದು ಕೆ.ವಿ.ಜಿ ಆಯುರ್ವೇದ ಕಾಲೇಜು ಬೊಕ್ಕ ಆಸ್ಪತ್ರೆದ ಪ್ರಾಂಶುಪಾಲೆರಾಯಿನ ಡಾ. ಲೀಲಾಧರ್ ಡಿ.ವಿ. ಮೇರು ತೆರಿಪಾದೆರ್..