ದೃಢ ಸಂಪ್ರೋಕ್ಷಣೆ.

ಶ್ರೀ ಹೊಸ ಮಾರಿಗುಡಿ ದೇವಸ್ಥಾನ, ಕಾಪು
ಕಾಪು ಶ್ರೀ ಹೊಸ ಮಾರಿಗುಡಿ ದೇವಸ್ಥಾನ ಅಭಿವೃದ್ಧಿ ಸಮಿತಿ (ರಿ.)
ಬ್ರಹ್ಮಕಲಶೋತ್ಸವ ಸಮಿತಿ
ಕಾಪು ಮಾರಿಯಮ್ಮನ ದೃಢ ಸಂಪ್ರೋಕ್ಷಣೆ.

ವಿದ್ವಾನ್ ಶ್ರೀ ಕೆ. ಜಿ ರಾಘವೇಂದ್ರ ತಂತ್ರಿಲೆನ ಮಾರ್ಗದರ್ಶನಡ್, ದೇವಳದ ಪ್ರಧಾನ ತಂತ್ರಿಲಾಯಿನ ಕೊರಂಗ್ರಪಾಡಿ ವಿದ್ವಾನ್ ಶ್ರೀ ಕೆ. ಪಿ ಕುಮಾರಗುರು ತಂತ್ರಿಲೆನ ನೇತೃತ್ವಡ್ ಬೊಕ್ಕ ಪ್ರಧಾನ ಅರ್ಚಕೆರಾಯಿನ ಕಲ್ಯಾ ವೇದಮೂರ್ತಿ ಶ್ರೀ ಶ್ರೀನಿವಾಸ ತಂತ್ರಿಲೆನ ಉಪಸ್ಥಿತಿಡ್  17.04.2025 ಗುರುವಾರ ಬೊಕ್ಕ 18.04.2025 ಶುಕ್ರವಾರ ಕಾಪು ಮಾರಿಯಮ್ಮನ ದೃಢ ಸಂಪ್ರೋಕ್ಷಣೆ ನಡಪರೆಗುಂಡ್.
17.04.2025ನೇ ಗುರುವಾರ ಕಾಂಡೆ  9.00ಗ್ ಪ್ರಾರ್ಥನೆ, ಪುಣ್ಯಾಹ, ನಾಂದಿ ಸಮಾರಾಧನೆ, ಮಾತೃಕಾ ಪೂಜೆ, ಗಣಯಾಗ, ನವಗ್ರಹ ಯಾಗ.
ಬಯ್ಯಗ್  5.00ಗಃಟೆಗ್  ಸ್ಥಳೀಯ ಪ್ರತಿಭೆಲೆಡ್ದ್ ಸಾಂಸ್ಕೃತಿಕ ಕಾರ್ಯಕ್ರಮ, ಬಯ್ಯಗ್  6.00ಡ್ದ್  ಸಪ್ತಶತಿ ಪಾರಾಯಣ, ದುರ್ಗಾ ನಮಸ್ಕಾರ ಪೂಜೆ, ಅಷ್ಟಾವಧಾನ
ರಾತ್ರೆಗ್ 6.30ಡ್ಧ್  ಧಾರ್ಮಿಕ ಸಭಾ ಕಾರ್ಯಕ್ರಮ
ರಾತ್ರೇಗ್  7.30 ಹಾಸ್ಯಮಯ ತುಳು ನಾಟಕ ‘ಅಮ್ಮು.. ಅಮುಂಡರಾ…?’
ದಿನಾಂಕ : 18.04.2025ನೇ ಶುಕ್ರವಾರ
ಕಾಂಡೆ 7.30ಡ್ದ್  ಚತುಃಷಷ್ಠಿ, ಯೋಗಿನೀ ಮಂಡಲ ಪೂಜಾ, ಚತು:ಷಷ್ಠಿ ಯೋಗಿನೀ ಬಲಿ,
ಚತುಃಷಷ್ಠಿ ಯೋಗಿನಿ ದೇವತಾ ಪಾಯಸಯಾಗ. ಬೊಲ್ಪುಗ್  ಗಂಟೆ 11.00ಗ್  ಪೂರ್ಣಾಹುತಿ, ಪಂಚವಿಂಶತಿ ಕಲಶ ಆರಾಧನೆ, ಕಲಶಾಭಿಷೇಕ, ಪ್ರಸನ್ನ ಪೂಜಾ ಪೂರ್ವಾಹ್ನ ಗಂಟೆ 11.30 ಪ್ರಸಾದ ವಿತರಣೆ ಬೊಕ್ಕ ಅನ್ನಪ್ರಸಾದ.
ಈ ಮಾತಾ ಕಾರ್ಯಕ್ರಮಲೆಡ್  ಭಗವದ್ಭಕ್ತೆರು ಹೆಚ್ಚಿನ ಸಂಖ್ಯೆಡ್  ಭಾಗಿಯಾದ್  ಉಚ್ಚಂಗಿ ಸಹಿತ ಕಾಪು ಶ್ರೀ ಮಾರಿಯಮ್ಮ ದೇವಿನ  ಪೂರ್ಣಾನುಗ್ರಹಗ್ ಪಾತ್ರರಾವೊಡು ಪಂಡುದ್ ದೇವಳದ ಅಭಿವೃದ್ದಿ ಸಮಿತಿಧ  ಅಧ್ಯಕ್ಷ ಕೆ. ವಾಸುದೇವ ಶೆಟ್ಟಿ, ಬ್ರಹ್ಮಕಲಶೋತ್ಸವ ಸಮಿತಿ ಅಧ್ಯಕ್ಷ ಡಾ. ಕೆ ಪ್ರಕಾಶ್ ಶೆಟ್ಟಿ ಬೊಕ್ಕ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ನಡಿಕೆರೆ ರತ್ನಾಕರ ಶೆಟ್ಟಿ ಜಂಟಿಯಾದ್ ಪ್ರಕಟಣೆಡ್  ತೆರಿಪಾದೆರ್. ವಿಶೇಷವಾದ್ 17 ಗ್ ಬಯ್ಯಗ್ ನಡಪರೆಗುಪ್ಪುನ ಧಾರ್ಮಿಕ ಕಾರ್ಯಕ್ರಮಡ್ ದೇವಳದ ಬ್ರಹ್ಮಕಲಶೋತ್ಸವದ ಪೊರ್ತುಡ್ ತಯಾರಾತಿನ ಸ್ಮರಣಸಂಚಿಕೆ ಬೂಕುದ ಬುಡುಗಡೆ ಆಪುಂಡ್.