ಶೈಕ್ಷಣಿಕ ಸಬಲೀಕರಣಗಾದ್ ಡಾ.ಬಾಲಕೃಷ್ಣ ಮದ್ದೋಡಿಗ್ ಮಾನಾದಿಗೆ..

ಶೈಕ್ಷಣಿಕ ಸಬಲೀಕರಣಗಾದ್ ಎಂಐಟಿದ ಡಾ.ಬಾಲಕೃಷ್ಣ ಮದ್ದೋಡಿಿ ಮೆರೆನ್ ಉಡುಪಿ ಜಿಲ್ಲಾ ಪದವಿ ಪೂರ್ವ ಕಾಲೇಜು ಪ್ರಾಂಶುಪಾಲೆರೆನ ಸಂಘ ಮಾನಾದಿಗೆ ಮಲ್ತುಂಡ್.

ಅಸಂಖ್ಯಾತ ವಿದ್ಯಾರ್ಥಿಲೆನ CET NEET ಸ್ಪರ್ಧಾತ್ಮಕ ಪರೀಕ್ಷೆಲೆನ ಯಶಸ್ಸುದ ಸಾದಿನ್ ಬುಲೆಪಾಯಿನ ಅಸಾಧಾರಣ ಉಪಕ್ರಮನ್ ಗುರುತಿಸಾವರೆಗ್ ಸ್ಥಳೀಯ ಉಡುಪಿ ಜಿಲ್ಲಾ ಪದವಿ ಪೂರ್ವ ಕಾಲೇಜು ವಿದ್ಯಾರ್ಥಿಲೆನ್ CET ಬೊಕ್ಕ NEET ನಂಚಿನ ಸ್ಪರ್ಧಾತ್ಮಕ ಪರೀಕ್ಷೆಲೆಗ್ ಸಶಕ್ತಗೊಳಿಸಾವರೆಗ್, ಧರ್ಮಾರ್ಥ ಕೋಚಿಂಗ್ ಉಪಕ್ರಮನ್ MIT, ಮಣಿಪಾಲ ಮಾಹೆ ಬೊಕ್ಕ ಉಡುಪಿ ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತ್ ಉಡುಪಿ , ಉಪ ನಿರ್ದೇಶಕೆರು ಸಾರ್ವಜನಿಕ ಶಿಕ್ಷಣ ಇಲಾಖೆ ಉಡುಪಿ ಜಿಲ್ಲೆದ ಸಹಯೋಗದೊಟ್ಟುಗ್ ಯಶಸ್ವಿಯಾದ್ ಪೂರ್ಣ ಆತುಂಡ್.

ಸಹ ಪ್ರಾಧ್ಯಾಪಕರಾಯಿನ ಡಾ. ಬಾಲಕೃಷ್ಣ ಮದ್ದೋಡಿ ಅರೆನ ಮಾರ್ಗದರ್ಶನಡ್ ಪೊಸ ಶೈಕ್ಷಣಿಕ ವರ್ಷಡ್ 2022-23 ಟ್ ಅದ್ಭುತವಾಯಿನ ಪ್ರಯಾಣ ಸುರು ಮಲ್ದುಂಡ್, ಅವ್ ಯಶಸ್ವಿಯಾದ್ ಮುಗಿದುಂಡ್. ಉಡುಪಿ ಜಿಲ್ಲಾ ಪದವಿ ಪೂರ್ವ ಕಾಲೇಜು ಉಪನ್ಯಾಸಕೆರು ಈ ತರಬೇತಿ ಕಾರ್ಯಕ್ರಮಡ್ ಪಾಲ್ ಪಡೆದಿತ್ತೆರ್.

ಸುರುತ್ತ ಯಶಸ್ವಿ ತರಬೇತಿ ಕಾರ್ಯಕ್ರಮ ಪ್ರಯತ್ನೊನ್ ಶ್ಲಾಘನೆ ಮಲ್ತಿನ ಉಡುಪಿ ಜಿಲ್ಲಾ ಪದವಿ ಪೂರ್ವ ಕಾಲೇಜು ಪ್ರಾಂಶುಪಾಲೆರೆನ ಸಂಘ ಎಂಐಟಿದ ಪ್ರಾಧ್ಯಾಪಕ ಡಾ.ಬಾಲಕೃಷ್ಣ ಮದ್ದೋಡಿ ಅರೆನ್ ಪೆರ್ಮೆಡ್ ಮಾನಾದಿಗೆ ಮಲ್ತುಂಡ್. ಈ ಉಪಕ್ರಮ ಸಮುದಾಯ ಬೊಕ್ಕ ಶಿಕ್ಷಣದ ಮನೋಭಾವದೊಟ್ಟುಗ್ ಅನುರಣಿಸಾವುಂಡ್. ಸಿಇಟಿ ಬೊಕ್ಕ ನೀಟ್‌ನಂಚಿನ ಸ್ಪರ್ಧಾತ್ಮಕ ಪರೀಕ್ಷೆಲೆಗ್ ತಯಾರಿ ಮಲ್ಪರೆಗ್ ಪ್ರಾದೇಶಿಕ ಶಾಲೆದ ವಿದ್ಯಾರ್ಥಿಲು ಎದುರಿಸಾವೊಂದುಪ್ಪುನ ಸವಾಲುಲೆನ್ ಗುರುತಿಸಾದ್ , ಈ ಉಪಕ್ರಮ ಭರವಸೆದ ಬೊಲ್ಪುನ್ ಒದಗಿಸಾದುಂಡ್. ತಂಕುಲೆನ ಪರಿಣತಿ, ಮಾರ್ಗದರ್ಶನ ಬೊಕ್ಕ ಅಚಲ ಬೆಂಬಲದ ಮೂಲಕ ಈ ಸಮರ್ಪಿತ ಶಿಕ್ಷಣತಜ್ಞೆರು ಮಹತ್ವಾಕಾಂಕ್ಷಿ ಯುವ ಮನಸ್ಸುಲೆನ ಕನಸುಲೆನ್ ರೂಪಿಸಾವರೆಗ್ ಸಹಾಯ ಹಸ್ತ ಕೊರ್ತೆರ್ ಪಂಡುದು ಅಭಿಪ್ರಾಯ ವ್ಯಕ್ತಪಡಿಸಾಯೆರು.