ಅಶ್ವಿನಿ ಪುನೀತ್ ರಾಜ್

ಡಾ. ಪುನೀತ್ ರಾಜ್ ಕುಮಾರ್ ಬುಡೆದಿ ಅಶ್ವಿನಿ ಪುನೀತ್ : ಕಾಪು ಮರಿಯಾಮ್ಮ ದರುಶನ : ನವದುರ್ಗಾ ಲೇಖನ ಸಂಕಲ್ಪ ಸ್ವೀಕಾರ

ಏಪ್ರಿಲ್ 3 ಗುರುವಾರ ಡಾ. ಪುನೀತ್ ರಾಜ್ ಕುಮಾರ್ ಪತ್ನಿ ಅಶ್ವಿನಿ ಪುನೀತ್ ಮೇರು ಶ್ರೀ ಹೊಸ ಮಾರಿಗುಡಿ ದೇವಸ್ಥಾನ, ಕಾಪು ಗ್ ಬತ್ತುದ್ ಶ್ರೀ ಮಾರಿಯಮ್ಮ ಬೊಕ್ಕ ಉಚ್ಚಂಗಿ ದೇವಿನ ದರುಶನ ಮಲ್ತೆರು.
ದೇವಳದ ಪ್ರಧಾನ ಅರ್ಚಕೆರಾಯಿನ ವೇದಮೂರ್ತಿ ಶ್ರೀನಿವಾಸ ತಂತ್ರಿ ಕಲ್ಯ ಮೇರು ಅಮ್ಮಡ ಪ್ರಾರ್ಥನೆ ಮಲ್ತುದ್ ಅಮ್ಮನ ಅನುಗ್ರಹ ಪ್ರಸಾದನ್ ಕೊರ್ದು ಗೌರವ ಮಲ್ತೆರು, ಅಶ್ವಿನಿ ಮೇರು ದೇವಳದ ಶಿಲ್ಪಕಲಾ ವೈಭವನ್  ತೂದು ಮೆಚ್ಚುಗೆ ವ್ಯಕ್ತಪಡಿಸಾಯೆರು.
ಈ ಸಂದರ್ಭಡ್ ಅಭಿವೃದ್ಧಿ ಸಮಿತಿದ ಅಧ್ಯಕ್ಷ ಕೆ. ವಾಸುದೇವ ಶೆಟ್ಟಿ, ಉಪಾಧ್ಯಕ್ಷೆರಾಯಿನ ಮಾಧವ ಆರ್. ಪಾಲನ್, ವ್ಯವಸ್ಥಾಪನ ಸಮಿತಿದ ಸದಸ್ಯೆರಾಯಿನ ರವೀಂದ್ರ ಮಲ್ಲಾರ್, ನವದುರ್ಗಾ ಲೇಖನ ಯಜ್ಞ ಸಮಿತಿದ  ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆ ಸಾವಿತ್ರಿ ಗಣೇಶ್ ಬೊಕ್ಕ ಗಣ್ಯೆರು ಉಪಸ್ಥಿತರಿತ್ತೆರು.