ರೋಟರಿ ಉಡುಪಿದ ವತಿಡ್ದ್ ಗ್ಲೋಬಲ್ ಗ್ರ್ಯಾಂಟ್ ಯೋಜನೆದಡಿಟ್ ಕಡಿಯಾಳಿ ಶಾಲೆಗ್ ಹ್ಯಾಪಿ ಸ್ಕೂಲ್ ಪ್ರೊಜೆಕ್ಟ್ ಹಸ್ತಾಂತರ..

ರೋಟರಿ ಉಡುಪಿದ ವತಿಡ್ದ್ ಗ್ಲೋಬಲ್ ಗ್ರ್ಯಾಂಟ್ ಯೋಜನೆದಡಿಟ್ ಕಡಿಯಾಳಿ ಶಾಲೆಗ್ ಹ್ಯಾಪಿ ಸ್ಕೂಲ್ ಪ್ರೊಜೆಕ್ಟ್ ಹಸ್ತಾಂತರ

ಇಡೀ ವಿಶ್ವೊಡೇ ಶಾಂತಿ ಬೊಕ್ಕ ಸದ್ಭಾವನೆದ ನಿರ್ಮಾಣ ಬೊಕ್ಕ ಸಮುದಾಯಗ್ ಮಾನವೀಯ ಸೇವೆನ್ ಒದಗಿಸಾವುನ ಒಂಜಿ ಅಂತಾರಾಷ್ಟ್ರೀಯ ಸ್ವಯಂಸೇವಾ ಸಂಘಟನೆ ‘ರೋಟರಿ’. ಸಾರ್ಥಕ 118 ವರ್ಷಡಿಂಚಿ ಜಗತ್ತುದ ಪ್ರತಿಯೊಂಜಿ ಬಾಲೆಲಾ ಆಹಾರ, ಆರೋಗ್ಯ, ಶುದ್ಧ ಪರ್ಪಿನ ನೀರು, ಶಿಕ್ಷಣ ಬೊಕ್ಕ ಆರ್ಥಿಕ ಸಬಲತೆಡಾದ್ ವಂಚಿತರಾವರೆಗ್ ಬಲ್ಲಿ ಪನ್ಪಿನ ನಿಲೆಟ್ ರೋಟರಿ ಮಾನವೀಯ ಕಳಕಳಿ ದೀಯೊಂದ್ ನಿಸ್ವಾರ್ಥ ಸೇವೆ ಸಲ್ಲಿಸಾವೊಂದುಂಡ್. ವಿಶ್ವದಾದ್ಯಂತ ಶಾಂತಿ, ಸಮಾನತೆ ಬೊಕ್ಕ ಸಾಮರಸ್ಯ & ಆರ್ಥಿಕ ಸಮತೋಲನದ ಸದೃಢ ಸಮಾಜ ನಿರ್ಮಾಣನೇ ರೋಟರಿದ ಗುರಿ..

ರೋಟರಿ ಪ್ರತಿಷ್ಠಾನ (The Rotary Foundation): ಆನಿ ರೋಟರಿ ಅಂತಾರಾಷ್ಟ್ರೀಯ  ಅಧ್ಯಕ್ಷರಾದಿತ್ತಿನ ಆರ್ಚ್ ಸಿ. ಕ್ಲಂಪ್‌ರವರ ಮನದಾಳಡ್ ಪುಟ್ಟಿನ ದೂರಗಾಮಿ ದೃಷ್ಟಿಕೋನದ ಅದ್ಭುತ ಸಂಕಲ್ಪದ ಫಲನೇ ರೋಟರಿ ಪ್ರತಿಷ್ಠಾನ. ಕರಿನ ನೂದು ವರ್ಷಡಿಂಚಿ ಪ್ರತಿಷ್ಠಾನ 3 ಬಿಲಿಯನ್ ಡಾಲರ್‌ಗುಲಾ ಜಾಸ್ತಿ ಪಣವುನ್ ಜಗತ್ತುದಾದ್ಯಂತ ಬೇತೆ ಬೇತೆ ಜನಜೀವನ ಪರಿವರ್ತನೆದ ಶಾಶ್ವತ ಯೋಜನೆಲೆಗಾದ್ ಖರ್ಚಿ ಮಲ್ದುಂಡ್. ರೋಟರಿ ಫೌಂಡೇಶನ್  ನ ಮುಖೇನ ಮಿಲಿಯಾಂತರ ಕೋಟಿ ಡಾಲರ್ ಪಣವುನ್ ಖರ್ಚಿ ಮಲ್ತುದ್ ಮನುಕುಲದ ಮಾರಕ ರೋಗವಾಯಿನ ಪೋಲಿಯೋನ್ ಜಗತ್ತುಡೇ ನಿರ್ಮೂಲನ ಮಲ್ತುದ್ ವಿಶ್ವನ್ ಪೋಲಿಯೋ ಮುಕ್ತ ಮಲ್ಪರೆಗ್ ರೋಟರಿದ ಸಾಧನೆ ಜಾಗತಿಕ ಮನ್ನಣೆಗ್ ಪಾತ್ರ ಆತುಂಡ್

ಪ್ರತೀ ವರ್ಷ ಒಟ್ಟು 70 ಮಿಲಿಯನ್ ಡಾಲರ್ ಮೊತ್ತದ ಸರಾಸರಿ 1100 ಜಾಗತಿಕ ಅನುದಾನೊನ್ ಬಿಡುಗಡೆ ಮಲ್ಪುಂಡ್. ರೋಟರಿ ಪ್ರತಿಷ್ಠಾನ (ದಿ ರೋಟರಿ ಫೌಂಡೇಶನ್) ವಿಶ್ವದ ಕೆಲವೇ ಕೆಲವು ಬೃಹತ್ & ಪ್ರತಿಷ್ಟಿತ ಪ್ರತಿಷ್ಠಾನಲೆಡ್ ರಡ್ಡನೇ ಜಾಗೆಡುಂಡ್ & ‘ ಪಾರದರ್ಶಕ ಪ್ರತಿಷ್ಠಾನ’ ಪಂಡುದು ನಾಲ್ ತಾರಾ ಶ್ರೇಣಿದ ಅಂತಾರಾಷ್ಟ್ರೀಯ ವಿಶ್ವಾಸನ್ ಪಡೆದುಂಡ್.

ಅಂತಾರಾಷ್ಟ್ರೀಯ ರೋಟರಿದ ಒಂಜಿ ಘಟಕವಾಯಿನ ರೋಟರಿ ಉಡುಪಿ ತನ್ನ ಸುತ್ತದ ಪರಿಸರದ ಸಮಾಜಡ್ ಸಾಮರಸ್ಯಗ್ ಒತ್ತು ಕೊರೊಂದ್ ನಿತ್ಯನಿರಂತರ ಸಮುದಾಯ ಸೇವಾ ಚಟುವಟಿಕೆಲೆಡಾದ್ ಸಾರ್ವಜನಿಕ ವಿಶ್ವಾಸಗ್ ಪುಗಾರ್ತೆ ಪಡೆದುಂಡ್. ರೋಟರಿ ಜಾಗತಿಕ ಅನುದಾನದ ಮುಖೇನ ಕೋಟ್ಯಾಂತರ ಮೊತ್ತದ ಶಾಲಾ ಶೈಕ್ಷಣಿಕ ಬೆಂಬಲ ಯೋಜನೆ, ಶೌಚಾಲಯ ನಿರ್ಮಾಣ, ಕಂಪ್ಯೂಟರ್‌ ಲು ಬೊಕ್ಕ ಪೀಠೋಪಕರಣಲೆನ ಕೊಡುಗೆ, ಜಿಲ್ಲಾ ಸರಕಾರಿ ಆಸ್ಪತ್ರೆಗ್ ಜನರೇಟರ್ ಬೊಕ್ಕ ರಕ್ತವರ್ಗೀಕರಣ ಘಟಕಗಳ ನಿರ್ಮಾಣ, ವಿಶೇಷ ಮಕ್ಕಳ ಶಾಲೆಗ್ ವಿವಿಧ ಪರಿಕರ ಬೊಕ್ಕ ಶಾಲಾ ವಾಹನಲೆನ ಕೊಡುಗೆ ಇಂಚಿನ ಯೋಜನೆದ ಪರಿಣಾಮಕಾರಿ ಅನುಷ್ಠಾನದ ಮುಖೇನ ಸಾರ್ವತ್ರಿಕ ಘನತೆಗ್ ಪಾತ್ರ ಆತುಂಡ್.

ಗುರುಕುಲ ಪದ್ಧತಿದ ಶಿಕ್ಷಣ ವ್ಯವಸ್ಥೆದ ದುಂಬರಿತಿನ ಭಾಗವಾದ್ ಕರಿನ ನೂತೈವ (150) ವರ್ಷಡಿಂಚಿ ಉಡುಪಿ ಕಡಿಯಾಳಿ ಪರಿಸರಡ್ ಗುಣಮಟ್ಟದ ಪ್ರಾಥಮಿಕ ಶಿಕ್ಷಣ, ಸಾಂಸ್ಕೃತಿಕ ಬೊಕ್ಕ ಕ್ರೀಡಾ ಚಟುವಟಿಕೆಲೆನ್ ಕೊರೊಂದ್ ಜನಮಾನಸಡ್ ಶಾಶ್ವತವಾದ್ ನೆಲೆಯಾಯಿನ ಸಂಸ್ಥೆ ಕಡಿಯಾಳಿ ಹಿರಿಯ ಪ್ರಾಥಮಿಕ ಶಾಲೆ. ಶ್ರೀ ಅದಮಾರು ಮಠದ ಕೀರ್ತಿಶೇಷ ಪೂಜನೀಯ ಶ್ರೀ ವಿಬುಧೇಶ ತೀರ್ಥರು, ಮಣಿಪಾಲದ ಖ್ಯಾತಿವೆತ್ತ ದಿ. ಕೆ.ಕೆ.ಪೈಯವರು, ಮಾಜಿ ಶಾಸಕ ದಿ, ಕರಂಬಳ್ಳಿ ಸಂಜೀವ ಶೆಟ್ಟಿ,, ಸಾಹಿತ್ಯಿಕ, ಸಾಂಸ್ಕೃತಿಕ  ದಿಗ್ಗಜರಾದಿತ್ತಿನ ದಿ.  ಕು ಶಿ ಹರಿದಾಸ ಭಟ್ಟೆರು, ಮಾಜಿ ಸಚಿವ ದಿ ಡಾ ವಿ ಎಸ್ ಆಚಾರ್ಯೆರು ಇಂಚಿನ ಸಾಧಕ ಶ್ರೇಷ್ಟರೆಗ್ ವಿದ್ಯಾದಾನ ಮಲ್ದಿನ ಕೀರ್ತಿ ಕಡಿಯಾಳಿ ಹಿರಿಯ ಪ್ರಾಥಮಿಕ ಶಾಲೆಗ್ ಸಂದುಂಡ್.

ಪ್ರಸ್ತುತ ಉಡುಪಿದ ಶ್ರೀ ಸೋದೆ ವಾದಿರಾಜ ಮಠದ ಆಡಳಿತಡುಪ್ಪುನ ಈ ಶಾಲೆದ ಗೌರ್ವಾನ್ವಿತ ಅಧ್ಯಕ್ಷರಾಯಿನ ಶ್ರೀ ಶ್ರೀ ವಿಶ್ವವಲ್ಲಭ ತೀರ್ಥ ಶ್ರೀಪಾಂದಗಳೆರು ಆಧುನಿಕ ತಂತ್ರಜ್ಞಾನದೊಟ್ಟುಗ್ ವಿಶೇಷ ಸೌಕರ್ಯಲೆನ್ ಒದಗಿಸಾದ್ ಕಡಿಯಾಳಿ ಶಾಲೆನ್ ನನಲಾತ್ ಅಭಿವೃದ್ಧಿ ಮಲ್ಪುನ ನಿಟ್ಟುಡ್ ಕಾರ್ಯೋನ್ಮುಖರಾತೆರ್. ಪೂಜ್ಯರೆನ ಈ ಯೋಜನೆಗ್ ರೋಟರಿ ಉಡುಪಿ ಸಹಯೋಗನ್ ಒದಗಿಸಾದುಂಡ್.

ರೋಟರಿ ಉಡುಪಿಡ್ದ್ ಗ್ಲೋಬಲ್  ಗ್ರ್ಯಾಂಟ್   (Global Grant Project No 2015625) ಮೂಲಕ ಕಡಿಯಾಳಿ ಶಾಲೆಗ್ ಹ್ಯಾಪಿ ಸ್ಕೂಲ್ ಪ್ರೊಜೆಕ್ಟ್ ಅಡಿಟ್ ಸವಲತ್ತುಲೆನ್ ಹಸ್ತಾಂತರ ಮಲ್ಪುನ ಕಾರ್ಯಕ್ರಮನ್ ಆಯೋಜನೆ ಮಲ್ದುಂಡ್.

ರೂಪಾಯಿ 44 ಲಕ್ಷ ಮೌಲ್ಯದ ಸ್ಮಾರ್ಟ್ ಕ್ಲಾಸ್ ಲು, ಪೀಠೋಪಕರಣಲು, ಕಂಪ್ಯೂಟರ್‌ ಲು, ಪ್ರೊಜೆಕ್ಟರುಲು, ನೀರು ಶೇಕರಣಾ ಬೃಹತ್ ಟ್ಯಾಂಕುಲೆನ ಒಟ್ಟುಗ್ ಶುದ್ಧ ಪರ್ಪಿನ ನೀರುದ ಘಟಕ, ದೃಶ್ಯ & ಶ್ರಾವ್ಯ ವಿಭಾಗದ ಉಪಕರಣಲು (Audio Visual Equipments), ಪೊಣ್ಣುಲೆಗ್ & ಆನುಲೆಗ್ ಪ್ರತ್ಯೇಕ ಶೌಚಾಲಯದ ನಿರ್ಮಾಣ ಇಂಚಿನ ಕೊಡುಗೆಲೆನ್ ರೋಟರಿ ಗ್ಲೋಬಲ್ ಗ್ರ್ಯಾಂಟ್  ಯೋಜನೆದಡಿಟ್ ಅಮೇರಿಕಾದ ರೋಸೆಂಟ್ ರೋಟರಿ ಕ್ಲಬ್ ರೋಟರಿ ಜಿಲ್ಲೆ 6060, ಸೆಂಟ್ರಲ್ ಚೆಸ್ಟರ್ ಕೌಂಟಿ, ರೋಟರಿ ಜಿಲ್ಲೆ 7450, ದಿ ರೋಟರಿ ಫೌಂಡೇಶನ್ & ರೋಟರಿ ಜಿಲ್ಲೆ 3182, ಒತ್ತುಸೇರಿಗೆಡ್ ರೋಟರಿ ಉಡುಪಿ ಕೊರೊಂದುಂಡ್.

  ಕಡಿಯಾಳಿ ಹಿರಿಯ ಪ್ರಾಥವಿಕ ಶಾಲೆಗ್ ಕೊರ್ಪಿನ ಈ ಮಾತಾ ಸವಲತ್ತುಲರನ ಹಸ್ತಾಂತರ ಸಮಾರಂಭ ಜೂನ್ 26 ಸೋಮವಾರ 3 ಗಂಟೆಗ್ ಶಾಲಾ ಸಮುಚ್ಚಯಡ್ ನಡಪರೆಗುಂಡ್. ಸಂಸ್ಥೆದ ಪರವಾದ್ ಸವಲತ್ತುಲೆನ್ ಸ್ವೀಕರಿಸಾವರೆಗುಪ್ಪುನ ಪೂಜ್ಯ ಶ್ರೀ ಶ್ರೀ ವಿಶ್ವವಲ್ಲಭ ತೀರ್ಥ ಶ್ರೀಪಾಂದ ಗಳೆರ್ ದಾನಿಲೆನ್ ಅಭಿನಂದಿಸಾದ್ ಆಶೀರ್ವಾದ ಮಲ್ಪರೆಗುಲ್ಲೆರ್.

ರೋಟರಿ ಜಿಲ್ಲಾ 3182 ರ ಗವರ್ನರ್ ಡಾ ಜಯ ಗೌರಿ, ಮಾಜಿ ಜಿಲ್ಲಾ ಗವರ್ನರ್ ಜಿಲ್ಲಾ ರೋಟರಿ ಪೌ೦ಡೇಶನ್ ಸಭಾಪತಿ ಡಾ ಪಿ ನಾರಾಯಣ, ಜಿಲ್ಲಾ  ಗ್ರ್ಯಾಂಟ್  ಉಪಸಮಿತಿ ಸಭಾಪತಿ ಮಾಜಿ ಗವರ್ನರ್ ಬಿ ರಾಜಾರಾಮ ಭಟ್, ಮಾಜಿ ಜಿಲ್ಲಾ ಗವರ್ನರ್ ಬಿ ಎನ್ ರಮೇಶ್, ಕೊಡುಗೆದ ಅಂತಾರಾಷ್ಟ್ರೀಯ ಪಾಲುದಾರರಾಯಿನ ಅಮೇರಿಕಾದ ರೋಟರಿ ಕ್ಲಬ್ ಸೆಂಟ್ರಲ್ ಚೆಸ್ಟರ್ ಕೌಂಟಿಯ ವಸಂತ ಪ್ರಭು ರೋಟರಿ ಜಿಲ್ಲೆ 7450,  ರೋಸೆಂಟ್ ರೋಟರಿ ಕ್ಲಬ್ ರೋಟರಿ ಜಿಲ್ಲೆ 6060ರ ಡಾ ಚಂದ್ರಾ ಕಾಪು, ಶ್ರೀ ಸೋದೆ ವಾದಿರಾಜ ಎಜ್ಯುಕೇಶನ್ ಟ್ರಸ್ಟ್ನ ಕಾರ್ಯದರ್ಶಿ ರತ್ನ ಕುಮಾರ್, ಅಸಿಸ್ಟೆಂಟ್ ಗವರ್ನರ್ ರಾಮಚಂದ್ರ ಉಪಾಧ್ಯ ಉಪಸ್ಥಿತರಿತ್ತುದ್ ಕೊಡುಗೆಲೆನ್ ಹಸ್ತಾಂತರ ಮಲ್ಪರೆಗುಲ್ಲೆರ್.

ರೋಟರಿ ಉಡುಪಿ ಆಧ್ಯಕ್ಷ ಸುಬ್ರಹ್ಮಣ್ಯ ಕಾರಂತ ಅಧ್ಯಕ್ಷತೆಡಿಪ್ಪುವೆರ್ ಪಂಡುದು ರೋಟರಿ ಉಡುಪಿದ ಗ್ಲೋಬಲ್ ಗ್ರಾಂಟ್  ಯೋಜನೆದ ಸಂಪರ್ಕಾಧಿಕಾರಿ ಜನಾರ್ದನ ಭಟ್  ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರು.