ಕಾಪುಗ್ ಸಂತೋಷ್ ಹೆಗ್ಡೆ.

ಕಾಪು : ಪುನರ್ ನಿರ್ಮಾಣ ಆದ್ ಕಂಗೊಳಿಸಾವೊಂದುಪ್ಪುನ  ಶ್ರೀ ಪೊಸ ಮಾರಿಗುಡಿ ದೇವಸ್ಥಾನ ಕಾಪುಗ್ ಮಂಗಳವಾರ ನಿವೃತ್ತ ನ್ಯಾಯಮೂರ್ತಿ ಸಂತೋಷ್ ಹೆಗ್ಡೆ ಭೇಟಿ ಕೊರಿಯೆರು.

ದೇವಳದ ಪ್ರಧಾನ ಅರ್ಚಕ ವೇದಮೂರ್ತಿ ಶ್ರೀನಿವಾಸ ತಂತ್ರಿ ಕಲ್ಯಾ ಸನ್ನಿದಾನಡ್ ಪ್ರಾರ್ಥನೆ ಮಲ್ತುದ್ ಅಮ್ಮನ ಅನುಗ್ರಹ ಪ್ರಸಾದ  ಕೊರ್ದು  ಗೌರವಿಸಾಯೆರು.

ದೇವಳದ ಅಭಿವೃದ್ಧಿ ಸಮಿತಿದ  ಅಧ್ಯಕ್ಷ ಕೆ. ವಾಸುದೇವ ಶೆಟ್ಟಿ, ವ್ಯವಸ್ಥಾಪನಾ ಸಮಿತಿಯಳದ  ಸದಸ್ಯ ಶೇಖರ್ ಸಾಲ್ಯಾನ್, ನವದುರ್ಗಾ ಲೇಖನ ಯಜ್ಞ ಸಮಿತಿದ  ಕಾರ್ಯಾಧ್ಯಕ್ಷೆ ಸಾವಿತ್ರಿ ಗಣೇಶ್, ಪ್ರಚಾರ ಸಮಿತಿದ ಸಂಚಾಲಕ ರಘುರಾಮ್ ಶೆಟ್ಟಿ ಕೊಪ್ಪಲಂಗಡಿ, ಪ್ರಬಂಧಕ ಗೋವರ್ಧನ್ ಸೇರಿಗಾರ್   ಉಪಸ್ಥಿತರಿತ್ತೆರು.