ಸಮಾಜ ಸೇವಕೆ ಅಶೋಕ್ ಕೋಟ್ಯಾನ್ ರೆಗ್ “ತೌಳವ ಸಿರಿ” ಪ್ರಶಸ್ತಿ..

ಥಾಣೆಡ್ ಕಲಾ ಜಗತ್ತು ಮುಂಬಯಿ ಮೊಕ್ಲೆಡ್ದ್ ಪಗರಿದ ಮಂಚವು’ ತುಳು ನಾಟಕ ಪ್ರದರ್ಶನ; ಸಮಾಜ ಸೇವಕ ಅಶೋಕ್ ಎಮ್. ಕೋಟ್ಯಾನ್ ರೆಗ್’ ತೌಳವ ಸಿರಿ’ ಪ್ರಶಸ್ತಿ ಪ್ರಧಾನ.
ಸಮಾಜಗ್ ಬೇತೆ ಬೇತೆ ರೀತಿಡ್ ಸೇವೆ ಸಲ್ಲಿಸಾವೊಂದುಪ್ಪುನ ಗುರುತಿಸಾವುನ & ಅಭಿನಂದಿಸಾವುನ ನಿಜಕುಕಾ ಳಅಭಿನಂದನಾಹ್ರ ಕಾರ್ಯ- ಮೀನಾಕ್ಷಿ ಶಿಂಧೆ
ಥಾಣೆ,ಜೂ.22. ಸಮಾಜ ಪರ ಕೆಲಸನ್ ಮಲ್ತೊಂದುಪ್ಪುನ ಅಶೋಕ್ ಕೋಟ್ಯಾನ್ ರೆನ್ ಯಾನು ಬಾರೀ ಕೈತಲುಡ್ ತೂತಿನಾಲ್. ಆರು ಸರಳ ಸಜ್ಜನ ,ಸೌಮ್ಯ ಸ್ವಭಾವದ ವ್ಯಕ್ತಿತ್ವ ಇತ್ತಿನಾರ್.
ತಮ್ಮ ಜೀವನಡ್ ಕೆಲವ್ ಏರು ಪೇರುಲೆನ್ ತೂತಿನಾರ್. . ಆಂಡಲಾ ಸಾಮಾಜಿಕ ಧಾರ್ಮಿಕ ಸೇವೆ , ದಾನ ಧರ್ಮದ & ತಮ್ಮ ಉದ್ಯಮದ ಮುಖೇನ ಸಮಾಜಡ್ ಆರು ತನನ್ ವಿಶೇಷವಾದ್ ಗುರುತಿಸಾವೊಂದೆರ್. . ಸಮಾಜಗ್ ಬೇತೆ ಬೇತೆ ರೀತಿಡ್ ನಿಜವಾದ್ ಸೇವೆ ಮಲ್ಪುನಕ್ಲೆನ್ ಗುರುತಿಸಾವುನ & ಅಭಿನಂದಿಸಾವುನ ಅಭಿನಂದನಾರ್ಹ ಕಾರ್ಯ. ಇನಿ ಸಮಾಜ ಸೇವಕೆರಾಯಿನ ಅಶೋಕ್ ಕೋಟ್ಯಾನ್ ರೆನ್ ಕಲಾಜಗತ್ತು ಸಂಸ್ಥೆದಕುಲು ವಿಜಯ್ ಕುಮಾರ್ ಶೆಟ್ಟಿ ಅರೆನ ಮುಂದಾಳತ್ವಡ್ ಸನ್ಮಾನ ಮಲ್ಪುನಗ್ ಎಡ್ಡೆ ಕಾರ್ಯಕ್ರಮ. ಅಶೋಕ್ ಕೋಟ್ಯಾನ್ ರೆನ
ಈ ಅಭಿನಂದನಾ ಕಾರ್ಯಕ್ರಮಡ್ ಭಾಗಿಯಾವರೆಗ್ ತುಂಬಾ ಸಂತೋಷ ಆಪುಂಡ್ ಪಂಡುದು ಥಾಣೆಯ ಮಾಜಿ ಮೇಯರ್
ಮೀನಾಕ್ಷಿ ಶಿಂಧೆ ಪಂಡೆರ್.
ಆರು ಜೂ.21 ಗ್ ಥಾಣೆದ ಕಾಶಿನಾಥ್ ಘಾಣೆಕರ್ ಸಭಾಂಗಣಡ್ ಕಲಾ ಜಗತ್ತು ಆಯೋಜನೆ ಮಲ್ದಿನ ಪಗರಿದ ಮಂಚವು ನಾಟಕ ಪ್ರದರ್ಶನಗ್ ದುಂಬು ನಡತಿನ ಸಮಾಜ ಸೇವಕ, ಭಾರತ್ ಬ್ಯಾಂಕಿನ ಮಾಜಿ ನಿರ್ದೇಶಕ, ಬಿಲ್ಲವರ ಅಸೋಸಿಯೇಷನ್ ಥಾಣೆ ಸ್ಥಳೀಯ ಕಚೇರಿದ ಮಾಜಿ ಕಾರ್ಯಾಧ್ಯಕ್ಷ ಅಶೋಕ್ ಎಮ್ ಕೋಟ್ಯಾನ್ ರೆಗ್
ತೌಳವ ಸಿರಿ ಪ್ರಶಸ್ತಿ ಪ್ರದಾನ ಸಮಾರಂಭಡ್ ಮುಖ್ಯ ಅತಿಥಿಯಾದ್ ಪಾತೆರಿಯೆರು.
ಈ ಸಂದರ್ಭಡ್ ಅಶೋಕ್ ಕೋಟ್ಯಾನ್ ರೆಗ್ ಮುಂಡಾಸು ಕಟ್ಟುದ್ , ಶಾಲು ಪೊದಿತುದ್, ಫಲ ಪುಷ್ಪ ಸ್ಮರಣೆಕೆದೊಟ್ಡುಗ್ ತೌಳವ ಸಿರಿ ಪ್ರಶಸ್ತಿನ್ ಪ್ರದಾನ ಮಲ್ತೆರ್.
ಸನ್ಮಾನ ಸ್ವೀಕರಿಸಾದ್ ಪಾತೆರಿನ ಅಶೋಕ್ ಎಮ್. ಕೋಟ್ಯಾನ್
ಪಾತೆರ್ದ್ ಸಮಾಜಗ್ ಯಾನು ಮಲ್ದಿನ ಸೇವೆನ್ ಗುರುತಿಸಾದ್ ಪ್ರೀತಿಡ್ ಕೊರಿನ ಈ ಸನ್ಮಾನನ್ ಸ್ವೀಕಾರ ಮಲ್ಪರೆಗ್ ತುಂಬಾ ಸಂತೋಷ ಆಪುಂಡ್ ಪಂಡೆರ್.
ನಿವೃತ್ತ ಶಿಕ್ಷಕಿ ಡಾ.ವಾಣಿ ಉಚ್ಚಿಲ್ಕರ್ ಪಾತೆರ್ದ್
ಸಮಾಜಗ್ ಸೇವೆ ಸಲ್ಲಿಸಾವುನಕ್ಲೆನ್ ಗುರುತಿಸಾದ್ ಸನ್ಮಾನ ಮಲ್ಪುನವ್ ಅರ್ಥಪೂರ್ಣ ಕಾರ್ಯಕ್ರಮ. ಇಂಚಿನ ಕಾರ್ಯಕ್ರಮಗಳು ಸದಾ ನಡೆಯುತ್ತೊಂದುಪ್ಪಡ್ ಪಂಡೆರು.
ಪ್ರಾಸ್ತಾವಿಕವಾದ್ ಕಲಾ ಜಗತ್ತು ತಂಡದ ರೂವಾರಿ ಡಾ. ವಿಜಯಕುಮಾರ್ ಶೆಟ್ಟಿ ತೋನ್ಸೆ ಪಾತೆರ್ದ್
ಅಶೋಕ್ ಕೋಟ್ಯಾನೆರ್ ಸಮಾಜಗ್ ವಿಭಿನ್ನ ರೀತಿಡ್ ಸೇವೆ ಸಲ್ಲಿಸಾವೊಂದ್ ಬತ್ತಿನಾರು. ಸಾಮಾಜಿಕವಾದ್ & ಧಾರ್ಮಿಕವಾದ್ ಅರೆನ ಸೇವೆ ಅನನ್ಯ. ಅಶೋಕ್ ಕೋಟ್ಯಾನ್ ತೋನ್ಸೆದ ಎನ್ನ ಬಾಲ್ಯ ಸ್ನೇಹಿತೆ. ಆ ಕಾಲೊಡೇ ನಮ ಇರುವೆರ್ಲಾ ಊರುದ ನಾಟಕಲೆಡ್ ಪಾತ್ರ ಮಲ್ತೊಂದಿತ್ತ. ಬದುಕು ಕಟ್ಟೊನರೆಗ್ ಇರುವೆರ್ಲಾ ಮುಂಬೈಗ್ ಬತ್ತ. ಅಶೋಕ್ ಕೋಟ್ಯಾನ್ ಆನಿಡಿಂಚಿ ಇನಿಮುಟ್ಟಲಾವ ನಮ್ಮ ಕಲಾ ಜಗತ್ತು ತಂಡದ ಓರ್ವ ಪೋಷಕರಾದ್ ಎನ್ನೊಟ್ಟುಡುಲ್ಲೆರ್. ಅಂಚಾದ್ ಕಲಾ ಜಗತ್ತು ಸಂಸ್ಥೆದ ಮುಖೇನ ಅರೆನ್ ಸನ್ಮಾನ ಮಲ್ಪರೆಗ್ ತುಂಬಾ ಸಂತೋಷ ಆಪುಂಡ್ ಪಂಡೆರು.ವೇದಿಕೆಡ್
ಶಿವಸೇನಾ ಮುಖಂಡ, ಸಮಾಜ ಸೇವಕ ಮಹೇಶ್ ಕರ್ಕೇರ ,. ನ್ಯಾಯವಾದಿ ಪದ್ಮನಾಭ ಶೆಟ್ಟಿ, ಜಿ.ಎಸ್. ಶೆಟ್ಟಿ ಇಂಟರ್ ನ್ಯಾಷನಲ್ ಸ್ಕೂಲ್ ನ ಶಂಕರ್ ಶೆಟ್ಟಿ, ಉಡುಪಿ ಶ್ರೀ ನಿತ್ಯಾನಂದ ಮಂದಿರದ ಟ್ರಸ್ಟಿ, ನವೀನ್ ಶೆಟ್ಟಿ ತೋನ್ಸೆ, ಬೊಯಿಸರ್ ಶ್ರೀ ಸ್ವಾಮಿ ಸದ್ಗುರು ನಿತ್ಯಾನಂದ ಮಂದಿರದ ಸತ್ಯಾ ಕೋಟ್ಯಾನ್,
ಬಿಲ್ಲವರ ಅಸೋಸಿಯೇಷನ್ ಸಾಂಸ್ಕೃತಿಕ ಉಪ ಸಮಿತಿಯ ಕಾರ್ಯಾಧ್ಯಕ್ಷ ದಯಾನಂದ ಆರ್. ಪೂಜಾರಿ, ಸಮಾಜ ಸೇವಕ ಸದಾನಂದ ಅಂಚನ್, ಬಿಲ್ಲವರ ಅಸೋಸಿಯೇಷನ್ ಥಾಣೆ ಸ್ಥಳೀಯ ಕಚೇರಿದ ಕಾರ್ಯಾಧ್ಯಕ್ಷ ಸಂಜೀವ ಎಸ್ ಪೂಜಾರಿ, ‘ಯಕ್ಷ ಗುರು’ ಅಜೆಕಾರು ಕಲಾಭಿಮಾನಿ ಬಳಗದ ರೂವಾರಿ ಬಾಲಕೃಷ್ಣ ಶೆಟ್ಟಿ ಅಜೆಕಾರು, ಭಾಂಡೂಪ್ ಶ್ರೀ ಶನೀಶ್ವರ ಮಂದಿರ ಭಟ್ಟಿಪಾಡ ಗೌರವ ಕಾರ್ಯದರ್ಶಿ ಸದಾನಂದ ಅಮೀನ್, ಕಲಾವಿದ ಜಗತ್ ಪಾಲ್ ಶೆಟ್ಟಿ, ಸಿ.ಎ.ಪೂಜಾರಿ, ಸಮಾಜ ಸೇವಕ ಎಮ್.ಜಿ. ಸಾಲಿಯನ್, ಶ್ರೀಮತಿ ಭಾರತಿ ಪ್ರಭು ,ಥಾಣೆ ಬಂಟ್ಸ್ ಅಸೋಸಿಯೇಷನ್ ಮಹಿಳಾ ವಿಭಾಗದ ಮಾಜಿ ಕಾರ್ಯಾಧ್ಯಕ್ಷೆ ಕುಶಲ ನವೀನ್ ಶೆಟ್ಟಿ, ವರ್ತಕ್ ನಗರ್ ಕನ್ನಡ ಸಂಘದ ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆ ವಿದ್ಯಾ ಶೆಟ್ಟಿ, ಸ್ತ್ರೀಶಕ್ತಿ ಮಹಿಳಾ ಮಂಡಳಿ ಗೌರವ ಕಾರ್ಯದರ್ಶಿ
ಪೂರ್ಣಿಮಾ ಅಮೀನ್, ಬೊಕ್ಕ ಕಲಾ ಜಗತ್ತು ಸಂಸ್ಥೆದ ಕಾರ್ಯಾಧ್ಯಕ್ಷ ಡಾ.ಸುರೇಂದ್ರ ಕುಮಾರ್ ಹೆಗ್ಡೆ, ಸದಸ್ಯೆರು ಹಾಗೂ ಕಲಾವಿದರು ವೇದಿಕೆಯಲ್ಲಿ ಉಪಸ್ಥಿತರಿತ್ತೆರು. ಕಲಾ ಜಗತ್ತು ಗೌರವ ಕಾರ್ಯದರ್ಶಿ ಕೃಷ್ಣರಾಜ ಸುವರ್ಣ ಕಾರ್ಯಕ್ರಮವನ್ನು ನಿರೂಪಣೆ ಮಲ್ತೆರ್. ಪ್ರಶಸ್ತಿ ಸಮಾರಂಭದ ಬಳಿಕ ಕಲಾ ಜಗತ್ತು ತಂಡದಕ್ಲೆಡ್ದ್ ‘ಪಗರಿದ ಮಂಚವು’ ತುಳು ನಾಟಕ ಪ್ರದರ್ಶನ ಆಂಡ್.